Also ich han bi minere Sachs ZZ mit öppe 22PS (17 oder so am HR) all Reife woni probiert han (Metzler MEZ1, Michelin Pilot Sport) i under 5000 dune gha, Hine uf de Laufflächi und Vore 2-3cm links und rächts vode Mitti weg. Luftdruck hani döte immer sVorgschribne gha, klar isch amig schomal chli tüüfer gsii aber han scho glueget.
Gümmis
- Charlie
- Erledigt
-
-
also mini sexy schtolle sind nach 1500-2000km nümme schtrassezueglah *g*
wheelä frisst reife, und zwar gruuusig...
-
So, mi Senf gib ig itz ou no derzue!
Wie ig scho bereits erwähnt ha, gitz für mi nome 1 Reife:[SIZE=4]Michelin Pilot Power[/SIZE]
Dä het Konkurrente vo Bridgestone u Continental aui i Bode achegfahre. I sache Ufschteumoment u Sägezahnbiudig sowieso, vom Grip här ke Huch vor ere Chance!
Ou scho dr Pilot Road isch da ganz angers, eifach meh uf Toure usgleit u weniger weichi Gummimischig!
Bi mir het no ke Pneu viu lenger aus 5`000 km häre gha, dr Pilot Power itz zum Bischpiu 4`500! Bi mir isch vore u hinger immer öppe zur glich Zyt nache, auso e ganze Satz!
Miner Idrück si aui usserhaub vo dr Rennstrecki, eifach vom "umegurke" uf üsne Hauptstrasse!Uf dr Rennstrecki isch sicher no einisch ganz angers, ha ni aber ke Ahnig drum haut di da mau mi zrügg!
Dr einzig Nachteil bim Pilot Power isch dr Pris! E ganze Satz isch so um die 700 sFr (mit montiere, uswuchte.....) 8o
Dir chöit natürlech ou bi dene Internetpneuhändler bschteue, ig wär aber vorsichtig wäge de DOT Zahle! (Herschteuigsjahr). Ig ha ke Bock e aute Houzreife z`choufe, nome wöu er es paar Fränkli günschtiger isch! Reife si uf em Töff wie ne Läbesversicherig!
Im Dütsche si d`Reife viu günschtiger, dert isch aber dr Markt grösser!
So itz no zwe Links für e Pilot Power:
-
Huiiii jetzt han ich grad im Motosport Schweiz gseh, das Michelin än neue Gummi für uf d'Stross usägit. dä Michelin Power Race isch än zwei Komponente Gummi, wo i dä Mitti sprich Autobahnlaufflächli, herter isch als ussä...
Ich glaubä das isch je länger je meh dä richtig ahsatz wiä mä än Pneu sötti konstruiärä. hmmm jetzt fahr ich min Pilot Power mol no durä und teste den grad dä Power Race und nocher chan ich eu villicht chli gnauer uskunft geh, wobi ich jo nöd würklich än Mastab bin