Hoi zäme,
ha mi hie grad registriert! Uf die Website bi ni düre Peak cho! Dä tribt säch nämlech ou i mim Stammforum ume:
Jo, was cha ni ou verzeue!
Bi eigentlech z`Burdlef deheime, im schöne Kanton Bern!
Schaffe tue ni Zofige aus Installationsleiter im Druckgwerb. Auso eigentlech im Usedienscht, u dr Job het mi scho uf aui 5 Kontinent bracht. Nid immer super gsi, aber am Schluss chasch di eh nome no a di gute Sache erinnere u ig wet die Erfahrige nid misse!
Töffled ha ni eigentlech scho mit 18ni. Ha ne Honda CB125 Twin gfahre. Ha denn ke Chlüder gha für öppis angers! Dä Glettisetöff bi ni de gfahre bis ig 21gi bi gsi! När ke Gäud u bis vor 4 Jahr nöme töfflet. Da ni eh gäng uf Montage bi gsi!
Ha de vor 4 Jahr em Brüetsch sini Honda Shadow überno. Na ja, we ni i Zukunft nid überzügt vom Chopperfahre rede (sorry a die wo tüe) ig weiss wurum! Dr Brüetsch het de ä Ducati Monschter gha u wo ni wieder bi dine gsi, ha ni dä mau dörfe fahre!
2 Wuche schpeter isch de dä Chopper verschärbelet gsi u ig ha mer eh Suzuki SV650 kouft! Es super Afänger Naked Bike! Het de zwar ou nome 1 Saison häregha, wet die Erfahrige nid misse! Wie scho erwähnt het SV nome 1 Sason häregha, ha mi früsch verliebt! In e Triumph Speed Triple! Eifach nome geil, so die gueti Mischig zwüsche 2 u 4 Zylinder!Ha vorher no Buell XB12S u Z1000 probegfahre, het aber nid so faziniert wie Triumph!
Sit dr SV bi ni wieder vou süchtig nach em töffle u letscht Jahr ha nis de gwüss bau uf 20`000km u viu Hornhut am Arsch bracht!!
Fahre gern im Jura, über Päss u au Jahr 2 od. 3 mau i Dolomite!
Muess mau ufhöre schribe, bi scho wieder am umetröume u am sabbere!
Wann wirds endlich wieder richtig Sommer?
Eh, Föteli vo mim Töff gitz hie:
Auso, bis einisch u e hiube
Reto
. Ich chönnt fascht wette dasi im März scho alles parat mache zum fahre und nacher gheiz 30cm Schnee ande während ich de töff ide Garasch aalane 
:D.
