ech weis ech be scho länger agmälded i dem forum aber ha ergendwie no nie so rechtig deziit gha alles azluege ond vorallem mech vorzstelle. ufjedefall hol ech das jetzt nache. ech chome vom schöne kanton luzern gnauer emmenbrücke :) ech be am 19.11.1986 gebore ond fahre eigentlech scho set ech 12i be met töffli ome ond ha mech den hald emmer chli uegarbeited wie roller 125er ond den hani no einisch en 125er gha ond ha met dem im oktober vor 2 jahr d prüefig gmacht ond ha jetzt set letscht oktober die gross prüefig. ech be gleerte autocarrosserie spengler be ned de grösst ca.168cm ond au ned de schmallsti :D aber es passt hald ergend wie :D ech ha mech done agmälded wo ech no mini cagiva 125 super city gha ha. set em merz 2012 fahr ech en schöne, no sehr guet erhaltene yamaha XJR 1200 wo hald scho chli älter esch (jahrgang 95) aber vöre afang vo chli uf gross duets das voll ond ganz :D jo das wärs eigentlech so öbe gsie öber mech wen öber no öbis wösse wot oder (muess) :whistling: den chamer mer jo eifach schriebe i dem senn wönsch ech allne no en schöni pfengste
