Kaufempfählig zunere 125ccm :)

    ich bi letscht Wuche 18 worde und ka mr dodemit e 125ccm kaufe.
    Momentan hani no e Malaguti NKD 50 (Naked Bike) und wird das nach erfolgricher Priefig mitti Juni verkaufe und mir e 125ccm zu lege.
    [Blockierte Grafik: http://www.motorcycledb.com/images/Malaguti/Malaguti-Drakon-NKD-50-Ducati-Corse-6589.jpg]



    Da ich no Schüler bi und deshalb e beschränkts Budget ha hani an max. 2500 Fr. dänk. (ich hoff vo mim jetztige 2000Fr. d bekoh).


    Ich bi 185cm gross und öbe 75kg schwer.
    Was ich nit will isch sicher e Roller und e Choper gfallt mir au nit so.
    Ha mol e paar Modäll usegsuecht wo im ricardo.ch, gratis-inserate.ch und comprais im Budgett würde lige.
    z.B. Honda CBR 125 R, Honda XL Varadero (aber chli türer), Yamaha YZF-R125...
    e muess nit e Renndöff si, mir wär e Naked Bike lieber, so wie ne KTM Duke 125, die isch aber tür (5000Fr. ungefähr :frowning_face: )


    De döff bruchi momentan hauptsächlich um in d Schuel zgoh (öbe 6km -> 7min) und wenni denne Uswärts e Fuessballspiel ha. Es wird sich aber sicher ergeh, dassi au kleini Toure mache wird oder au mol mitem döff ins Tessin oder so gang :grinning_squinting_face:


    Was könntet ihr mir so empfähle? Bi no uf keinem vo däne Motorräder gsässe, geschweige denn demit gfahre.


    Ich hoff ihr könnet mir hälfe :smiling_face:


    MfG

    Einmal editiert, zuletzt von Schweizer7 ()

    aso vo de 125ccm kani dir am beschte YZF-R 125 empfehle :winking_face: han sie selber ka, lauft gueti 130, isch halt nid die schnellscht wil sie en 4 takt isch, lauft schön ruhig, brucht kum moscht, und zupf het sie :grinning_squinting_face: prisslich gits gueti occs :winking_face:

    Kawasaki, what else! :smiling_face_with_horns:

    Wie wärs mit Cagiva Mito odr Aprilia RS 125?


    Guet die ligge au öbbe 1000 me über dim Budget abr git au söttigi mit viel KM und chli günschtiger

    Jage nicht, was du nicht töten kannst

    Viele Dank für die schnälle Informatione.


    Zum Cagiva Mito, isch eher e unbekannti Maschine, also wenn irgendöbis kaputt würd go... und optisch findise au nit grad eso ... :winking_face:


    Zur Aprilla... die isch au Occasion no relativ tür.



    Au d YZF-R 125 isch mindeschtens 2'500Fr. :upside_down_face: seht zwar anderscht guet us, aber ebbe.... de Pris muess ebbe au stimme :winking_face:

    d Aprilla RS 125 isch jo no e 2 Takter... also au nit so das wahre, 4 Takter sin jo eigentlich besser (nit mit leischtig aber susch mit Unterhalt und fahrgfühl..)^^


    Was ich mi frog isch, öb ich ufere CBR 125 R platz hetti :winking_face:

    Definitiv wirsch du Platz druffe ha. Ich han zu Afangszitte no vor 5 - 6 Joor de CBR 125er no oft gmietet ka a de Weekends zum chli üebe ;). Und ich bi au 185cm und damals au ca. 78 kg gse. Vo dem her gohts scho, ich ha mi wohl gfühlt ka uff dere Maschine.


    Abr wie amy scho gseit het, wiso machsch den nit grad die 25KW Priefig?

    Jage nicht, was du nicht töten kannst

    mh.. also miessti nomol 3 Priefige mache.. isch mir momentan chli umständlich :winking_face:


    Do im Forum will jo öbr d Maschine vo de Fründin verkaufe, also e Honda CBR 125 R :smiling_face: het no e Johr Garantie...


    Würd mir aspräche, au mitem Pris...


    Aber ebbe, das mit de grössi stutz mi no chli ...

    Hmm kasch ja schnell zum Hondahändler und mol druff sitze. Meinsch bisch z gross odr vo was hesch genau angsch?


    Und wiso 3 Priefige? Manöver und praktischi Priefig odr? Dafür bekunnsch die grossi Priefig den nach 2 joor gschenkt, wenn langfrischtig plansch döff z fahre, sparsch schlussendli doch zit odr?


    Also viel Uswahl hesch ja nit mit dim Budget, vo dem her denk ich isch de CBR 125 er scho ok, vorallem find ich ihn optisch au no super für en 125er, mir het er damals super gfalle ka...

    Jage nicht, was du nicht töten kannst

    Zitat MFK BL:Dauer der Prüfung
     Manöverprüfung: 15 Minuten
     Prüfung 1 und 2, praktisches Fahren im Verkehr: 37 Minuten
     Prüfung 3, praktisches Fahren im Verkehr: 52 Minuten


    so stoht das döt :winking_face:


    muessi morn wohl mache :smiling_face:


    us seh duet si guet, prislich isches au im rahme, und die wo do inne abote wird het ebbe, wenig kilometer und no garantie :smiling_face:


    mol luege, kaufe könnti se eh friehschtens mitti juni -.-

    Also, ich bi nach wiä vor für d'Aprilia RS 125. Fingsch se schou ou unter 2,5k.... Vom fahrgfüähl würde sägä, bimene 125erli liäber en 2-takter mit pfupf als en 4 takter wo lächerlichi 10-15 ps het. d'Aprilia chasch bis zu 30-35 PS fahre. das füählt sich bi däm fiingwicht de scho angers ah.


    Mini empfähling: mach eh probefahrt mit nere Aprilia RS 125 u einisch mit de Yamaha YZF 125. Wirsch de unterschied gseh :winking_face:


    Gruess, Sadinsky


    PS u wenns halt gliich en 4-takter muess si, probier en 250er, wobi dä wohl chuum scho für 2,5k im occ. markt wirsch finge.


    Ok, wo kame die Döff ägsch probefahre? Muessi do im inet lüt go sueche wo mir dä döff für e Stund afertraufe :upside_down_face:


    Aprilla RS125 seht aber nit grad soo schick us he :winking_face:

    Guet, de chani öppis derzu säge: xsehd us wiä en grösseri Maschine, aber bi 115 km/h isch Schluss (Tacho isch denn bi 125 km/h), und das au nur ohni Gegewind, gradus, warm und öppe so 4-600 M.ü.M. und meh als 70 km/h bringsch a de Päss nöd use.


    Es isch e Reiseenduro mit alle Vor- und Nachteil. Ich bin mitere relativ wiit ummecho und sie hed mi eigentlich niä im Stich glah. Wenn der de Typ Töff zue seid, chani si dir empfehle. Solang kein stärchere Töff gfahre bisch, wirsch anere freud ha.