Naked Töff für das erste Mal

    Halli Hallo

    Han scho vieles glese im Forum aber nüt würkli konkrets zu minere Frag gfunde. Drum machi mal es Thema uf.

    Ich möcht mir bis im April 2013 en Töff und alles Zuebehör (Kleider etc.) aschaffe und mich denn vom Töfffieber astecke lah. Bis jetzt hani no nüt also kein Lernfahruswiis etc. das würs ja nonig bringe. Bin also bluetige Afänger ufem ganze Gebiet. S einzige woni weiss isch, dass ich sehr wahrschindlich es Naked Bike kaufe wird. Jetzt hani mal überall umeglueget bi Occasione und au bi Homepages vo allen Marke. I dem ccm Bereich wo ich mir denke isches als Afänger nöd schlecht, sind mir paar Maschine ufgfalle.
    Infos:
    ab dem September 20 Jahr alt ---> Kat. A beschränkt
    Budget um di 10'000.- für d Maschine
    Körpergrössi 178cm
    650 - 800 ccm uf 25kw drosslet
    kei Erfahrig im Töffbereich

    Jetzt mini Hauptfrage:
    Occasion oder Neu?

    Und gits vo dene Töfflis en klare Favorit für Afänger oder es NoGo?
    - BMW F 800 R ABS
    - KTM 690 Duke
    - Kawasaki Z750R
    - Triumph Street Triple R
    - Yamaha FZ8
    - Yamaha XJ6 N ABS
    - Honda Hornet Phantom Edt
    - Honda NC700SA

    :sdanke: für all Antworte

    Gruess Tobi

    Zitat von spirit of bibi

    Occasion oder Neu?


    Wirsch si mit grosser Wahrschinlichkeit mindestens 1 Mal ablege oder gheie la. Öb du das lieber mit ere Neue oder eher mit ere Occasine machsch, muesch sälber entscheide. E neui chasch natürli Vollkasko versichere, was sich binere Occasine wahrschinli nöd lohnt. Won ich dir aber würkli dezu rate: Montier gueti Sturzpads, z.B. die dasind vo mir us gse genial (bin jetzt schon 2 Mal froh gsi drum bim Manövriere). Isch jedefalls e gueti Investition.

    Hello und :welcome:

    Hmmm ich würd das ganze nit eso pessimistisch aluege. Ich han selber vor 6 Joor grad mit eme nagelneue GSX-R 600er agfange und 2 - 3 Joor unfallfrei überstande. Die Döffs wo du gschribe hesch, sind alles unterschiedlichi Töffs. Do ka me dich leidr nur miteme "Probefahrt" tröschte. Ich persöhnlich würd wenns en naked sött si de Kawa Z750 ne, min Kolleg het letzt joor au so eini gholt als Istieg und isch top z friede, und sött au neu mit 0 KM sogar i dim Budget drin ligge. Und susch würd ich de Duke ne, han scho viel positives ghört, sött zimli Spass mache, isch abr glaub ich chli tüürer?

    Und ja, ob du Sturzpads ane tuesch odr nit, isch dir überloh. Es git gwüssi Sache, wo me am Afang nit sött mache (bim afahre z.B nit links odr rechts lenke, wil sich de Gwicht uff Sitte lageret usw, das sind so die typischi Afängerfehler), wenn die Sache befolgsch kasch au nit umkeie denk ich mol. Abr schade ka s jo au nit. Und denk au dra dass dini Usrüschtig worschinli je nach dem au 1000 - 2000 koschte wird, und do würd i den au öbbis gschides hole :winking_face:

    Jage nicht, was du nicht töten kannst

    Halli Hallöchen :grinning_squinting_face:
    bis ende April 2013 hast Du ja noch jede Menge Zeit :winking_face:

    Ob es bei Deiner Auswahl einen bestimmten Favoriten gibt, kann SO nicht beantwortet werden, weil DU Dir die auf Deine Ansprüche bestimmte Motor-Charakteristik selbst aussuchen musst.
    So ist die BMW ein 2 Zylinder, die KTM Duke ein 1 Zylinder (welcher offen sehr viel Spass macht, wie sich da eine Drosselversion fährt, entzieht sich meiner Kenntnis, nachteilig ist vielleicht der etwas kleine Tank... in der Schweiz auf Tagestouren aber nie ein Problem. Bei Touren im Ausland einfach eine jede Tanke anfahren..), die Triumph wird von einem 3 Zylinder mit einzigartigem Sound befeuert und die XJ, Z750R etc haben 4 Zylinder-Motoren und decken ein sehr weites 'motorisches' Spektrum ab. Die Honda NC700 weckt jetzt bei mir keine Emotionen, also für mich ein NoGo :smiling_face: aber die Geschmäcker sind ja verschieden.

    Wenn Du Dich da mal für eine Richtung entschieden hast, bist Du einen kleinen Schritt weiter. Ob Neu oder Occasion? Ich persönlich hatte in meinen über 30 Jahren Motorradpraxis noch nie ein neues Motorrad, das jüngste Modell war 2 Jahre alt, ansonsten immer deutlich älter, von der jetzigen FJ sprechen wir erst gar nicht (Klassiker halt...hähä).
    Ein Neukauf hat sicher den Vorteil der Werksgarantie, Du kannst die Kiste selber 'einfahren' und sie von Beginn an hegen und pflegen.
    Als Nachteilig ist sicher die enorme Abschreibung zu Beginn zu betrachten.... gestartet und vom Händler abgefahren sind die ersten 2 Tausender weg :frowning_face:
    Ein Vorführmodell oder 1-2jähriges ist da meiner Meinung nach die bessere Wahl.... allfällige Kinderkrankheiten sind auch bereits behoben.

    Wühle Dich also durch all die zahlreichen Testberichte oder Foren der entsprechenden Marken, da kannst Du sicher auch noch wichtige Infos entnehmen..... hast ja noch alle Zeit der Welt :smiling_face_with_sunglasses:
    Gruss Eric

    Der Kern eines guten Motorrades liegt in der Technik, NICHT in der Optik  :grinning_squinting_face:

    Schleichfahrt ist ein Betriebszustand von getauchten militärischen U-Booten


    [font='Times New Roman, Times, Georgia, serif']
    https://www.youtube.com/user/katpava/videos

    Danke vielmal für die Top Antworte bis jetzt!

    Okei ich wird das mit de Sturzpads sicher mal aluege. Han natürli scho nöd vor paar mal de töff abzlegge aber wahrschindli chunts halt denn glich mal vor. Das mit de Probefahrt isch ebe sone sach...ich han null Erfahrig mit Töff. Bin mal ca. 250m mitem Roller vom Kolleg gfahre aber det musch nöd mal schalte. Chan ja schlecht grad am Händler sini Maschine umrüere. Klar probesitze machi denn mal aber irgendwie mussi mich ja vo Afang aa uf en gwüsse Kreis vo Töff beschränke. Drum hani eigentlich die Frag gstellt gha :smiling_face_with_sunglasses:

    Ja also das Budget vo 10'000.- isch variabel. Das chan au chli meh sii und isch au nöd schlimm wenns chli weniger wird sii. Das isch rein nur für d Maschine. Für Usbildig, Prüefig, Formular und ebe Usrüstig hani sowiso mit nomal 3000.- grechnet. Aber nachem Durchdiener im grüene Verein chamer sich das scho gönne :sehrgut:

    Ziit hani würkli no gnueg :rock: oder ich muss säge well jetzt kei Geld han hani gnueg Ziit

    Also verstahn ich das richtig, das die ganz Zylinder-Frag eigentlich je nach Lust und Luune vo mir beantwortet werde muss. Mit Hilf vo Testbricht und wahrschindlich au dur Besichtigungen bide Händler mit Motorsound lose etc. :thumbsup:

    Gruess Tobi

    Zitat von Ciko

    2 - 3 Joor unfallfrei überstande


    Ich dänke da nöd unbedingt a Unfäll, sondern a die klassische Kipper z.B. bim Manöver üebe: bi igschlagnigem Länker im Rolle no mal churz und heftig d'Vorderradbräms zie zum Bispil. Oder was en Kolleg mal gmacht hät: Irgend öpisem nagstudiert und vom Töff abgstige, ohni de Ständer uszklappe. Git ganz übli Büleli oder Chritz im Lagg und erinnere eim immer a de Seich zrugg.

    Das isch richtig was du seihsch. Es sind ganz typischi Afängerfehler, wo me abr zimli guet kann vermeide. Also falls es en neue Döff sött si, wie de Kermit gseit het unbedingt Vollkasko loh mache, und susch halt en Occasion, je nach dem was du dir selber zuetrausch

    Jage nicht, was du nicht töten kannst

    Was würed ihr denn empfehle zum lerne fahre? Ich han eigentlich d Idee gha eifach ufeme grosse Platz mal die erste Fahrversüech zmache und denn das langsam z'steigere und in Strasseverkehr zgah. Oder sind es paar Fahrstunde bimene Fahrlehrer würklich sinnvoll?

    Da hast du aber eine grosse auswahl zusammengestellt. Aber kurz gesagt, das perfekte bike kannst nur du für dich finden. Musst also alle mal min. mal live anschauen und probesitzen. Aber möchte trotzdem noch ein paar tips geben, welche beim neukauf auchgern vergessen werden.
    1. hast du die händler in deiner nähe? Kann verdammt mühsam sein, wenn du für den servive erst 100km fahren musst.
    2. Wie sehen die kosten für den unterhalt aus (servicekosten aber auch mech. Kosten)
    3. Preise für ersatzteile und auswahl von zubehör

    Und auch als neuling, sollte es kein problem sein, beim einem händler eine kleine runde auf dem platz zu drehen.

    Ob neu oder occ. musst auch du entscheiden was dein befinden dir sagt. Ich habe bis jetzt nur neufahrzege gekauft (egal ob töff oder auto). Denn so wusste ich, dass das fahrzeug auch nicht "vermurckst" war. Und sagen wir es mal so, schäden bei umfallern sind generell schnell und günstig ersetzt. Weiterer vorteil von neufahrzeugen ist auch die garantiedauer. Vollkasko ist dann aber auch pflicht, die ist aber vergleichsweise zum auto sehr teuer, aber lohnt sich trotzdem.

    Ja mini Uswahl isch nöd chli. Aber das sind eifach die gsi wo mir so gfalle händ vom aluege. Ich denke s Ussehe isch en wichtige Stellewert bimene Töff aber es git durchuus wichtigers.
    1. Also i minere Umgebig hani KTM, Kawa, Yamaha und Honda Händler
    2. Wie findi das am eifachste use? Individuells fröge bide Händler?
    3. Wahrschiinlich sind Ersatzteil und Zuebehör au eher tüür wenn de Töff selber eher tüür isch oder?

    Eigentlich hani scho Lust es Neufahrzüg z kaufe aber wenn ich teilwiis gseh wie gueti Agebot dass vorhande sind bi Töff wo irgendwie zwüsched 5000 und 8000 km händ. Das isch ja für en Töff nonig viel...min Kolleg seit bi dene Kilometerständ isch de Töff ersch richtig iigfahre :grinning_squinting_face:

    Gruss Tobi

    also, luag dir die töffs wod händler i dä umgebig häsch eifach ah, fotene sind geduldig, i dä ralität gsehts meistens a kli andersch us. :winking_face:
    frogsch dä händler eifach wias dänn mit dä serviceköstene usgseht und au wia höch dmechköste sind!;-) i weiss, dia frogene händs gar nid gern aber sie wönnt jo au öpis verkaufe! :winking_face: drum nid grad abwimmle loh bi dere frog! :grinning_squinting_face: und wennd a neui kaufsch, umbeding vertraglich festlege, dass dä ersti service (noch 1000km) imbegriffe isch! :smiling_face_with_sunglasses:
    mua nid umbedingt sii, dass zubehörteili binem türe töff au grad sust tür sind. aber es gitt ebe au töffs, wo dä zubehörmärt weniger spielt und bi dä einte meh, also bi die kawa findsch uf all fäll sehr viel abüter wo einiges günstiger sind. bi dä bmw isch halt wunderlich (oder so) der hauptusstatter und es hät nid umbedingt soviel anderi abüter.
    klar könnt occ. au günstig sii, allerdings wäri bi sehr günstige agebot (bsundersch jetzt im früehlig und afangs summer) sehr vorsichtig, könnt dänn schnell en unfalltöff sii wo villicht dä rahme en schade hät oder au dgable. und dia schäde gsehsch halt nid vo aug.
    drum wenns a occ. sötti werde, umbedingt en sehr erfahrene töfffahrer mitne (bzw. töffmech falls eine kennsch). klar, alles findet dia au nid usse i dä kurze ziit, aber sie könnt wenigstens mol a kli "gröberi tests" mache :grinning_squinting_face:

    Demfall gahni mal chli go umegüggsle bide Händler inklusiv probesitze und hole us dene Händler möglichst viel Infos use :smiling_face_with_sunglasses: die Idee mitem Service isch würkli no guet...bringi scho irgendwie ane :thumbup:

    Kawa wäri sowiso bi mine Favorite und det hani scho mängisch ghört dasses viel Zuebehör für en guete Priis git. Bi BMW hani vo Afang aa scho gfunde sind chli tüür und nachdem ich s Thema über "BMW ein grosses Fragezeichen" glese han, bini sowiso chli skeptisch ob das sone gueti Wahl als erste Töff wär.
    Falls würkli e Occasion in Frag chunt hani scho en Kolleg uf Lager wo ziemli ahnig hät...dä wür denn au für mich Probefahrt mache und es paar Belastigstest durefüere wür :thumbsup: ohni Uswis chan natürli schlecht ich e Probefahrt mache :lol:

    Würkli beschaffe würi d Maschine sowiso nonig im Summer sondern denn ersch im Winter, damit ich uf Afang Früehlig grad ready to rock wär :rock:

    Ich wird sicher da im Forum mini Idrück schildere nachem probesitze und usfröge bide Händler.

    Gruess Tobi

    Zitat von spirit of bibi

    Demfall gahni mal chli go umegüggsle bide Händler inklusiv probesitze und hole us dene Händler möglichst viel Infos use :smiling_face_with_sunglasses: die Idee mitem Service isch würkli no guet...bringi scho irgendwie ane :thumbup:

    Kawa wäri sowiso bi mine Favorite und det hani scho mängisch ghört dasses viel Zuebehör für en guete Priis git. Bi BMW hani vo Afang aa scho gfunde sind chli tüür und nachdem ich s Thema über "BMW ein grosses Fragezeichen" glese han, bini sowiso chli skeptisch ob das sone gueti Wahl als erste Töff wär.
    Falls würkli e Occasion in Frag chunt hani scho en Kolleg uf Lager wo ziemli ahnig hät...dä wür denn au für mich Probefahrt mache und es paar Belastigstest durefüere wür :thumbsup: ohni Uswis chan natürli schlecht ich e Probefahrt mache :lol:

    Würkli beschaffe würi d Maschine sowiso nonig im Summer sondern denn ersch im Winter, damit ich uf Afang Früehlig grad ready to rock wär :rock:

    Ich wird sicher da im Forum mini Idrück schildere nachem probesitze und usfröge bide Händler.

    Gruess Tobi


    Jop bi mir au so :grinning_face_with_smiling_eyes:

    Au no kein Lernfahruswies bis Früehlig 13, deshalb wo und wie Probefahre....
    Ohni Erfahrige denki chum laht eus de Händler miteme Modell losfahre :grinning_face_with_smiling_eyes:

    If nothing goes right go left :neo:

    UPDATE

    So ich han hüt frei gha und bin drum grad mal zum Yamaha Center ide Umgebig. Als ersts hani mir d XJ6 N ABS aglueget. Es hammer Teil ich finds eigentlich optimal. De Neupries stimmt (9260.-), han mi grad wohl gfühlt bim drufsitze und de Händler isch sehr nett gsi und hät mir alles erklärt. Ich han au no d FZ8 aglueget aber die isch fast z'gross zum afange und kostet natürli grad chli meh. Er het denn mir d XJ6 au empfohle well sie relativ liecht zum wiederverkaufe isch. S'einzige wo halt isch, de Lagerbestand isch nüm würkli gross teilwiis sogar keini vonere bestimmte Farb.
    Bi dem Händler sind au chlini Servicearbete kostelos wenni d Mascine det kauf (Ölsache, Ketteproblem etc.) zudem gits bi Yamaha 3 Jahr Garantie was au no guet isch. Falls ich de Töff det wür kaufe wür de Händler mir gratis für 2 Stund e 250er zur Verfüegig stelle zum eifach lerne schalte so dass ich denn d 600er selber chönt heifahre :thumbsup:
    Kleider würi glaub aber nöd det kaufe, es het relativ wenig Uswahl gha obwohl er gseit hät er chönni zum aprobiere au eifach Sache usem Katalog bstelle. Das dured halt denn eifach au wieder und ich wür lieber grad wenni noimeds bin chli alles aprobiere.

    Fazit: XJ6 N ABS isch sicher mal uf de Favoriteliste, mich interessiert aber au no e Honda woni sicher au mal no gahn go aluege wenni Ziit finde.

    Die ganz Töffgschicht isch würkli :sporn: ich wür am liebste scho morn es Bike kaufe...chans chum erwarte bis es würkli so wiit isch :grinning_squinting_face:

    Hört sich sehr guet ah, und din Händler schint en supper Typ z si, vorallem dass er Zit inveschtiere will zum dir chli zeige, wie sone Maschine überhaupt bediene willsch. Erschte Idruck isch also scho mol sehr guet, freut mi für di :thumbsup:

    Jage nicht, was du nicht töten kannst