Grüezi vomene Neuling

    Hoi zäme

    Han mir ide letschte täg da im Forum scho mal mini Auge wund glese :thumbsup: alles spannendi Sache mitbecho woni nonig gwüsst han und woni no meh lust uf Töff fahre becho han! drum isches jetzt für e Registrierig ziit worde...damit ich eu mit Afängerfrage löchere chan :face_with_tongue:

    No churz zum mir: Ich wohne in Wollerau im Kt. Schwyz am schöne Zürisee (oder oberhalb) stahne im moment grad 2 Wuche vor minere Lehrabschlussprüefig als Bürogreni binere Privatbank in Züri. Bin 19i und gahn am 2. Juli als Motfahrer id RS (Durchdiener 10 mönet). Töffkarriere beschränkt sich bis jetzt grad mal no uf hinedrufsitze bim Kolleg. Bin au susch no nie zweirad usserd Mountainbike gfahre. Jetzt hani aber immer meh Lust uf en eigne Töff becho und han mir s Ziel gsteckt im April 2013 nach de RS chli Gummi uf de einte oder andere Strass ligge zlah! :thumbup:

    Meh fallt mir grad nöd ii...münder halt fröge wenner no öppis wüsse wänd :winking_face:

    gruess
    Tobi :prost:

    :welcome: do bi üs und viel spass do, uf dä stross dänn und natürli i dä grüäne feriä! :face_with_tongue:

    :welcome:

    Viel spass de dämfall im "grüene Johr"!

    Greetz

    Semi-professioneller Fotograf. Die einzige Möglichkeit die Zeit festzuhalten ist das Foto.
    Blitzliecht.ch
    ------------------------------------------------------------------------------------------------------------------------------------------
    Bei von mir Organisierten Touren gilt immer ein Haftungsausschluss seitens des Veranstalters.

    Sali zäme

    Ich bin de Tobias, chume us Wollerau im schöne Kt. Schwyz, schaffe als Kundeberater binere Bank und wirde im September 21gi und bin sit 446 Täg i dem Forum registriert...bla bla bla :grinning_squinting_face:

    Chömemer zude wichtigere Sache! :thumbup: Jetzt hani 4'244 Km ufem Tacho vo minere gliebte BMW F800GS und han hüt d Kat. A 25 Kw bestande :walklike::tanz::party:

    Das wärs vode Trix änd Gäggs für hüt :face_with_tongue:

    Schöne Abig und Gruess
    :sgenau:

    Nenei LT, de Boo esch fein raus. Wie sech am letschte Höck usegstellt het laschtet de Fluech uf mer :D.

    Nenei, mich ned... aber die andere :D.

    Ha das Johr scho 3 Usfahrte met 5 Stürz gha, vor allem met Neulänker und L-Fahrer und letscht Saison hets au scho Stürz gäh. Ond zwei Mal dervo esch au de Boo met derbi xi. Aber meh hets ebe nie breicht. Also laschtet de Fluech zwar of mer, aber eg be ned de Leidtragendi :face_with_tongue: .