Visitecharte di 2te

    Also nomal. Es sind ez ja glich no jenschti Vorschläg cho drum hämmer di ganz Sach uf de nögscht Termin verschobe.

    Das sind Bedingige:


    Abgabetermin:

    21. Dez 2004
    Alles was nach dem Termin chunt isch vode Abstimmig uusgschlosse, also mached die Sach rächtziitig, sött jetzt ja lange vode Ziit her.


    Format:

    Grössi:
    54 x 85mm
    plus min. 1mm Rand wägem Uusschnide, also eifach de Hindergrund wiiter usezie will das nöd 100% genau uusgschnitte werde chan

    Farbe:
    4farbig CMYK/Euroskala (kei RGB!)

    Uuflösig:
    300dpi

    Dateiformat:
    .pdf

    Da staht no me dezue: Format

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    ????? Nöd scho wieder :frowning_face:

    Dis design hät gwunne und damit basta!! Das säg ich sogar als ravi befürworter..! :smiling_face:

    Bis bald... im Schwarzwald!! :thumbup:

    Wirde mis Design nomal überarbeite und dänn is Voting inestelle, chasch ja dänn eifach für das Stimme *g*.
    Falls niemer me eis wett mache isch ja au gliich, aber all wo id Abstimmig wänd münd eifach die Bedingige obe erfülle wilmers susch nöd chan drucke, bzw Qualität schlächt isch.

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    [SIZE=3]Na en wichtige Hiiwiis:

    Mached eues Design wänn immer möglich mit Photoshop oder na besser mit Adobe In Design, isch am eifachschte zum nachher e gueti Vorlag z'Produziere!

    Falls ihr es JPG-File mached, mached's bitte nöd nume uf 85x54mm sondern macheds bitte i dem Siiteverhältnis aber öppe uf 800er uflösig, also z.b 850x540 pixel. Susch isch d'Vorlag so scheise, dases dänn uf de Chärtli verpixlet oder eifach numer schiesse usxeht![/SIZE]

    Zitat

    Original von Robi
    Gang mal in en Lade und versuech en kompetente Verkäufer z'finde... en Reaktor-Brennstab uf der Strass z'finde isch eifacher

    Wie chunsch du eigendlich immer uf Indesign ?(. Wenn uf de Site gasch goge läse staht gnau was si für Format nämed...

    Zitat

    Wir verstehen eigentlich alle Formate von QuarkXpress über Indesign, zu Photoshop und Powerpoint. Am einfachsten für uns und vor allem sichersten für Sie ist, eine gerasterte Bilddatei. Gerastert heisst, dass Sie Ihre Layout in eine unveränderbare Grafik in der optimalen Auflösung umwandeln.

    Und darum sägi eifach PDF, chund ja nöd drufaa ob das ez mitem Photoshop oder Indesign oder was au immer machsch. Es mun eifach Vektorgrafik, bi allne einheitlich und gnueg höchi Uuflösig sii. Isch gschisse wenn all es ander Format mached und nacher no musch goge nachbearbeite.

    Drum wetti eigendlich dases gar nöd erscht Sache wi JPG git (ussert zum da churz inezstelle aber s'Ändfile uf kein Fall)

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    DAbstimmig gits am 21. Dez. Mus ja zersch mal Entwürf gä, oder wotsch öppe abstimme und wehrend de Abstimmig no wiiter Entwürf mache so wie sletsch mal? :face_with_rolling_eyes:

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    Zitat

    Original von Spike
    DAbstimmig gits am 21. Dez. Mus ja zersch mal Entwürf gä, oder wotsch öppe abstimme und wehrend de Abstimmig no wiiter Entwürf mache so wie sletsch mal? :face_with_rolling_eyes:

    Nein nur din vorschlag als abstimmig und das mer gar nüd poste chan und gut is :winking_face: :grinning_squinting_face:

    Bis bald... im Schwarzwald!! :thumbup:

    sorry. aber langsam artets do met dene visitechärtli uus. ech be eigentlech de vo usgange, dass die erst abstemmig entgöltig esch. mer chönd au no es paar abstemmige ond e so vel vorschleg ha, dass sech niemer mech entscheide. sry lüüt. aber ech han iergend wie s gfühl, wenns so wiiter god, wärdemer nie chärtli ha.

    Triumph - Egal ob Unterwäsche oder Motorrad :engel:

    Es seit niemerd ihr münd öppis mache. Die wo Luscht händ öppis zmache sölleds mache di andere sölleds la bliibe und nacher abstimme.

    Tatsach isch das die Designs so wies da gsii sind nöd hetted chöne Druckt werde wills no falsches Format, Uuflösig, nöd fertig oder was au immer gsi sind und under Termindruck öppis anejufle isch scheisse wenns nacher 2500 mal druckt wird.

    Eifach am 21.Dez muns Design Druckbereit als PDF fix fertig da ine sii, dänn chunts is Voting, es wird abgstimmt, druckt und fertig.
    Wenn ich de einzig bin wo no öppis macht, au guet, dänn gits halt keis Voting und es wird diräkt mis Design druckt vom letschte mal.

    Diskussion über Sinn oder Unsinn vo dem Thread bringt nöd grad fill, er isch jetzt eifach mal da und mer gsend ja dänn öbers bracht hätt oder nöd.

    Da ine ghöred Visitechartedesign und ev. Kommentär dezue und susch eigendlich nüt......

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    ok. letschte biitrag vo mer bez. senn ond onsenn.

    Zitat

    Original von Spike
    Tatsach isch das die Designs so wies da gsii sind nöd hetted chöne Druckt werde wills no falsches Format, Uuflösig, nöd fertig oder was au immer gsi sind und under Termindruck öppis anejufle isch scheisse wenns nacher 2500 mal druckt wird.


    das hend glaub die wenigste gwösst. somet hed sech die sach för mech erledigt ond es esch klar, dass mer, wenn d uflösig ond format ond weiss ech no was alles, ned gstomme hed, no mol en nöie thread met de formatagabe gmacht werd.

    ha do niemer welle persönlech a griffe. es esch mer eifach ned e grend, dass en abstemmig gmacht werd ond de die ganz sach öber de gufe grüert werd.

    Triumph - Egal ob Unterwäsche oder Motorrad :engel:

    Die Abstimmig isch ja zimlech sinnlos gsi da die meiste Designs noni mau fertig si gsi und no während dr Abstimmig witeri Vorschläg si cho. Äs pressiert ja würklech nid mit dene Chärtli (usser dr Termin wägem Agebot) und i finge me söt lieber 10 mau drüber abstimme als nume e Schnell-Entscheid und de passts glich de meiste nid wies usgset.

    Und dass me d Chärtli nid nach eme 100px grosse JPG cha mache isch ja öppe klar. Aber werum meuses de Vektorgraphik si? Huere komisch...

    Zwei Dinge sind unendlich: Das Universum und die menschliche Dummheit. Nur bei dem Universum bin ich mir noch nicht so ganz sicher. (Albert Einstein)