Huhu
Bi geschter im Kino d'Ami-Verfilmig vom 1. Teil vode Millenium-Triologie go luege...und jez d'frag a eu: was füren Töff fahrt d'Lisbeth Salander i dämm film?
http://www.youtube.com/watch?v=iStIZ-fQZrM am ahfang, bi 2:37, 2:47 und 3:04 gsehtmr dä Töff churz... ich bi nöd druff cho, wases für eine isch 
aber hanen hammer gfunde. Wär weiss meh?
Danke 
PS: Dä Film isch kuul gsi, aber di schwedisch version gfalltmr besser...usser dä Töff natürli, dä isch ide schwedische nöd so dä Hit gsi
Ist wirklich nur sehr kurz zu sehen, tippe aber auf eine alte Triumph mit den hochgezogenen Töpfen der Scrambler...... umgebaut auf Cafe Racer 
Das isse und da isse
http://www.autoblog.com/2011/1…with-the-dragon-tattoo-w/
http://www.autoblog.com/2011/1…with-the-dragon-tattoo-w/
late '60s Honda CB350 custom
Sehr gut, Elgyn 
Bin dä Film geschter au go luege! Mir isch dä Bandit-Fighter Helm wo sie ah hät (http://www.bandithelmets.de/) grad is Aug gstoche.. dä rockt! :thumbup:
Dä Film findi im grosse und ganze super, er isch moderner als die erscht Verfilmig, aber doch ned zu Hollywood-like. Irgendwie häts dä Fincher gschafft das nordische Flair super izfange und em Film en ähnlich dreckige Touch z gäh wie zB Seven..
*gefällt mir* 
Danke Elgyn!
Bandit: Dä Helm hani au kuul gfunde.
Ich find eifach di schwedisch Lisbeth (Naomi Rapace oder so) eifach vill besser bzw. ha gfunde, sie isch gnau wie im buech beschribe.... das hani bide Ami-Lisbeth nöd so gmärkt...chuum gschminkt ect. und au vode art här, hani di schwedisch na vill meh distanzierter, chalt wahrgnoh oder ebe halt so wie sie dä Stig Larson krierrt hät.
Und au dä Daniel Craig als Micael Blomkvist im verglich mitem andere bzw. mit dämm im Buech hani eifach müsse säge, passt nöd würkli.... aber dä film isch sicher spannend gsi, eifach chli z'lang, finde d'Lisbeth het schnäller chönne zudä ermittlige stosse.
Aber er isch schochli brutaler gsi, jedoch mussi säge, dass di schwedisch version voll und ganz mit Hollywood cha mithalte.
Ich glaub du häsch mich missverstande
Ich bin absolut dinere Meinung das s schwedische Original besser isch..
Mich häts nur erstuhnt und ich bin positiv überrascht das d Hollywood Verfilmig überhaupt einigermasse dra ane cho isch! Wo ich ghört han das d Amis die Büecher verfilmed hani zerscht denkt das chan nur en riese Müll werde, aber so schlimm isches zum Glück ned worde und ich freu mich eigentlich auf uf die andere beide Teil wo no werded folge.
Mit dä Überlängi gib der völlig recht, er isch eifach z lang.. Da wär evtl weniger meh gsie :thumbdown:
Ja ich ha mich zersch au gfrögt, was wott jez Hollywood s'ganze auna verfilme, chasches eh nümm toppe.
Das stimmt, ich wirde di andere zwei Teil sicher auna go luege, eifach nurscho willmi d'Büecher nümm losglah händ und's mich au interessiert, was Hollywood usdä andere beide Büecher macht :love:
Da wirsch mich jez uslache, aber au d'Twilight-Film wirdi am Schluss all gseh ha, will d'büecher eifach würkli super sind bzw. vill besser als d'film mit däne schwuule, glizernde Vampir... :thumbdown: Im Buech sind's nie so kitischig übere cho..
Muesch di nid Schäme Twilight Filme bi ig ou ga luege
und Büecher si Definitiv besser, eh ja viel isch sch eiffach nid umgsetz worde.
gruess Marc
