Jetzt hets mich verwütschd :-(

    Han hüt bim Schaffe min erschte Epi Afall ka...ich wird mich für es Ziitli usem Forum zruck zieh, bis ich de Spitalmarathon hinder mir han und mit de Medis igstellt bin....zum Glück hani i dere verschiessne Situation uf de Dorso-Treiber chöne zele, wo mich is Spital begleitet het...obwohls scho recht spat gsi isch....is so Situatione merkt me, wer für eim würkli da isch
    Ich bin mit de Diagnose e chli überfordered und vo dem Afall hüt, au e chli Erschöpft und ich weiss das me mit dere Diagnose guet chan Lebe, wemme sini Medis nimmt....aber im Moment gahts me eifach nur verschiesse :loudly_crying_face: Liebe Job Gsundheit...alles nöd grad so wiemes sich Wünscht :neutral_face:

    hajo das chunnt scho.. gahsch mal id röhre (isch no geil :smiling_face: ) denn weisch sicher meh

    Ou nei :frowning_face:
    Wünsche dir ganz viel Chraft für die schwierig Situation.
    Kennes selber ja au, wenn mer sone Diagnose überchunnt.

    Na ja, fallsd wieder mal chli Chueche möchtisch, eifach melde.
    Tue denn gern eine bache :smiling_face:

    Oh je, auch von mir nur das Beste in dieser Situation, Kopf hoch!

    Der Kern eines guten Motorrades liegt in der Technik, NICHT in der Optik  :grinning_squinting_face:

    Schleichfahrt ist ein Betriebszustand von getauchten militärischen U-Booten


    [font='Times New Roman, Times, Georgia, serif']
    https://www.youtube.com/user/katpava/videos

    Jo au vo mir i dere schwere Situation alles gueti!

    Unverhofft kommt oft, und das leider ned immer im positive Sinn.. Und denn irgendwie immer na alles ufs mal :totumfall:

    Ich has im Moment ähnlich wie du au ned grad eifach..
    Min Rugge isch kaputt und schmerzt zwüschedure echt höllisch, als Akkordmuurer schaffe chani dementsprechend nümme und muss mer en andere Job sueche.Und i dä Liebi, naja, s zämezieh mit dä Fründin isch irgendwie au ned das wo ich mir dävo versproche han :loudly_crying_face:

    Aber, ich säg mir immer ich wirde das durestah, i paar Monat han ich en guete andere Job, dur das gahts au em Rugge besser und entweder laufts dänn i dä Liebi besser oder ich bin vielleicht wieder glückliche Single.. "Think positive" :thumbup:

    Naja guet wobi i dä Theorie isches mängisch eifacher so z denke als i dä Praxis :kissing_face:

    Wie au immer, du wirsch das durestah, lerne mit dere Krankheit z Lebe und us dere ganze Situation jetzt Stärker als vorher wiederuferstah! Was dich nicht umbringt macht dich stärker :face_with_tongue:

    Alles gueti, Bandit

    Sali Ninja

    Auch ich wünsche Dir alles gute in dieser Zeit und Kopf hoch....
    Aber ich kann Dich auch ein bisschen beruhigen, da ich selber Epileptiker bin. Ich hatte mit 16 meinen ersten Anfall und da ich in dieser Zeit noch sehr aktiv beim Nationalturnen und schwingen war, ist für mich eine kleine Welt zusammen gebrochen. Doch sobald die Medikamente richtig eingestellt waren, konnte ich langsam aber sicher wieder richtig loslegen. Das heisst, obwohl ich ein Leben lang diese sch..ss Medikamente nehmen muss :confused_face: , kann ich eigentlich wieder alles machen was mir spass macht. Ich darf Auto- und Motorrad fahren, ich gehe wieder tauchen, habe wieder mit dem Turnen angefangen usw. Einfach schön und vorallem regelmässig die Medis nehmen. :thumbsup:

    Informiere Dich bei den Medikamenten über die Nebenwirkungen, habe von meinem früheren Hausarzt Medikamente bekommen, die hätten einen Elefanten ins Land der flachen Dächer geschickt. Ich nehme jetzt seit 10 Jahren Lamictal & Kepra, kosten zwar etwas mehr, aber sie haben mit dieser Kombination sehr positive Resultate erzielt was die Verträglichkeit anbelangt.

    So und nun wünsche ich Dir eine schnelle und gute Besserung und wie gesgt.....KOPF HOCH !!!!!! :top:

    Gruss Hausi

    Der perfekte Bikertag: Aufstehen-->Bike putzen / Frühstück-->biken / Mittagessen-->biken / Abendessen-->schlafen--> von Bikes traümen. :kissing_face:

    So, mal es Läbenszeiche vo mir....bin hüt im Spital gsi go MRI mache...min Körper het ziemlich heftig reagiert...ha nachher mini lieb Mühe ka, mit klar denke und gradi Sätz ussebringe. I de Nacht devor, hani echt Todesangscht ka...aber zum Glück het me Fründe und so hani di Nacht nöd müsse allei durrestah....

    Viel schläuer als vorher bini nonig will die Ergebniss erscht no usgwertet werden...aber die Medis woni nimme sind Chemiebombene wo mich Wort wörtlich umhauen....
    Würkli e Besserig wieds nöd geh, ich chas nur versueche mit Medis z'underdrücke....und bis min Juni kei Ninja fahre....da chönts me mal chrüzwiis

    Bandit: Du hesch wenigschtens eini...ich stah allei da, und das isch grad s'schlimmschte für mich...will mir das schir s'Herz bricht und es maht mich au total unsicher....wieviel Glück hani ka, das me das i de Praxis passiert isch und nöd dihei....

    Hausi: wie haltisch du das nur us...ich ha d'Nase scho nach 5 Täg so volle vo dene schiss Medis :frowning_face:

    Hey Ninja

    Ou vo mir alles gueti...
    Hans ersch grad gläse und bin ou grad chli gschockt...

    Hoff geit der scho besser und... hmmm... hoffe mer jetzt eifach mol uf es chlises wunder und alles chunt guet.....

    Schick dir vo üs alne nur die beschte wünsch...

    Greez
    NightWind

    The answer to life, the universe and everything = 42

    Zitat von Ninja83

    Hausi: wie haltisch du das nur us...ich ha d'Nase scho nach 5 Täg so volle vo dene schiss Medis :frowning_face:

    Sali Ninja

    Wie ich das ushaltä ? Das weissi ehrlich gseit gar nümä. Ich ha mich dämit abgfundä und cha sehr guät mit dem läbä. Wiä gseit, ich cha ja alles (fascht) alles machä woni dä Plausch han und was will mer meh ? Simmer froh, hämmer nur äs paar Pillä zum fr..ssä, sgit sötig wo viel schlimmer dra sind......
    Das chunt scho guät, glaub mers.
    Eifach no ä chlinä Tipp, luäg, das die Medis Regelmässig nimsch, d.h. wänn möglich immer um diä glich Ziit. Mich häts vor 2 Jahr wäg dem zämägleit (5 Minutä nachdem ich mein Auto in die Garage gestellt habe). Wil ich ä chlinä Workaholiker bin, am morgä weiss nöd wänn agfangä und nöd gwüsst wänn ufhörä etc. hani dä ganzi Rythmus vo dä Medikamänt usw. duränandbracht und das hät mir nach 6-9 Mönet dä rescht geh. Ha zwar Medis immer gno, aber dur dä Stress und diä unregelmässigkeit hät dä Körper das züg gar nöd chänä ufneh und isch au im Bluätbild nöd ersichtlich gsi. D'Frag vo mim Dokter isch gsi, öbi Tablettä nümä gno heg ?????

    Aber ebä, männ suscht frägä zu dem Sch..ssthema häsch, chasch ja ä PN schickä, dänn gsenis jederzit.

    Gruss Hausi

    Der perfekte Bikertag: Aufstehen-->Bike putzen / Frühstück-->biken / Mittagessen-->biken / Abendessen-->schlafen--> von Bikes traümen. :kissing_face:

    Ich lueg scho das ich sie regelmässig nimme...ich bin eifach nur kaputt, mag nüt meh mache und fühl mich wie Chrank...schlapp und Powerlos...und das isch bi mir praktisch unmöglich...ich bin susch es wandelds Red Bull. Ich kenn mich nümm und wett mich so au nöd akzeptiere...es Schisst mich alles a, aber vorallem die sperri...wenni Pech han bini bis Dezember 2012 gsperrt für d'Strass und mit viel Glück, nur bis Juni...

    ABER ein Liechtblick gits...ich ha das ganze mim Mech verzellt und er gseht keis Problem mich glich mit id Rennsaison mitzneh, so gömmer jetzt silicht sogar scho i de letschte Feb Wuche uf Spanie unf Rennstrecki.....UND min Renntöff sött nögscht Wuche cho und den heisst zämebaschtle für d'Rennsaison 2012....Das git me e chli es Ziel vor Auge und macht me Mueht

    Was isch en EPI-Afall?? Vo wo chunnt das? Jedefalls gueti Besserig und hoffentli gwöhnsch di schnell a die Chemie das wider einigermasse chasch läbe.....

    lg Kevin