Verstärkung an der Ninjafront

Zitat von Ninja83

Danke Michi. Ja das Frög ich mich au

öhm schnell...na ja für d'Rennstrecki langeds nöd, aber für Schwizer Strasseregled, isches meh als gnueg

wiso söt dark angel nüt wüsse?? i kenn sie guet und sie isch e mega netti person und sie weiss au chli öpis ibi scho es paar mol mit ere go fahre

hesch mol luscht zum e frauerundin mache?? wür mi mega freue dich mol zkennelerne. wär sicher geil eifach mol e fraue rundi

Zitat von Easy lid Wipeout

Und dänn Fahred euch alli Männer vom Forum heimlich hine nah..

Ich stell es mier grad bildlich vor;
10-15 Lüüt, alli mit offenem Visier am Diskutiere..
"Ui, die Kurve hät sie jetzt aber ned schön gno!"
"Ja, da hättis meh Schräglag brucht!"
"De Po muess abe! ABE! viel tüüfer!"
"Wieso tüüfer? schräger und sie gheit um!"
"Ach chum bis ruhig,"
"Ja, du hesch mit dim Chindervelo sowieso kei Kurve Erfahrig."
"Also mir gfallts"
"Mir redet da vo de Kurve, ned vo ihrere Figur!"
"Wobi, die gfallt mir imfall au.."
"Jaja, die isch scho geil."
"wär?"
"d' Kurve!"

Diskussionsrunde auf höchstem Niveau

Alles anzeigen

lol du hesch ä fantasie xD   aber het scho chli was dra hends dir das mol xeit oder hesch so was ghört ka xD

eifach e gmüetlichi wiiber rundi ohni hintergedanke xD wenns mögli isch

Zitat von Ninja83

Danke für dis Agebot, aber ich fühl mich ziemli wohl under mine Manne...ich has nöd so mit Mädels. Fascht min komplette Kollege Kreis sind Manne, Fraue sind me z'kompilziert.
Ich han mit de Darky gred, aber mir sind nöd würkli uf de gliche Wellelängi...mir hend zimlich verschiedeni Asichte, au wemme s'gliche Bike liebed...aber du chasch dich ja mal a sonnere Sunntigs Tpur ahänke.

ok i weiss ned gnau was zwüsched eu lauft aber isch jo au glich...
also min kollege kreis bestoht eich au nur fascht us männer i ka nüt mit schminki oder hochhackschueh afange und teils wiiber müned mir au ned über de weg laufe
aber jo wär sicher mol gern debi vil klappets jo de sunntig wenns swetter einigermasse ok isch

WO ISCH DIE KURVE!

dude gömmer mal go töff fahre XD sueched eus paar geli kurve und lueged problem a i han problem mit all linkskurve wo eng sind

Also ich find bi eus z Zug bisch eigentlich so Zentral dases sehr viel schöni und au Kurveriichi Streckene wo sich lohned i dä nöchi häsch!
Mer händ vielleicht kein Stoss, dafür en Raten, en Sattelegg, Ibergeregg, oder i die ander Richtig Hirzel und Albis. Oder wenn "chlie" wiiter fahrsch sind inere Stund Fahrziit Klausen, Susten, Gotthard und wie sie alli heissed!
Oder Richtig / Hinter Luzern häsch Glaubeberg und Glaubebühl oder wie dä heisst, dä mit dä mega fette Panoramastrass Richtig Sörenberg und denn is Entlibuech

En ganz en gueti Minirundi findi au Zug- Talacher- Allewinde- Neuägeri- Edlibach (Achtung Blitzchaschte, hät mi geschter blitzt dete obwohli s gnau weiss -.-)- Neuheim- Baarerwald (nach Neuheim, igangs Baarerwald isch die geilsch Kurve vom Kanton Zug findi :love: ) -Baar-denn wieder dä Talacher däruf (isch jetzt nümme so toll wills die blöd Strass so komisch gmacht händ und nur na 60er isch)- und denn wieder uf Zug abe..

Minere Meinig nah hämmers mit Zug bezüglich Töfffahre ziemlich geil troffe

Mer chönntet ja mal zäme en Rundi go fahre wenn möchtsch und dich chasch überwinde

Jo vielleicht simmer eus scho begegnet, das mag sie, dä Kanton Zug isch ja ned soooo gross

Aber geschter wohl eher ned, bin nur rasch mitm Töff uf Cham i mini alt Wohnig öppis go hole und das isch so um die 15.00 ume gsie! Und han ned überholt bim Blitzer. Bin z fahre cho, han uf 50 abebremst vorem Chaschte, rasch Kontrollblick ufe Tacho, ok 50 druffe und.... eifach weg nem geischtige Ussetzer wieder Gas gäh! Verdammt :cursing: denn häts mega Blitzt, ich luege wieder abe und han 71.5km/h druff. 8o
Wenn mer jetzt bedenkt dasi am Beschleunige gsie bin chan mer wohl so 1.5 abzieh i dere halbe Sekunde bisi abeglueget han, denn na 5km/h Toleranz wegem fescht installierte Blitzchaschte git na rund 65, also 15 z viel Innerorts.
Das isch grad en Grenzbereich, 11-15 z viel gäbti luut polinf.ch nur en Buess a 250.-, aber wenns 16-20 z viel sind gits es Verfahre mit Verwarnig und 290-450.- Buess.

Und wases- oder öbs Uswürkige hät dasi na es L han weissi nedmal... Grrrr ich chönnt mich würge, echt! Wie chan mer nur so blöd sie!

Naja wie au immer, Ufrege bringt eigentlich nüt, abwarte was chunnt!

Und d Schwiiz entdecke tuen ich sowieso ganz altmodisch mit enere Landkarte, han nedmal es Navi füre Töff.. Das machts doch irgendwie grad us! Plansch über d Charte en ungefähri Route und denn fahrsch eifach mal druff los und ab- und zue kontrolliersch ob ungefähr richtig bisch. Der Weg ist das Ziel bim Töffahre!
Und mitm Navi? Naja fahrsch halt irgendwie eifach wie bim Auto dä schnellschti Weg dunkts mich, aber vielleicht irr ich mich au und Töff Navis sind andersch als s Auto Navi

ich fahre ohne navi, das mit der karte ist schon am besten, einfach mal schauen wo die strasse hinführt.