Äs gaht loooos.....x-)

Zitat von Easy lid Wipeout

Uii, ich bringe dänn emale es paar Cervelas mit

Hihi, das wür sie sicher auna schaffä haha und dänn gsehsch eifach ä hordä hünd mim töff hinedrii ränne, will sie so nach grilliertem servilat schmöckt

Zitat von ivan

Du ich han gad e Rächnig vo dä Chrankekasse bechoo, wommi schier zu dä Schueh us glüpft hett, jetzt bruuchi die Chole im Moment gad echt noimeds anderscht. Chaufmer dänn uf nöchscht Saison schlaui Chleider, wird ja bald wieder iigwinteret.

Hehe, ja wiso nöd, dänn gändsdr wider chi Gäld zrugg, falls was wür passiere Aber mini händ 40.- koschtet und bi zfride mitne...also ja...ich hoffe dä ultimativ härteteschts müends nie duremache :pinch:

Jo das passt, i dere Kurve überholi immer d Autos wenni mal wieder z schpaat uufgstandä bin (jede Tag also).

Obe abe gaht si na...aber une ue, wirds immer u huere äng, dass'd uf dinere spuur blibsch :pinch:

glg

Alles anzeigen

Zitat von ivan

Hello

Bis froh um dini Händsche, vorallem Hagel tuet gruuuuuusig weh! Bin ja im Moment uf dä Töff aagwisä, will s Auto im Arsch isch, da gits amigs kei Uusredä am Morgä. Druffhockä und durrefahrä

Hmmm chan sii, wohne so halbe in Wald und halbe im Hinwil

Ich liebe die Kurve, han immer en huere Spass

Um welli Ziit fräsisch Du denn amel dur Wald?

Ivan

Alles anzeigen

hihi, da ha ich's chli besser...wänn d'gfahr bestaht, dasi ufm Pfupfi chönnt ihschlafe, wili nani fit bi, nimmi dä Tösstal- Schnägg und cha det na in rueh d'20min läse oder 40min pfuusä

Also du chasch dich 2 teilä? Geil! hehe nene^^

Hmm ganz underschidlich...je nachdämm wänni fiirabig mache (Und das däffi abem halbi 5i wänni wott..) Also jez morn gahni glaub nöd mitem töff und am fritig machi am halbi 5i wucheänd...dä sötti so am 4telvor dur wald dure cho Wiso? Wotsch gnau dänn möglichscht langsam über dä fuessgänger go laufä? oder möglichscht unerwartet drüber ränne, dasi wider was z'verzelle ha, da?

Zitat von Swisstourer

Hey Nemi

Ig bi der glicher meinig wie ou anderi vom Forum, laht sich langsam la gseh dis Fahre. Freut mi wie schnells bi dir geit. ig pfudere momentan mit mim Brohers BMW GS 650 ume. isch zwar nid e 4 Zilinder wie der GSR 600 aber easy für chli dri zcho lengts^^
Wünsche dir emu no viel spass und bis zum nächste Biitrag

Gruess Marc

Danke Marc Ja ich hoffe, stellmi nümm/nöd allzu dumm ah...aber solangi kän offroad-trip me härelegge, bini eigetli scho fasch zfride aber bi mega nervös wägem grundkurs am samschtig...hoffe ich machmi nöd zum Gspött vodä gruppe :pinch:
Ja isch doch au ä schöni Maschine Du schribsch dini gschicht au. dänke eh, dass jede chönnt äs buech über sini erläbnis schribe

Danke das wünsch ich dir au, bis dänn

glg, Nemi

hehe, ja ich befürchte ah dämm Samschtig passiert wider irgendwas, wo eifach nur mir cha/muess passiere :pinch:

Würmi au mitdä versteckte Kamera go filme, wänni wüsst, da isch so ä Wahnsinnigi am Wärk :pinch:

Und bi mir isch immerna d'Frag, wie chumi Uf wetzikä :pinch: ich hoffe, mir langed ziit, zum dä wäg hüt abig na go abzfahre... will morn abig gahts nöd und am Samschtig morgä, isch immer eini Tod bis am 10ni

Aber aber aber...da die Versicherig, wo im Priisgäld vom Kurs dinne isch, die isch würkli für all Schäde wo am Töff entstönd? also au wännsmi sälber (Eigeverschulde) wür ufdä Latz haue bim Bögli fahre oder so? Da uf dämm Zäddel vo Grundkurs staht eifach: Vollkasko mit 800.- Selbstbehalt...

Und dänn däffi dä Kurs grad bar vor Ort zalle, 640.-:pinch: Ha ufä Rächnig änds monet ghofft vorallem au, will's ja erscht dä 1. Teil vom ganze kurs isch...

Zitat von ivan

Ich bin im Auto amigs iipennt, hettmi au mal fascht dä Hald koschtet

Ich hassä d ÖV, benutzi so wenig wie nur irgendwie möglich!

Du weisch gar nöd wie geil das sie chan wennmer sich in zwei Teilä chan
Haha nur Spass

Weisch ich fahrä zum schaffä au immer quer durch Wald, han denkt wenni mal es Wiibli ufere Rebell gsehne und s Ziitlich passt, wirschs ja wohl du sii

Fahrsch dänn amigs durs Grundtal?

Ivan

Alles anzeigen

hihi

hehe, ja das cha si...also ebe, hüt sööts so ca. 16.45 si, dasi dur das kaff chume ähmmm.... kei ahnig wis heisst...aber chunntmr scho wie äs Taal vor äml d'Isebahn gaht überem chopf dure, wämr richtig wald fahrt... ha immer gmeint, das seg mega chli, aber isch anschinend ja risig, das huere Wald Ebe eifach durs dorf und dänn det die bös Kurve dä hang duruf und annere Chille chunntmr verbi und ein chreisel häts au^^ aber ebe kei ahnig ich beachte glaub d'strasseschilder vill zwenig :pinch:
assä d ÖV, benutzi so wenig wie nur irgendwie möglich!

Du weisch gar nöd wie geil das sie chan wennmer sich in zwei Teilä chan
Haha nur Spass

Weisch ich fahrä zum schaffä au immer quer durch Wald, ha

Zitat von Easy lid Wipeout

Wenn du uf de Latz flügsch, und es en Schade vo 1000 Franke git, so zahlt der die versicherig 200 Franke.

Settisch aber uf de Latz flüge und en Totalschade ha, so muesch du 800 Franke zahle, und d' versicherig übernimmt de rescht.

Vollkasko zahlt au bi eigeverschulde, chan aber under umständ regress uf dich näh..
Aber da das ganze ja "absichtlich" für de Grundkurs isch, glaubi ned das sie regress nämed.

Okäy, dankä Ja hoffedmr eifach mal, muess kei gebruch vodä versicherig mache Und wi stahts mitem Wäg an Grundkurs? Giltet für dete d'Versicherig auscho? Ich und Wetzikä händ eus glaub schomal nöd so gärn

Sorry Ivan, min Pc isch überforderet mitem Forum, drumm chürztermr aml eifach mini Biiträg

Ok, super, jez weissi au mal, wi das heisst, danke! Hüt chumi ca 16.45 wider det dure

Ja eh, chrüzt sich sicher mal

glg

Geschter ufm heiwäg vom schaffä...
ich fahr so schön gmüetlich und dänn plötzli machts "Pflätsch" und ich ha sonen gääle schissi zmizt ufm Visier..chli tüüfer und ich hetten ide schnurr gha haha, ich ha so müsse lachend flueche frächs Fiich, gopferdammi Aber dämmfall isch das wohl taufi gsi, dass ich jez offiziell im Ring vode hardcore easy riders ufgnoh bin

Zum glück hät dä vogel mich und nöd mis pfupfi troffe...dä hetti das scheiss fiich mitdä Schrotflintä obeabegholt :thumbdown:

Heifahrt isch susch super gange, wird immer besser

Und ich däff s'Pfupfi jez ufd parkfälder vom gschäft abstelle, wänn nöd vill lüt da sind...s'problem isch nur, dass dä parkplatz zimmli steil isch also hani sie ufdä oberschti anegstellt, wo na einigermasse grad isch bzw. woni kei angscht muss ha, dass sie umgheit...nur isch das dä chefin ihre platz also ja...s'gäb angäblich kei feschti parkplatzornig, also hani dänkt, dä chani sie au det härestelle...sie hät äml nüt gseit, also nimmi ah, isch ok so

Huiiiiiiiiiii...hüt isches sowit gsi, Nemi und Pfupfi händ müesse an Grundkurs ahtrabe

Zersch uf wetzikä...hämr überläbt

Dänn dete is l-stop zänter go warte...hät und hät niemert welle cho :pinch: bzw. ich hett nie dänkt, dass die zwei wo ohni irgend welchi schutzchleidig vordä Tür am rauche gsi sind, zum Kurs hettet chönne ghöre 8| T-shirt und irgendwelchi turnschueh...heiterä fahne und ich chum ih mim Schiiahzug und halstuech naja, mir sölls ja rächt si

dänn dä fahrlehrer und dä verspöteti mänsch auna cho und äs isch losgange...simmer uf Buebikä zumene Bordell ufdä Parkplatz gfahre 8| :pinch: jaja dete fühled sich di männliche wesä wohl sehr bestätigt, wänn ne da d'wiibli zuelueged - bezahlt oder unbezahlt-.. oder min fahrlerer zumindescht :thumbdown: Und dänn hätr immerna müsse so kommentär bringe, wie "Musch di nöd freue, mir gönd det nur ufdä Parkplatz..." 8| Irgendwänn klagien mal na ah, fräche Mänsch das Aber s'Nemi hät nachdä 1. Fahrstund sich fesch vorgnoh, niemeh vor dämm Mänsch müsse afah z'briegä, willr so gemein zunnere isch, also ha ich mitem Pfupfi über ihn abgläschtered :love:

Whatever...

hämr zersch müsse am fahrlehrer hinenahfahre und ihm alles nahmache, was er mit und uf sim töff macht...haha, ich bi ja scho än fan vo zirkus-artischte, nur han ich's nöd nötig gha, irgendwelchi nuttene z'beidrucke Also bin ich nöd einbeinig ufdä Sattel vom fahrende töff uegstande, ha kei ligestütze ufem fahrende töff gmacht und au nöd s'bei über dä länker iegschwunge...sondern bi lächelnd hinedrigfahre und ha mir mini Gednanke däzue gmacht, wo ich jez da besser nöd erwähne Naja und ich ha ah mini 640.- dänkt, dasi die besser für was anders usgäh hett, als da dä Clown go z'mache und sich wider müsse vordä anderne Teilnehmer beleidige zlah

Dänn hätr Töggeli ufgstellt und Seili usgleit (langsam fahre)... und dä is losgange - äntli! Zum vorzeige, wimmr dä Parcour muss abfahre, schwingter sich eifach uf MINI Pfupfi!!! 8| :cursing: Houuuuuu, d'Furie i mir hät grad än satz gmacht :cursing: und er grinst mi nur so dumm ah :cursing: Hätr glaub gmärkt, dasi nöd so ihverstande bi und frögt "Isch guet oder?". Pha, als wärs sälbschtverständlichste uf däre wält...gopferdammi Hani nur knurred "Bisch lieb zunnere " er grinst nur wider dumm und seit "däffi sie nöd quälä?" "Sicher nöd!" Ma, ha ich kochet MIS Pfupfi!! Niemert langt sie ah, ohni mini erlaubnis! :cursing: X( Also häter halt mit MIM Pfupfi vorzeiged, wasmr müend mache:
Slalom fahre, 8i fahre, brämse mit vorderbräms und dänn ufd hinderradbräms wächslä, und möglichscht langsam fahre.

Ich säg na rasch, was für Töff am grundkurs gsi sind: Also än Rollär, ä Vespa, und irgend ä Aprilia Rännmaschine, wo mit Chläbband zämmekläpt gsi isch Und am Fahrlehrer sind, aber dä hani nöd ahgluegt - verständlicherwis! Und mis Pfupfi - mit Abstand dä schönschti Töff, uf dämm Platz, sorry :love: Ha mal all gnau ahgluegt, wos näbedänand gstande sind und ha eifach müsse säge: Mis Pfupfi strahlt all ih grund und Bodä! :love: mr luegt di andere gar nöd ah, wo näbed ihre stönd ^^ Ussert d'Vespa, die hättmr jez also auna gfalle...härzigs teil, aber nöd halb so süess, wi mis Pfupfi! :love: ^^ Jaja, mis meitli ^^ Bi grad chli sehr stolz gsi, woni sie näbed dä anderne gseh ha ^^ 8)

Hätr eus zersch gfrögt: Wie mir än Töff länked. Dä eint hät gmeint, mit dä Händ/ärm. Dä ander hät gmeint mit Gwichtsverlagerig. Hät dä Fahrlehrer s'vorgmacht, wie das wür usgseh, wänn mr so würed fahre. Hätr mich gfrögt, wie ich min Töff länke...und ich so: "Mitdä Hüft... " Länk sie würkli vorallem so haha dä Fahrlehrer luegt mich nur so ah: 8| und meint "Das zeigi jez nöd vor, wür andersch schwuul usgseh!" hihiiii ischm piinlich gsi

Naja s'hät dänn än grosse AHA-Effäckt/Isch-ja-logisch-Effäkt gäh, wonr gseit hät "Mitdä Augääää!!!" ich finde mini Hüft-Antwort trotzdämm luschtig Eigetli müssti mi ja schämme däfür, aber ja, isch jez halt mini eigeti technik näbedem möglichscht wiit füre luege.

Dänn is los gange...

1 Rundi:

Slalom: Nemi fahrt d'helfti vode Töggli grad mal über dä huufä haha ha ich ä schiss freud gha Dä Fahrlehrer natürli weniger: "Du musch däne uswiche, nöd drüber ie fahre, FRAU!" Lalalaaaa, ich ghör dich nöd, gah mal rasch is Puff übere, dassd mal chli lockerer wirsch, hei namal!

8i fahre: s'Nemi und Pfupfi fahred Chreis um Töggel ume händs nöd gschafft

Brämse: Das hät grad vo ahfang ah eigetli guet klappet

grossi Slalom: Hät au spass gmacht und isch eigetli käs problem gsi ^^

langsam fahre: das isch luschtig Pfupfi hät immer mit 10kmh dure welle, hani si müsse zur vernunft bringä

2. und di nöchschte 100 Rundene dur dä Parcour:

Slalom isch plötzli und dänn immer besser gange, zu mim erstuune :love: Und grad namal ah all die, wo säged, mis Pfupfi seg nöd wändig und bla bla! Hettet die sölle gseh, wie die die Töggel locker umfahre hät und ich ha äntli gmärkt, wie vill Länkspiil dass sie hät und wie schnäll dassmr dä länker däfür muss schwänke, isch nachher fasch mini lieblingsüebig gsi siuuuuuum........ siuuuuuuuuuuum....siuuuuuuuum

s'8i hät aber länger bruucht...hätmr dä fahrlehrer dänn netterwis namal erchlärt, wieni am beschte söll luege, dasi um die Töggel umechue: Töggel, gradus, Töggel bis dä Töff nachechunnt und dänn abtraie. Joa isch dänn tatsächlich besser worde und ich ha glärnt, dassmr än länker au ganz cha ihschlah undmr dä töff dänn nöd grad umgheit ussert eimal fasch :pinch: da händ sich mini Stunde im Gym äntlich mal bezahlt gmacht

Ja also s'8i mussi ächt na regelmässig üebe, bisi das ihwandfrei cha :pinch: und slalom wirdi rein us spass witer übe...aber au dasis bis zur prüefig nümm verlärne langsam fahre hani scho vorem krus rächt güebt, immer wänni irgendwo im stau gfahre bi bzw. bsunders am letschte samschtig dur rappi dure, hanis guet chönne üebe

Joa...dänn hätr nachli was allgem. über dä Töff erchlärt: Reifeprofil, Öl kontrolliere, Chette spanne/ahzieh ("Du gahsch das bitte zum mech go mache, FRAU!"), Luft ide Reife: s'Pfupfi brucht anschinend vorne 2.8 bar und hine 2.5 bar... (fröge aber sicherheitshalbe namal dä mech )

Joja...dänn is id Beiz grad näbedem Bhf. Buebikä gange, was go trinkä.
Hihi dänn bim Abfahre, ich hocke druff, wott si starte, macht kän Wank...wie wott sie au, ohni schlüssel im Zündschloss? Ouuuuu hobbala Dä fahrlehrer hät das natürli MÜESSE gseh :pinch:
---> "Frau, du wotsch mir jez aber nöd im Ernscht säge, dass du grad probiert häsch, din Töff ohni schlüssel z'starte " Ich bi nur ih minere Jaggetäsche am chrame gsi und ha probiert, so möglischt biiläufig zsäge "Sicher nööd! Ha nur öppis müsse luege! :whistling: "

Dänn simmer na rasch ufen grössere Parkplatz. Dete hätr eus zersch na über Töffchleidig än Vortrag ghalate und biiläufig müsse säge, wo ich dä Helm ufm Bode und nöd ufm Tank vode Pfupfi abgstellt ha ("Uiii, gits äs Chräbäli in Tank??"), dass mini Pfupfi ä ganzi Garage für sich ÄLLEI heg, ich seg sone böösi Fründin und heg eifach dä Fründ usdä Garage grüert, damiti min Töff chönn iestelle. Ha dänn nur gseit: "Sicher scho! Nur s'Beschte für mis Pfupfi :love: " Er häts dä ufgäh, mich ahzzünde

Dänn hämr na d'Blicktechnik bim Abbüge güebt. Die wos chönnd/kapiert händ, händ däff hei....................gar nöd gmärkt, dass plötzli nurna dä Fahrlehrer und ich ufm Platz gsi sind
Hät mich dänn zu sich gwunke und gseit, ich däffi au gah, söll das jez eifach immer üebe, wänni mitere gah go schaffä aber heg dä 1. Teil vom Grundkurs also mit Bravur gmeischtärät ( ---> Nemi's Reaktion: 8| )
Ich heg risigi Fortschritt gmacht, sit minere 1. Fahrstund, söll witer so mache, dä chani mr i 2 jahr ä Harley zuetue. Au bim Slalom, heger also gstuned, wie schnäll dass ich min Töff det rundume bracht heg (---> Nemi's Reaktion: Pfupfiiiiii :love: )

Jajaaaa...zersch immer abemache/ahzünde, dänn go schliime, die hämr gärn :pinch: Hami dänn über Rüti ufdä Heiwäg gmacht, isch super gange

Am nöchschte Samschtig mussi vo 8-12 an Teil 2...ma gucke, was mi det erwartet :pinch:

Aber bi zfride mitem hütige Tag. Isch richtig schön gsi, s'Pfupfi namal chli besser z'kännelärne und z'bewiisä wie wändig dass sie isch :love: