Äs gaht loooos.....x-)

Uiiii....hüt wirds än grosse Tag für mich und mini Pfupfi :pinch:

Händ vor vo Turbethal is Knonaueramt z'fahre, mini Eltere go bsueche.... :pinch: Mitem auto hämr aml 45min über d'autobahn. hüt ämr ihgrächnet, am 12, halbi 1 abfahre, dasmr sicher so umdi 3 dete sind und öppe am 7ni wider zrugg, dass's na is Kino langed hüt abig

Boa ich stirbe :pinch: Bi mega nervös...will äntweder gahts über Rapperswil oder dänn über Hinwil, will's z'Rüi dä Rütilauf händ Naja...ich weiss nöd würkli wo dure und dä Fründ cha nur hinder mir und nöd vorus fahre :pinch: Funk wär jez kuul...aber mussi au zersch mal na zuetue...

ui ui uiiiiii....wänn das nume guet chunnt weiss doch all die Verchehrsreglä nümme, vode theorie 8| :thumbdown: Und dänn na über dä Hirzel oder über dä Albis ie...haha, das wird äs wunder, wännni det nirgends näbed use fahre :pinch:

Naja, ich freumi aber glich druff, au wämmr d'chnüü jez scho schlottered Vor allem freui mi mega, min Army-Waterbag äntli in Härtetescht z'näh

Also...wünschedmr glück und fallsr nütme vomr ghöred....Ha eu gärn gha ;(

glg und schös Weekend

Hey Wipeout

Danke für din usfüehrliche Bricht.. Bi geschter au underwägs gsi und s'isch würkli abartig heiss gsi! Mich häts dru Rappi dur au schier butzt, bi dämm ewigä Stop and go :thumbdown: Und vorallem han ich mir äxtra na än Waterbag zuetah, woni ha welle mitnäh...dä hät aber grad bi abfahre d'schruube gmacht bzw. dä verschluss hät grünnt, hanen nöd chönne mitnäh ;( hett z'rappi ächt alles däfür gäh, so eine däbi zha...isch ebe eigetli voll gschiids teil, wo wi än rucksack ah häsch und dänn häsch än schluch, wo ih eim chliine hangriff grad im Muul häsch und chasch trinke...aber ja, muess jez zersch im Army-Shop go reklamiere, mit somene teil chönnmr also nöd in Chrieg, sölledmr eine gäh, wo nöd rünnt

Aber hey..machmr jez grad zimmli sorge...mussmr ächt dävo usgah, dass's eim im grundkurs mal uf d'schnurre rüert??? ;( Wott mini Pfupfi nöd det go kaputt mache oder ischmr im grundkurs irgendwie für allfällig enstandeni schäde na versicheret...chasmr ächt nöd leischte, dass was mitere passiert :pinch: Wär min undergang ;(

Aber häsch dämfall öppis glärnt oder fintsch, isch än überflüssige seich? Guet Gäldabzocke isches ja immer, aber wänns wenigstens na sinnvoll isch..
Ja du tönsch, als wärsch froh gsi, dasses nach 4 stund wider verbi gsi isch

glg Nemi

Wuhuuu...ich läbe na und s'Pfufpi au :love:

Ja gester öppe am 1 abgfahre...ohni Wasserbag, will dä ja na umbedingt hät müsse rünne :cursing: Wär mega froh gsi umen, will isch so krass heis gsi...läck bobby :pinch:

Simmer also zersch uf Rüti ue und dänn uf Rappi...dete ein Stau gsi Händ sicher ällei für dur Rappi 45min gha. Pfupfi gschwitzt, Nemi fasch abgläge :pinch:

Nach Rappi simmer dä über dä Hirzel Han ich eis angscht gha, wo all die huere Cär obe abe cho sind und schön uf mini fahrbahn übere cho sind..."Hallo, bi auna da :pinch: "
Und in Sihlbrug dä huere Möngi-Chreisel...sorry, aber wiso erfindetmr än zweispurigä chreisel :pinch: aber dänn über Huuse und Chappel a.A., Mättmi glich na irgendwie zude eltere heicho..uff :pinch:

Und ufm rückwäg wider s'gliiche...hani än traktor vor mir gha, hinder mir händs wider umegstresst, ok, ich wotten überhole, chunntmr prombt än Volvo entgägä Zum Glück is Pfupfi so schlank
Dänn bim Möngi-Chreisel prombt nöd gwüsst, ih welli spur dasi muess...richtig zh oder richtig chur...ich bi mal richtig zh und gseh, wie dä fründ ufdä andere spur scho wider zum hirzel abboge hät...nei :pinch: ich wider innere halbe Panikattacke, wott wächslä und ha wider irgend än seich gmacht...Pfupfi nimmt äml än risä satz..hett also ngrad mitere an CSI chönne naja, irgendwie hämrs dänn na ufdi ander spuur übere gschafft, kei ahnig wie :whistling: Hirzel isch eigetli wider guet gange und när au wider... hät wider gaaaaaaaaanz vill hässigi autofahrer ume gha, wäg däne machi ächt mal na än unfall, wills so umestressed....ide 50er zone, welle d'Pfupfi an Arsch go ahschiebe...tammi, isch 50, ihr idiote!! :cursing: Wo 80 gsi isch, gnau dasselbe...frög mi ächt, was mit däne lüt los isch Und dänn eimal na halbe überseh worde, vo somene Möngi, wo eifach usefahrt und ersch dänn gseht, dass da vorem nöchschte auto ja namal was isch :pinch:

Naja z'Rappi dänn na ufd Autobahn bis Hinwil Isch au chli än Fähler gsi, mich zu dämm überschnurre lah :pinch: Naja...än 110er hani mi dänn glich getraut und woni zude usfahrt cho bi, ischmr ihgfalle, dassmr als töff ja au ä Viniette brüchti... naja, machs ja niemeh

Dänn über Bäretswil wider hei und dete grad na än gröbere Schockmomänt gha Ich chum schön um Kurve ume und dete isch alles voll Chiis ufdä Strass Bini ufd Gägefahrbahn usgwiche, aber ächt dänkt, jez rüertsmi zum glück nüt passiert, aber das hett bös chönne is aug und nöd mal ä taflä oder was gha, vor dä kurve :thumbdown: Naja, aber immerhin als 1 Stuck dihei dänn ahcho miteme risä Arschkater

Mis Fazit: Chreisel sind neu uf Platz 1 vo mine verhasste Strasseobjekt und Autofahrer: Nämed eu gopfertammi bitte eifach bizzli zämme und höred uf so umestrese wänn 50 isch fahr ich jez eifach nöd schnäller und bi 80 gnauso nöd, chöndr eifach vergässe, kä Gäld für Buesse-.-

Fahrlehrer hät gmeint, ich söll afah mitem Töff go schaffe gah, seg ä gueti üebig...

Also hani dänkt, ich starte die wuche dämit und wott gester dä wäg namal abfahre... Hät zwar Wulche ume gha, aber hett jez nie dänkt, dass ich da inne Sinnfluet inechume

Zersch z'Pfupfi z'wila go tanke und dänn losgfahre...z'Bauma scho fasch bis uf d'Underhose nass gsi...Pupfi hät eigetli welle chehre...ich ja eigetli au :pinch: Hani mi aber gfrögt: Wie söllis dä susch jemals lärne im Räge zfahre, wänni immer grad hei ränn, wänns afaht tröpflä? :pinch: Also sind s'Pfupfi und ich dänn dr meinig gsi, dassmrs dureziehnd

Puhuuuu isch das än verdammte Hölleritt wordä :pinch: Bis uf Rüti is guet gange...dänn dete rasch in 1. Chreisel und grad wider richtig Turbethal kehrt... und dänn usgangs Rüti häts sonen behinderte Bode-Pfiil und zwar nöd eifach eine wo gradus zeigt, sondern so eine wo gradus und dänn na ahzeiged, damr au gäg links cha abbüge...brucht also di ganz strassehelfti Ich probier chli uszwiche, verwütsch aber doch na ca. 10cm mitem Hinderredli und schwuubs, das schlifärät uf d'site hei namal, hetti also nie dänkt, dass die dinger so brutal rutschig sind Naja zum glück is Pfupfi sone standhafti...händ eus also grad na chönne uffange, bevormr glandet sind När bini chum me schnäller als 50 gfahre...au ide 80er zone...ha eifach nütme welle riskiere :pinch: Autofahrer natürli wider ä dummi gha, aber has regelmässig füre gwunke und bi an rand usgwiche...nur häts am rand dänn sone schöni wasserahsammlig (=Bächli) gha...ischmr dänn doch zgföhrlich worde, bini halt wider schön id mitti vode fahrbahn und ha dänkt "Jez chönndrmr eifach mal!" . Sorry, ah all, aber wäg eu wotti nöd stärbe

Naja z'Bauma häts mi dä namal fasch gleit...hät irgend ä spurrille oder was gha...aber au dete hämr namal schwein gha

Isch gueti erfahrig gsi, aber zuekünftig wirdis also vermeide, bi nasser fahrbahn go fahre zgah :pinch: Hüt bini deswäge au nöd mitem Pfupfi go schaffe...hät mega abegläärt, woni usm huus gange bi. Morn sötts aber troche si, dänn däff s'Pfupfi mitcho :love: Freumi mega, dass sie dänn dä ganz tag brav forem Büro uf mich wartet Hoffe eifach, sie wird keis Opfer, vo eusne teils hässige Chunde... ;( Machmr ächt sorge, dass wänn eine äs schlächts gspröch gha hät, zur tüür usegaht und dä Pfupfi zersch eis chönnti gingge, will sie eifach grad dete staht ;(

Zitat von Ninja83

Nemi: Ich liiiebe dini Biträg, du sötsch echt es Tagebuech schriebe und es Buech drus mache....was ich no viiiil meh als Kreisel hasse, sind bodewelle. Weg de Autobahn: ich bin s'erschte mal druf nach 2 Wuche woni 2'000 km ufem Töff vebracht han....het mi aber scho glich ahgurgt für die paar Mönet no e Vignette chaufe...chöntets wenigschtens % druf geh. hey und ich mein Rappi Hirzel usw. das isch es Hammer strecki für L fahrer...also huet ab für din Muet. Und geili Reaktion mit dem Kiess uf de Strass, en andere wär voll ufd Chlötz und den hets en würkli verrührt.....macht witer so ...und Easy, dieni Poests sind au de Hammer

Danke Ninja hehe, ja ich beschränke mich im momänt uf dä Blog...wär aber schona luschtig ä grössers Projekt über mini kuriose erfahrige z'starte ma gucke

Ja isch ä schöni Strecki, aber ha ächt amigs chli Bammel gha wäg dä verchehrsregelige und so...aber isch gange. bruche trotzdämm na mega vill üebig :pinch:

Det mitem Chiis bini huere verschrocke und ha würkli dänkt, mich hauts bi eifach froh isch nüt passiert

Zitat von Easy lid Wipeout

Es git zwei arte vo Töfffahrer, die wo es scho grüert het, und die wo es no wird rüere..

Machmr nöd na meh angscht, als dasi eh scho voreme Fall ha ;( Und vorallem machi mr meh sorge um mis pfupfi als um mich, wänn's än unfall git ;( wie chönnt ich mir ä Büüle ih ihrem Tank oder än verchratzte Uspuff je verzeihe? ;( Und glaube fasch nöd dassmr das vollständig wider flicke chönnt, ohni dass d'orginalteili erhalte bliibed ;( däff gar nöd dra dänke ;(

Ach was..... eifach en Azeig mache und fertig.
Das isch ja schliesslich Sachbeschädigung.
Und am beschte machsch auno en Azeig wäge Unfallflucht

Din Pfupfi wird dänn wieder gflickt, bzw. d' Chratzer besitigt, und glichzitig hesch du grad dini rache wenn d' Polizei au meint es sig "Unfallflucht".

Glaub mir, die wärdet niemeh amene Töff z'nöch cho

Ja, s'problem isch eifach, müsst dänn gäge unbekannt ahzeig mache, willi mis schatzi nöd gseh, wänni usm feischter luege bzw. eine wür dra ginggä, wännr zur tüür usgaht ;( und gäg unbekannt häsch eh meischtens verloore

Alles anzeigen

Zitat von Easy lid Wipeout

Jaja, Nakedbikes sind scho öppis tolles..

Appropos;
Min Töff het mir geschter sehr viel schmerze bereitet.

Han de Töff uf de Hauptständer gstellt und echli die gröschte Flecke wegputzt.

Denn wott ich en wieder zrugstelle und stoss in dafür echli füre demit er vom Hauptständer abechunt.

Ich Trottel han natürlich de Siiteständer au no dunne gha, und de het mim Fuess en blaumose verpasst

Alles anzeigen

hihi, ich chamrs bildlich vorstelle, wie'd umeghüpft bisch, dä eint fuess ide hand aber nei, wott jez nöd gemein si :love:

Zitat von Mädu

kline tip, vorrusschauend fahre und rechtziitig dener teiler usm weg goh, wennd zspoht dra bisch eifach grad drüber fahre, dänn rutschs au nid. dänn wenn du versuachsch uszwiche, machschs eh falsch, isch dänn besser zum eifach drüber zfahre als ob nüd wär. dänn bis ma reagiert hät, isch ma scho dra verbi.

anderi frog, wia alt sind dänn dini reife??

Vorrusluege machi immer...aber gester isch ächt doof gsi, ha fasch nüt gseh, wills so abeglärt hät, Visier isch au immer halbe beschlage und voll räge gsi und ich hett würkli nur chönne uf gägefahrbahn uswiche, was i däre situation nöd gange isch

Mini reife sind neu..im Juli neu ufzoge worde, hine und vorne...cha guet si, dases ah dämm liit...dä mech hät au gseit, söll am ahfang vorsichtig si, bis d'silikonschicht wäg seg...