Äs gaht loooos.....x-)

Danke für die usfüehrlich ahleitig Hyura:-)

Ja die Kupplig machtmr schochli buchweh...eifach nie spicke lah>.<

Und mini hät na än Chockehebel und dä Benzinhahn, woni mr au nöd ganz sicher bi, wie das gaht.... Also Benzinhan vo off uf on, sovilli weiss, wännden ahlasch. aber ja nöd uf resärve..aber wo daser si muess, wännd gahsch go tanke bini mr nümm sicher...will mitem reserve gahsch dänn ad Tankstell, wännr dä währedem fahre plötzli abstellt, musch uf reserve stelle und grad mitere ah di nöchscht tankstell höselä^^ und dänn muschen wider uf on stelle, wills susch nur dä reserve tank füllt oder irgendwie so? kei ahnig meh x-)

Und dä Chockehebel bim starte ganz uftraie? und dänn wider zuemache wännr lauft? oder offe lah?

Und irgendwas mitem benzinschluuch seg auna, woni s'reschtliche benzin muess ablah, wos na dine hät...>.< und dänn na irgend än Hebel uf Run stelle...aber wi di gnau reihefolg isch odr ob das nöd druff ahchunnt, weissi au nöd?^^
Oach ach, ne ich warte jez glaub würkli ganz brav bis am fritig, susch explodiert sie mr na>.<

ja sowit is mr au klar gsi, daser muss uf on si, wämmr fahrt^^

ne, ebe, mini stellt dänn eifach ab, dänn mussi uf reserve stelle und zur nöchschte tankstell. Ha gnau eis Lämpli und das lüchtet, wänni im neutrale gang bi^^ Aber dänke ich machs dänn so, dasi mal volle tanke und dänn luege, wi vill kilometer dass sie mag mache und mich dänn nach dämm richte, will isch chli scheisse, wännd dänn irgendwo ufeme pass obe hocksch, wo di nöchscht Tankstell nöd grad ir nöchi isch^^

bim chocke hät dä mech gmeint, rasch zum starte ufmache und dänn wider zue...ma gucke ob das morn klappet^^

ha äs foti gmacht...probiers dänn när uezlade. Also dä Töff staht jez chli meh als än monet, sitter usem service zrugg isch. ne, irgendwie nur das biz benzin wo na im schluuch isch, häter was gseit. Will dä Hebel isch ja jez wider uf off, wännr staht. aber hät ebe na än chline rescht im schluuch, wonner gmeint hät, sölli ablah, fallser nöd ahspringt... weiss nöd, obi das jez na söll mache aber ebe wäg 1 monät sötts doch eigetli nüt usmache?

So, 1. Fahrstund wär knapp überläbt...-.-
Mis meitli isch nach paar versüech dänn mal ahgsprunge und ich ha zersch müsse hinedruffhocke. Simmer chli is Gyrebad uegfahre, bis sie warm gsi isch. När simmer zum Bahnhof Turbethal ufdä Platz. Dete is losgange mit Unverständnis vom Fahrlehrer, dass ich nanie Töff oder Auto gfahre bi, aber dasi weiss wimmer Velo fahrt, hätten dänn doch "erstuunt"-.- Kupplä, brämse, chreis fahre und dänn schalte.
Schonfrischt hät dä liebi Fahrlehrer au nöd kännt, also häts gheisse, ab uf d'Strass...>.< Töff immer schön und ide unpassendschte Situatione abgstorbe, Mit Kupplä und Brämse bini rächt überforderet gsi, was zersch und wie und das s'Zämmespil stimmt...dä Fahrlehrer isch leider au kän Meischter vo geduld gsi.
Dänn z'Oberhittnau irgendwo annere chrüzig seit er lings, ich verstahs nöd, gange rächts, er schreit namal lings, ich bi verwirrt, willi scho halbe ufdr rächte strass gsi bi, wott dä töff namal wände, platz langed aber nöd und ich fahr gradus idi gmaiet wisä abe...Dä Fahrlehrer findet die Situation luschtig, was sie ja eigetli au wär aber zeigt so zimmli gar kei Verständnis für mini Schockreaktion, was gsi wär, wänn jez na än Baum oder was im wäg gsi wär und stresst ume, witer mache, statt mal sini Pädagogik ihd'setzte, wimmr ih sonnere situation än ahfänger sött beruhige, dassem jez ide erschte Töff-Fahrstund nöd scho d'angscht di ganz freud am fahre nimmt....-.- Wenigstens hätr dänn mal chli gmärkt, dases eifach grad chli vill ufs mal isch, schalte, brämse, kupplä, gas gäh und na ufdr verchehr luege. Also hätr mal afah brämsüebige mache und ersch dete ischmr z.b. richtig klar worde, dasi währendem brämse au sött kupplä, gashahn für's schalte rasch zuemache ect. Isch also när chli besser gange, vor allem willi gwüsst ha, wie die huere bräms jez funktioniert-.-
Dänn ade chrüzig in Saland stellt dä Töff ab, kei moscht me. Isch aber schnäll behobe, resrvä-tank ie und uf turbethal zrugg go tanke. Dete meinter, woni dä Töff wider wott ahlah, ich söll nöd mitem run-Schalter schaffe sondern mitem zündschlüssel. Kei ahnig was das für vorteil hät, aber ja, möchedmrs äso. Dänn ade Chrüzig is Gyrebad ue, verrecktmr dä Motor wider und laht sich gar nümm ahstelle...>.< ich stiige ab und lah dä fahrlehrer mache. Dä schiebt dä töff ufs trottoir übere und probiert dete witer, was aber ca. 5min nöd gaht. Nach paar mal ahschiebe hät sie wider möge und sind dänn doch na heil wider dihei ahcho.
Dä Fahrlehrer hät dänn gmeint, söll am Nammitag namal ällei gah, aber ich muess ganz ehrlich säge, dasis mr ällei eifach nani zuetrau, wasm au so gseit ha. für das hätr wider kei verständnis gha, dasi jez eifach froh wär, wänn nachli öpert däbi wär und ja, wott dänn ih sonere situation, dasmr dä töff wider zmizt ide chrüzig nümm ahspringt, eifach am ahfang nöd müsse ällei meischtere. Klar würis ällei na schaffe, d'Rebel ufs Trottoir oder an strasserand z'schiebe aber wie dänn reagiere, daser wider ahspringt, wüssti jez gar nöd was mache. Und au ih so Schock-Situatione, wie is Fäld usefahre und überhaupt jez am ahfang ällei ufdä Strass, schaffi jez eifach nani, was anschinend känne cha verstah:-(
Ja, finde schad, daser da nöd meh verständnis däfür hät. Ich meine, er chunnt ja na gäld däfür über, also was is so schlimm dra?-.-
Für mich isch äml klar, dasi mi hüt nümm ällei ufd strass trau. d'Chnüü schlottered immerna und ja, bi scho zimmli enttüscht, dasr chum geduld mitmr gha hät und eifach meint, isch ja nöd schwär, seg doch kei sach und bla bla.
Ha mämmlich würkli kei angscht gha bzw, ha sie guet chönne vergässe, bis das huere Fäld cho isch:-( Was wänn s'nöchschte mal än Baum oder äs pakierts auto isch?-.- Hett huere dumm chönne gah, verdammt! Aber nei, er isch ja än Profi, wo ih sonere situation spiilend hett chönne reagiere! Ich halt nöd/nani verdammt!-.- und ich hett au nöd erwartet, dasmr hüt scho voll ufd strass gönd. ha dänkt, zersch wotter sicher, dasi sicher mal s'brämse richtig guet behärrsche und sowit ready bi, dasmr dä motor nöd überall abstirbt..aber ebe, nur umestresse und meine, chönn grad alles nach eimal erchläre-.- Und dämmfall wirds wohl morn au na nüt mitem grundkurs...-.-

Danke Eric

Ja im Nachhinein muessi au drüber lache und has scho am morge dänkt, dass irgend sowas ih minere 1. Fahrstund muess passiere...x-) Wott ja nöd wüsse, wie das usgseh hät^^ Im Zick-Zack überd Chrüüzig und dänn grad us ih das huere Fäld abe...>.< Bi zwar erstunlich ruhig blibe wos passiert isch bzw. hanen dänn eifach fahre lah, wili dänkt ha, isch zriskant jez dä länker umezrisse oder so und isch äs grosses fäld gsi, ohni bäum oder so. Hamr dänn zwar gseit "Hey isch nur wisä, meh als grad us usrolle lah, cha da nöd passiere"
Aber ha dä glich eifach än huere schock gha, wonner zum stah cho isch, wasi mr im nachhinein au nöd cha erchläre, will ebe, was bessers als ä gmaiti Wisä chadr glaub chum passiere... Und klar hät dä Fahrlehrer welle, dasi nöd gross cha drüber nahdänke und grad witer mache, aber ha dä eifach glich än momänt bruucht, bis i mi wider gfange ha. und det wäri scho froh gsi, hetter mr die ziit rasch chönne gäh oder ebe mal rasch sin Pädagog ihsetze ("Nüt passiert, läbed all na, Töff isch auna ganz und d'sunne schiint immerna") *grummel*.

Das mit dä Blicktechnik isch würkli super. hetti nöd dänkt dass das scho s'halbe Motorrad länke chönnt. Hät au immer än rüffel gäh, wänni bim schalte rasch abegluegt ha oder ha welle gucke, wägem blinker ect.

Boa und immer mich gstresst, söll äntli mal richtig Gas gäh x-) Naja meh als 60 hani mi aber nani traut...d'Autofahrer und Lastwagefahrer wärded au freud gha ha ah mir...>.<

Aber isch edel gsi, wo sie mal gloffe isch bzw. ich kän fähler gmacht ha. Super guets Fahrgfühl, wür gärn allne eis haue, womi immer dävo händ welle abhalte, mir ä Rebel "ahztue". Und muess au zuegäh, für das das s'allerstmal ih mim läbe sones ding gfahre bi, chanis also nöd allzu schlächt gmacht ha...abgseh vo mim churze offraod-trip x-)

än platz hettetmr grad hinderem huus also Parkplatz vom Schützehüüsli. s'Problem isch eifach, dass dä halbe kiised isch und nöd grad ebe isch, häter gmeint, seg nöd guet zum üebe... Wär na d'Riithalle z'Turbethal..händ au än grosse Parkplatz, dä isch aber am Wucheänd meischtens voll, wänns ihri turnier händ. Muess jez mal luege winis mache...würmi scho reize grad wider zgah, aber fühlmi doch na z'unsicher...

Und isch jez glaub au ä huere dämlichi frag, aber für was isch dä neutrali gang gnau guet? x-) Im 1. Gang ahstelle gaht ja au...
Und wägem Runschalter, häter ebe gmeint, ich söllen uf off lah?:-S
und wägdä bräms...ich ha jez hüt eigetli nur mitdr hindrbräms gschaffed... wänn bruuchtmr dänn di vorder? :-S (er hät na churz irgendwas gseit, dasmr eini bis 6kmh bruucht und di ander ab 6kmh...weiss aber nümm welli wänn -.- *sich sälber haut*)

Hey Hyura:-)

hehe jep, hätmi würkli is chalte wasser gschmissä^^ aber ja, isch scho richtig gsi, ussert ebe, daser schochli meh geduld hett chönne zeige, wos bi mir aml eifach chli bruucht>.<

Wägem Grundkurs, hani mi geschter abig ebe entschide, dasi zersch na 2-3 fahrstunde wott näh, dasi mi nachli sicherer fühle, vor allem dassmr dä Töff nümm ade dümmschte ört abstribt und ich dä ganz Verchehr ufrege^^ Min Lärnfahruswis isch na bis im Novämber gültig bzw. ha na bis dänn Ziit für dä Grundkurs. Dänke aber, dasi sicher bis ahfangs septämber gnueg sicher bi, dasi die strecki ällei schaffe...hoffi mal^^

Ne s'Töfffahre sälber geschter, hani super gfunde! Wännis dänn ma im Griff ha und kä Offroad-Trips meh härelegge und problemos wider ahfahre cha, wirdsmr sicher än hölle Spass mache. Hamr eifach geschter grad irgend ä Vercheltig iegholt, wili dänkt ha, verzichte jez ufs Halstuech, wills scho am 9ni am morge mega heiss gsi isch...>.< aber egal, das isches wärt^^
Ja, das mitem Gas gäh isch au sone sach gsi...isch scho mitmr ufd Hauptstrass>.< Hett au sölle uf 80 und er immer umegstresst, söll äntli Gas gäh, meh als 60 hani mi aber nani getraut. Hätr dänn mal gmeint, söll am rächte Rand fahre, dass dä Laschtwage da mal chönn überholä^^ Gar nöd gmärkt gha, was ich füren Stau usglöst ha...x-)

Hehe danke:-) Ja dä Fründ stresst grausam ume, ich söll morn ufdä Platz go üebe, er fahri au mitem auto hinder mir här, dasi sicher ufdä platz chume...>.< Naja, s'Problem isch, zersch s'Gyrebad durab =Brämstechnik? Vorderradbräms hätr mr geschter nöd erchlärt, nur di hinder. Isch di vorder dänn au eifach kupplä und glichzitig bräms zieh?...>.< dänn ade Chrüzig evt ahhalte = Abeschalte und dänn stirbt sie mr wider ab...>.< und dänn gahts chli gradus und namal rächts abbüge und über dä Bahnübergang....
Ich hoffe mal ufdä Sunntigverchehr, dass d'strasse so läär sind wi möglich>.<

Hyura: Ja ich warte lieber nachli, wott jez kän liechtsinnige scheiss mache s'wür mi scho reize chli go üebe, aber ebe, wänn nur dä wäg bis zu dämm platz nöd däzwüsche wär. Det chönnt würkli nöd vill passiere, wänns kä pakierti autos hät. aber ja, jez muss halt dä fahrlehrer eifach det mitmr witermache, womr am fritig ufghört händ, ih gottsname^^
Jo, vo dämm hani auscho bösi sache ghört, dass'dsrs Rad blockiere cha und dänn än schöne Purtzelbaum mitem töff machsch...>.< Also eifach zersch mit dä hinderbräms chli abebräse und dänn dä rescht mit dä vorderradbräms mache? Ich bi am Fritig na guet dämit dure cho, dasi eifach kä gas meh gäh, dänn ischer langsamer worde und dänn hani dä rescht na abebrämst mit dä hinderradbräms...>.< aber die brämstechnik isch für heickli situatione eh für nüt^^ aber wirdes uf jede fall usprobiere bzw. dä fahrlehrer fröge, söllmr d'vorderradbräms auna gnau erchläre. Und mit bedne Brämse gliichzitig schaffe? Macht wohl wenig sinn?
Ne sunntigs-verchehr märksch im tösstal hinne scho rächt^^ nur äs paar autos bzw. sicher vill weniger als under dä wuche und vor allem kei laschtwäge^^ Aber so wis usgseht, lahnis jez doch eifach lah bliibe, bis zur nöchschte fahrstund. Wätterbricht isch für hüt nammitag ja nöd grad goldig bzw. dänn bini zimmli am arsch, wänni när im räge muess heifahre...>.<
Naja, nach däre 1. Fahrstund hani mi scho än momänt lang gfröget "Naja, häschdr da glaub nur ä neui Lascht als ä neus Hobby ahtah...". Aber dänke das isch eifach vor allem wäg mim Schock so gsi, dasi mr fasch überleit ha, alles wider härezrüere. Aber woni mi dänn wider beruhigt ha, händ d'freud, dasi mis meitli jez äntli cha fahre unds doch äs u mega schöns gfühl isch, s'ganze feeling ect. doch überwunde. Und au jez, mussi säge, gibe sicher nöd uf, nur will dä fahrlehrer kän meischter vo geduld isch und mit ahfänger nöd cha umgah. dä hani jez villicht na 2-3 fahrstunde und dänn na im grundkurs. när gsehnien gaaaaaaaaaaaanz lang nümme oder sogar gar niemeh, wili dänn churz vordä praktische prüefig eifach än andere nimme, wo mitmr s'wichtigschte namal ahluegt oder so^^ dä rescht vodä ziit, bis zur prüefig chani dänn also sälber entscheide, mit wämm dasi gah go fahre oder ob ällei..aber wirdmi sicher füre stress-freii Variante entscheide:-D