Äs gaht loooos.....x-)

Zitat von Easy lid Wipeout

Dini Chefin chunt morn eifach 5 minute früener, und chrallt sich de Parkplatz wieder

dä müsst sie aber vorem 4telab 7ni dete si und das isch sie sehr sehr sälte

Zitat von Labyrator

Also so wie ichs gmacht ha isch sicher nid optimal, aber au scho es ziitli her..
Mis erste Bike, Yamaha DT no mit Speicheredli in Züri Occasion für Fr. 450.- kauft, druff ghockt, und losgfahre.. na ja fahre isch guet gseit. ich bin den mal richtig Opfikon und natürlich de rosegarte duruf.. vo abwürge bis zu wheelis isch mer glaub alles passiert deht duruf, aber me isch ja lernfähig, bis ich in opfike acho bi, hani scho einigermasse chönne kupple

Susch da no es "Afänger-Vid"

[youtube/]

Externer Inhalt www.youtube.com

Inhalte von externen Seiten werden ohne Ihre Zustimmung nicht automatisch geladen und angezeigt.

Alle externen Inhalte anzeigen

Durch die Aktivierung der externen Inhalte erklären Sie sich damit einverstanden, dass personenbezogene Daten an Drittplattformen übermittelt werden. Mehr Informationen dazu haben wir in unserer Datenschutzerklärung zur Verfügung gestellt.

[/media]

hehe ok^^ ne, uf eigni fuscht hettis mi nie getraut und weiss au, das wär zimmli bös id hosä, will ich mich vorhär au susch nie däfür interessiert ha oder au käs töffli oder was i däre art gha ha^^

aber jep, jede faht uf sini art ah bewundere din muet! hettmi das nie getraut

Zitat von Labyrator

hmm muet oder liechtsinn, das ist hier die Frage..

oach was Also bi mir is au ä Frag vom Gäld gsi...drumm hani eigetli welle druff verzichte und'smr vo irgendwämm zeige lah...aber ja, jez sind halt doch 270.- ligge blibe für 3 lektione.... :pinch: und 640.- für dä grundkurs... aber jaaa... ä ächts rössli wär tüürer, also reg ich mich jez nöd uf

Pfupfi und ich mälded eus wider mal!!!

Am Samstig hämr dä 2. Grundkurs teil gha.... Morgä am 8i müsse z'wetzikä si...7ni abgfahre, 20vor 8di dete gsi :thumbdown:

Jojaa...simmer uf sones Fäldwägli ide Pampas usse glandet...dete hämmr Vollbrämsi vo 50Kmh güebt Nachdämm dä Fahrlehrer mir dänn gseit hät, ich machi ä verdammti Schwöschter-Bräms, is Pfupfi hässig worde und mir händ eus, trotz grosser Angscht chönne zämmerisse, mal die huere Bräms z'zieh und zägg...Vorderrad hät ca 2mal würkli blockiert und s'Pfupfi isch stah blibe und hätmi fasch abgworfe uhuuu geil!!

Joaaa...dänn is nachli witergange: Ihspuure und

Rächtsvortritt: Frau, wo isch din Schiibewüscher-Blick???? :pinch:

Und dänn na Hangahfahre.... :pinch: Und dä Fahrlehrer hocktmr hinedruff und seit ich müss d'hinderbräms zieh... :thumbdown: hetti mi grad so guet fasch s'Tobel durab chönne verabschide... :pinch: Aber Pfupfi hät Standghebed, woni ha däffe d'Vorderbräms zieh

Ja so isch dänn dä Morge zimmli schnäll ume und ich bi froh gsi, wos äntli 12i gsi isch über Bäretswil heituckered, und S'Pfupfi in Stall gstellt und chli Heu und Wasser...äääh Chettespray und Streichelihheite gäh :love:

Geschter morge gmüetlich zur Arbet tuckeret...Dänn dur Wald dur machts plötzli "PLING" und dänn ghöri nurna was dävo scheppere Häää, was isch jez da gsi? Hani zersch gmeint s'L seg abheit, trai i mi um, gseh, dases na dra isch. Hmm s'Nummereschild??

Guet, hämr s'Pfupfi ufs Trottoir glänkt und mal abgstellt,

ich stiige ab und gucke, obs würkli äs teili vode pfupfi gsi isch oder obi ächt über was iegfahre bi...

Ischmr also dä Töff am inspiziere, fahred d'Bauarbeiter dure "Häsch was verloore, Meitli! Liiht di hine, hät scho eine ufgläse " ähmm ja "danke " hihi und dänn tatsächli pfiift 200m dihine eine und winktmr mitem Teili... :pinch: machs doch na offesichtlicher, dass's vo mir isch :pinch: Jaja, er hät aber glaub chli än stress gha und häts drumm an strasserand gleit, während ich am hindere jogge gsi bi zum's holä Danke liebe Unbekannte! :love: Isch zwar nur sone Abdeckig gsi, aber hät än "Rebel"-Chläber druffe..drumm: Läbenswichtig für mini Honda Rebel :love:

Nachdr arbet grad bim Mech z'bauma use und gfrögt, obrmrs wider cha anemache...s'loch wo d'schruube dure muess häts abrgrisse gha ;( Aber zum glück han ich sonen liebe Mech "Keis Problem, da schweissedmr äs neus Ringli dra!" s'Git doch so talentierti Mänschä :love: Ich ha scho befürchtet, seg nümm z'rette ;( Hätr also was häregschweist und s'ganze wider chönne ahschruube. Dänn grad na d'Chetti nahzoge, Öl kontrolliert, und d'Reife ufpumpt.... Hanen bi Glägeheit grad gfrögt, ob das stimmi, dass dä Vorderreife 2.8 und dä Hinderreife 2.5 bar müss ha? Häter mi so ahgluegt: 8| Vo wo dasi dänn dä Schmarre ghört heg "Vo mim Fahrlehrer" hihi, dä satz hät guet tah "Chasch dim Fahrlehrer also än gruess säge, söll nöd so än seich go verzelle!" äntlich mal wär uf minere siite :love: Also, mini Reife brüched nur 2.0 bar, hine und vorne! Hätrs grad na ufpumpt, wills nurna 1.5 bar dinne gha händ (isch sie ächt drumm aml so grutscht :huh: ?) Dä hanen grad na gfrögt, wägem rutsche, hätr d'reife namal ahgluegt und gseit, ufdr Siite hegs halt na Silikon druffe, sehrwahrschinli segs wäg dämm. Villicht mal doch miteme feine Schliifpapier gucke

Jujuuu... händ s'Pfupfi und ich also wider mal was erläbt