Äs gaht loooos.....x-)

    So, die wuche gahts bi mir (äntli) los mit dä eroberig vodr strasse mit minere alte Lady....
    Am 13. August hani mi fürdä Grundkurs ahgmäldet...

    Da gits aber äs chlises problem....


    Töff ällei starte gaht...aber alles wo drüber isch, hani eifach na kei ahnig...und ha au kä luscht, was z'riskiere und än totalschade ahzrichte ah minere Rebel oder ah mir>.<
    Frög ich mich also: wie zum geier chumi mit minere Lady ah dä Grundkurs, wänni nöd weiss, wimmr sones Ding überhaupt fahrt?:-S

    Ha scho miteme Fahrlehrer Kontakt ufgnoh, dasi mal na paar lektione cha ha, wiemr sones ding überhaupt fahrt, schaltet ect. Will ja, susch wird ich wohl nie ah dämm grundkurs erschine...und bestimmt nöd ah eim stuck:-S

    Aber Wie händ ihr dänn das gmacht? Eifach druff ghocket und losgfahre? Ich meine, wämr afaht mit auto fahre, däffmr au nöd eifach dä schlüssel näh und ällei loslegge, wiso aber bim töff scho? Sogar wännd kän blasse schimmer häsch bzw. ebe nanie töff gfahre bisch? :-S

    Und au wänni bis zum 13. jez äs paar fahrstunde ha, mussi ächt zuegäh, dasi huere schiss ha und mich fröge, obi dänn überhaupt scho gnueg sicherheit ha, zum ällei die 45min zum grundkurs z'fahre? :-S Wi gseit, bi bis anhin nur mit öv und z'fuess underwägs gsi...wird für mich also was ganz neus, dä ihstig ih die motorisiert fahr-sälber-wält....
    ich stirbe! Kei ahnig, wie das alles klappe söll...>.< Hilfe! x-)

    Never give up!

    Kei angst Nemi
    Isch mir vor 3 Jahr au so gange. Han denn am Brüäder sini 125ccm gnoh da die kei Leistig hät und denn mal usprobiert uf em grosse Parkplatz. Also als ersts de ersti Gang ilege das isch wenn Kupplig drucksch und denn de Schalthebel gägä abe drucke und denn ganz langsam afahre wie denn au mit em Auto. Ächli Gas geh und denn Kupplig langsam cho lah.
    Und wenn denn doch mal chli schneller wotsch fahre denn 2-5 od. 6 gang sind denn immer de Schalthebel gege ufe drucke. Also d'reihefolg vo de gäng isch so 1-N-2-3-4-5-(6).
    Muesch nur mal chli ussprobiere das gaht scho.
    Grues Feldi

    Rasen ist was für Gärtner, ich bevorzuge Kurven. :thumbup:

    Also mini liebi

    Ich has eso gmacht...ich bi zum fahrlehrer und bin mit ihm zunem parkplatz gfahre (ich hine druf) und det bini denn zum erste mal selber gfahre...denn simmer zrug..und bi de zweite Lektion isch er wider zum Parkplatz gfahre...ich bi det wider ume gurkt und denn het er gmeint..soo ab uft Strass....(also das isch d'kurzfassig gsi.. :winking_face: ) ich würs au so mache...und denn chasch ja mit diner Lady uft strass... ich Wünsche dir uf jedefall VIEL SPASS und en UNFALL FREIE START :thumbsup:

    LG DarkAngel :ninja:

    Ich hä au d'möglichkeig kha mit em töff vom Kolleg go fahre...aber ha chli angst kha das er mi nach de erste fahrversüech zu hackfleisch bearbeitet :winking_face: :grinning_squinting_face::face_with_tongue:

    Nemi Nemi Du schaffst das schon, nur keine Angst.
    Respekt ist angebracht, aber Schiss darfst Du nicht haben.
    Als ich anfing, gabs weder Grundkurse noch obligatorische Fahrstunden. Nach der Theorie den LA bekommen und los ging's. Mein Vater (sehr Motorrad begeistert) zeigte mir kurz, wie Schaltung und Kupplung funktioniert (siehe Beitrag Feldi) und schickte mich ab auf die Strasse.
    Geht's zu schnell und fühlst Du Dich unwohl, wenn die Karre - sorry die gute Lady - mal rollt, so einfach Auskuppeln (linke Seite!) und langsam Bremsen (rechte Seite!).
    Dann wieder von vorne..... 1. Gang einlegen (nach unten), etwas Gas und Kupplung langsam kommen lassen. Rollt die Lady an, Kupplung ganz kurz stehen resp Schleifen lassen, etwas mehr Gas und Kupplung ganz kommen lassen. 10 km/h, 20 km/h, Kupplung ziehen und 2. Gang (nun Schalthebel nach oben) und so steigerst Du Dich langsam aber sicher.

    Da Du ja tief sitzt und mit den Beinen sicheren Kontakt zur Fahrbahn hast, kannst Du auch nicht fallen. Einfach langsam zu Beginn
    Ist etwa so leicht wie Klavier spielen: Im richtigen Moment mit dem richtigen Finger auf die richtige Taste drücke - voila

    Probleme gibt's dann höchstens, wenn die erste richtige Kurve kommt. Also weit nach vorne blicken und schön gleichmässig in gemässigtem Tempo durch. Bremst Du in der Kurve, stellt sich das Krad auf - nimmst Du Gas weg, fällt es zur Seite. Halte Dich in Rechtskurven eher auf der linken Seite (also gegen den Mittelstreifen), so hast Du einen grösseren Radius und bessere Sicht. Halte Dich in Linkskurven eher auf der rechten Seite, weil Du auch hier somit einen etwas grösseren Radius mit besserer Sicht fährst. Hast ja kein Sportgerät, wo der Scheitelpunkt einer jeden Kurve auf den Centimeter getroffen werden muss.... hihi

    Geh's locker und nicht verkrampft an, probier's einfach aus.
    Wünsche viel Erfolg und Spass
    Eric

    Der Kern eines guten Motorrades liegt in der Technik, NICHT in der Optik  :grinning_squinting_face:

    Schleichfahrt ist ein Betriebszustand von getauchten militärischen U-Booten


    [font='Times New Roman, Times, Georgia, serif']
    https://www.youtube.com/user/katpava/videos

    Hab noch was gefunden, was wirklich für AnfängerInnen ist, vielleicht hilft es Dir:
    http://www.youtube.com/watch?v=-b1XJ4wP4oQ


    Hier wird als Grund-Basis die zu bedienenden Hebelchen und Griffe, die Schaltung und das langsame Anfahren erklärt. Bei einem älteren Motorrad denke ich aber, dass Du schon ein klein wenig Gas geben musst, sonst stirbt der Motor sicher ab (vor allem bei älteren Vergasermodellen, meine FJ braucht auch etwas Gas sonst läuft nix).

    Der Kern eines guten Motorrades liegt in der Technik, NICHT in der Optik  :grinning_squinting_face:

    Schleichfahrt ist ein Betriebszustand von getauchten militärischen U-Booten


    [font='Times New Roman, Times, Georgia, serif']
    https://www.youtube.com/user/katpava/videos

    Ja, s erschde mau ha ig der 125 gno vo mir mis Mami gschenkt het vomene ca. 3 Jahr,
    und da ig ja der beschänkt uswiis mache darf cha ig ja ou e 12 kw fahre. mir sicher jedoch immer
    wider verreckt, und ha o mega schiss gha. ca. bim 3-4 mau druff hocke bi ig scho allei 12km
    gfahre au morge und am letsch mitwuch bi ig allei go e Tour mache ca. 30km und hür mini ou ca. 50km
    ga fahre. isch haut scho es dri ine cho aber wenn mau druff bisch gsi wosch nüme ufhöre

    gruess
    marc

    wo ich agfange han, bini dä töff go hole (vorane no nie töff gfahre oder so) und eifoch druff ghocket...
    isch im allgemeine aber immer eifacher alses usgseht sobald s'schalte mol bitz im gfühl häsch :smiling_face:

    isch sicher nöd die genialst idee gsi woni jetzt gha han, aber bis jetzt unfallfrei :smiling_face: sind glich au scho 4 johr :smiling_face:

    Mitleid gibts umsonst, Neid muss man sich verdienen!

    uii ehm also verstohni das rechtig du wetsch ah grondkors ond hesch ke plan wie mer met em töff fahrt? ech wörd e chli üebe no bevor det änegosch ergentwo ufemne platz

    :troll: Legenbär

    Hyura: Ja so isches leider. Ha die gsetztgebig schliessli au nöd erfunde, dassmr sich eifach än Töff zuelgge cha und nöd verpflichtet isch fahrstunde znäh..-.- und dä grundkurs isch nunmal obligatorisch, also muessi das irgendwie anebringe...>.<

    ah all andere: Danke für eui Erfahrigsbricht und Tipps:) Bini schochli beruhigt^^
    Ha jez mitem Fahrlehrer gredet und dä hät gseit, am Fritig Morge chämr ufi 9ni verbi, dänn luegedmr mal. Aber er hätmi also schochli usglached, woniem gsei ha, dasi kän plan ha, bzw. fahrstunde bruuche. Ja sorry, händ halt nöd all än Vater, Brüeder oder so, wo das eim rasch ufem Parkplatz cha zeige...>.<Ih minere Family bini di erscht, wo sich ah die Gfährt ane wagt und das obwohl mr 20 Jahr nur ihtrichtret worde isch, wie gföhrli und bla bla dass das segi. Also isch leider ä gwüssi unsicherheit eifach ihprogramiert, wännd so erzoge worde bisch, dass alles gföhrli und na gföhrlicher isch>.<
    Und ebe riskiere wotti jez eifach nüt, will ich weiss dass das gar nöd guet chunnt, wänni da uf eigni fuscht ällei öppis gah go probiere. Au wänn d'Theorie vom schalte, kuplä nöd s schwär tönt, wotti ide Praxis am ahfang eifah doch öper näbed dra stah ha, womi gnau überwacht, wänni da was umeheblä..^^ will wott ächt verhindere, dasi mini Töff-Karriere miteme Unfall afah...>.< Und ich ha jez au eifach nöd namal 1500.- ufdr Siite, woni dänn namal müsst für Reparatur und Service zalle, wänns mi ufd schnurre haue wür, willi uf eigni fuscht was probiert ha und dänn irgend än Ahfänger-Seich mache, wo sich dänn jede Erfahrni nur an Chopf lange wür...

    Dä Fahrlehrer hät au gseit, fallser wür märke am Fritig, dasi doch na unsicher bi, dasi dänn na 1,2 Wuche söll warte mitem Grundkurs und ih däre Ziit na paar Fahrstunde cha näh, biser's mr zuetraut, dasi dä wäg an grundkurs ällei schaffe...

    Never give up!

    ah äbä :grinning_face_with_smiling_eyes: i ha no min Beitrag extra no glöschd, willi shiss gha ha, dass i dir Angst machä und di verunsichärä :upside_down_face: :grinning_squinting_face: aber jo da wird sho klappä :top2: nimmsch dir diä ziit wod bruuchsch und wichtig isch eifachd, dass DU dich denn au sicher und bereit für dä Kurs fühlsch :winking_face: nöd dass dä Fahlerer seid jo guät chasch cho und du fühlsch di immer nonig gnuäg sicher, wenn du weisch was i meinä :engel:

    Gruäss und viel Glück

    Fazer-Dude

    hey has imfal ned abschätzig gmeint. be nor grad chli verschrocke.. :face_with_open_mouth: aber wenn chli üebsch klappt das scho. för das lehrsch jo au fahre.. :thumbsup: ond ebe dured jo no echli, wechtig esch du dörfsch ke angst ha zfahre aber du setsch respekt devo ha.. aber ebe haltisch üs ufem laufende wies lauft ond söst wenns problem get de weisch jo wo chasch froge :winking_face:

    :troll: Legenbär

    @ Fazer: Hehe scho ok. Müesst nur uf youtube mal go Töffunfäll ihgäh, dä würi au nümm afah mit dämm Hobby :grinning_squinting_face: Aber ja, Päch chasch halt immer ha, bi mir fählts eifach am Optimismus :grinning_squinting_face:
    Ja mal luege wi das wird, aber ich hoffe, bringe s'Muul uf, wännr mi ändi vodr fahrstund frögt, obismr zuetrau am samstig ällei an grundkurs zfahre, obwohli mi gar nani bereit fühle...x-) Aber ebe, wott nüt für mini Lady risikiere und wänns jedi wuche än grundkurs git, is ja würkli kä sach na 2-3 wuche fahrstunde znäh^^
    hehe und das mitdä angscht: ich schaffe dra..x-D Frög mi halt glich immer, wi fesch s'weh tuet wännd underem Töff lihsch...aber ich gibmr müeh, mal all die schlächte gedanke z'lösche!!! x-)

    Never give up!

    Hyura: Has au nöd bös gmeint, sorry.
    Hami eifach grad chli ufgregt gha, will ja, wänndi sogar dä Fahrlehrer belächelt, willd halt nani fahre chasch und au niemert ide Family oder so häsch, wodrs chönnt biibringe, isch's halt schochli müehsam, aber gnau für das wärer doch da...:( Ja, jez hani halt chli s'Bange vor däre Fahrstund...meine...zallsch 90.- damit dumm anegstellt wirsch?:-S Und ja, au s'Vehrchersgsetzt oder wi das heisst findi det dure also würkli au chli doof. such tüents au immer mega heickel und wännd sogar vorschribe, wivill autofahrstunde dassd mind. musch ha. Aber ebe bim töff däfsch uf eigni Fuscht loslegge...ich meine, wär jez min undergang gsi, wänn dä Fahrlehrer gseit het, sowas wi Töff-fahrstunde gits überhaupt nödx-) Klar äs git au lüt, wo nöd mal fürs autofahre fahrstunde bruched, willses eifach im bluet händ, aber ebe, für so manöggeli wie mich, is halt würkli scheisse und au peinlich, wänni ehrlich bi x-)

    Never give up!

    esch scho guet ech nor ned welle das du meinsch ech mach mech lostig öber dech. also piindlech muess der das ned sii. ond de fahrlehrer het dech secher ned z belächle wäge dem. dä haubschue kassiert jo schliesslech cash vo der för das er der das biibrengt also sell er das au chli seriös mache ond di ärnst näh. Ech wörd der eifach empfäle be der ide nöchi ufene freie platz zgo ( velecht ergentwo wo chli dini rue hesch) ond det eifach mol chli üebe. chasch dine brummi au schiebe wenns nonig god wechtig esch eifach ned grad ufgäh wenn er der paarmol absufft das passiert jedem mol. ech meine weisch wie oft mer dä cheib abgsoffe esch woni ahgfange ha.

    Wechtig esch för dech secher zerst emol ahfahre. Do hesch e chlini ahleitig

    1. Zündig ah

    2. Kontroliere öb im leerlauf besch (wenn en ahzeig uf de armature hesch sött det es grüens lämpli met em ne N droffe lüchte)

    3. Duesch ne ahloh. Am beste dusch chli met em gas spele das merksch wie liecht d Drehzahl ufedreit ond das chli es gfühl bechonsch wie de motor uf dis gas reagiert.

    4. de ziesch d kupplig (am linke lenker wo usgseht wie en bräms)

    5. 1. Gang ihlegge mit gezogener Kupplig ( Uf de linke site de ganghebel nach abe dröcke met em linke fuess)

    6. Kupplig zoge bhalte ond ez duesch mol ohni das du gas gesch d koppli ganz ganz ganz langsam chli lockerer loh, ond ergentwen merksch wie d drehzahl liecht noch abe god de ziesch d kopplig weder. das was gspört hesch esch de berüemti schliiifponkt ab dem ponkt setzt sech dini Lady ind bewegig.

    Jetz zom ahfahre

    Ez gesch ganz wenig gas so das d drehzahl 2000-3000 hesch. ond jetz suechsch met de kupplig ganz langsam de schliffponkt weder wo vorher gmerkt hesch wo ohni gasgäh probiert hesch. sobald du merksch das bem kupple en wiederstand uftaucht de gesch vermendered liecht meh gas ond losch d kopplig liecht meh lo cho bes sie de bem fahre aschliessend chasch losloh. Muesch eifach onbedengt druf achte de Kuppligsheb niemol lo z schletze well söst chasch di töff ufem baum go abechratze. eifach ganz langsam draäne taste. ond wenn de mol s gfühl bechonsch das der z schnell god de ziesch sofort kupplig zrogg. so fahrt de nämli ned.

    So ond jetz gosch üebe ond machsch üs stolz. ond wenn am üebe wärsch onds ned witer god chasch jo mol es Phon oder es sms döregäh de chamer s problem grad direkt ahgo.

    :troll: Legenbär