Kuckuck

    Hoi zäme,


    stell ich mich au mal churz vor :smiling_face:


    Min Name isch Felix, bin 27 und chume usem Kanton Zug, im Moment na us Cham aber bald wohni mit dä Fründin in Oberägeri. Mis Geld verdieni mit Stei setze uf dä Baustell als Akkord Muurer.


    Han mer im April min langersehnte Wunsch erfüllt und mer en schwere Töff kauft. Bin früehner so um ~20i ume nur mal es Jahr 125er gfahre, aber das hani völlig unbefriedigend gfunde :winking_face: Naja wie au immer, nach echlie umenand luege hani denn mini Bandit entdeckt, kauft und leider nach 5 Täg scho zämegleit :wand:
    Nachdem ich denn wieder han chöne laufe und min Töff wieder gflickt und bi dere Glegeheit grad nachlie umbaut- und gsprützt gsie isch hät denn d Saison endlich mal richtig chönne afange :grinning_squinting_face:
    Sit dete bini fliessig i dä ganze Schwiiz am fahre, am liebschte relativ grossi Tagestoure. Letschti bini zB Klause, Suschte, Grimsel, Nufene und denn übere Gotthard wieder hei oder vor 3 Woche bini mal richtig Ostschwiiz über St. Galle an Bodesee, Altstätte, Stoss, Appenzell, Schwägalp und über Rappi wieder zrugg uf Zug.
    So am Abig es Stündli ufe Töff sitze dueni zwar mängisch au, aber was mich würklich reizt isch s entdecke vo eusem schöne Land resp. dä schöne Strasse und Päss :smiling_face_with_sunglasses:


    Ich hoffe da im Forum glichgsinnti z finde wo au freud am Tourefahre händ, oder au susch Töffbegeischterti zum evtl mal Treffe oder Usfahre. Nur wie ich bis jetzt so mitbecho han sind die würklich aktive ja eigentlich all us dä Region Ostschwiiz!? Naja wirds wohl mal wieder zum Stoss schaffe :face_with_tongue: :grinning_squinting_face:


    gruess, Felix

    Hey Felix :welcome: im Forum :winking_face:


    Ja i ha zwor erschd vor 3 Mönäd aagfangä Töfffahrä, aber i fahrä au sehr gärn chlini Tourä. Sind erschd chlini Tourä, will dä Töffsitz so unbequem isch :grinning_squinting_face: und 2. will i mi nonig so getrauä chli wiiter z'fahrä als ich's mir zuätrauä. I chumä au us dä düütschä Ost-Schwiiz im Thurgau :winking_face:


    Viel Spass demfall do im Forum und vllt. xet mä sich jo irgendwo uf dä strass oder ufm Stoss ,)


    Gruess

    Hallo Felix


    :welcome: im Forum.
    Au ich bin au eine us äm Oste nur nöd ganz so wit. Züri Oberland.
    Ich bin au viel uf de Päss obe also gseht mer sich ja vielicht mal deht oder suscht mal amänä Träffe wenns denn wieder eis git.
    Viel spass dusse bim fahre und im Netz im Forum.
    Gruess Feldi

    Rasen ist was für Gärtner, ich bevorzuge Kurven. :thumbup:

    :welcome: bi eus verrückte im Forum :thumbsup:


    Ich bi us züri...cha aber das Jahr nüm töff fahre ( töff Unfall )
    Duu wirsch sicher es paar cooli lüt finde...sind eigendlich faaast alli total Hammer cooli freaks :grinning_squinting_face::lol::walklike:


    LG DarkAngel :ninja:

    Salut Felix


    Herzlech willkomme ond vöu Spass do be eus im Forum.


    Be vor noni allzu lange Zit au mol übere Albispass ond denne ist Zuger Gebiet. Esch hammermässig schöns Gebiet, au um e Ägerisee beni düset ond esch landschaftlech eifach e Troum!


    Eventuell trefft mer sech jo mou zonere Usfahrt, Winige esch jo auch ned ab de Wält ond de Kt. Zug esch jo relativ nöch...


    Gruess, Philippe

    Hallo Felix
    Auch von mir ein herzlichstes und ja, die Ostschweiz ist gut vertreten
    Bin selber aus der Agglomeration Zürich und wildere überall ein wenig umher. Bei Lust und Laune einfach rechtzeitig ne PN und wenn's zeitlich passt, dann klappt's!
    Grues Eric

    Der Kern eines guten Motorrades liegt in der Technik, NICHT in der Optik :grinning_squinting_face:

    Schleichfahrt ist ein Betriebszustand von getauchten militärischen U-Booten


    [font='Times New Roman, Times, Georgia, serif']
    https://www.youtube.com/user/katpava/videos

    Sali Felix,


    Au es herzilchs :welcome: hie im forum. Bin sälber Bandit fahrer und chume sälber us Zug. Hoffentli bald Oberwil wens Klapt.


    Schriebsch mal en PN wennt am obig oder au für en Tages Tour wotsch mache.
    Fahre am obig ab und zue um d'rigi oder sattel und de hine uf de rate ufe.


    Gruess
    chaeller

    Gott zu ehr, den andern zur wehr.
    dem Feuer zum trutz, der Stadt zum Schutz.


    Keine weis es...

    Merci vielmal für die nette Begrüessige! :freunde:


    @Darki: Wa isch passiert? Töff und du fescht in mitleideschaft zoge gsie? Bi mim Unfall im Frühlig isch die ganz alt Maske vom Töff zersplitteret gsie, Motoreölabdeckig futsch und dä Tank verbeult.. Und mir isch s Auto übers Bei gfahre, ziemlich ungeils Gfühl! :face_with_rolling_eyes: Naja isch zum Glück nüt broche oder grisse/zerrt gsie, aber halt mega gschwulle und han 3 Woche nümme chönne laufe! Scho mega ärgerlich so Zeugs.. :kotz:


    @ Phil, Eric & Chaeller: Chume sicher gern uf euri Agebot zrugg! Im Moment isch min Töff zwar grad wiedermal ned fahrbereit will mer d Maske namal demontiert händ will na en Digitaltacho dra chunnt unden denn am 10. Aug muss go vorführe, aber d Saison isch ja na lang und vielleicht wird denn ja au s Wetter mal wieder chlie besser resp. endlich mal Summer- oder Spahtsummerwürdig.. Hoffe mer s bescht :smiling_face:

    Ou vo mir es Herzlichs Willkome bi eus verrückte (Jetz ha igs o mau chöne schribe) :grinning_squinting_face:
    Ja, ig Tukere o meh oder wehnig i mim Revier ume, aber ha ou selte der Zit zum grossi ussfahrte
    zmache, oder ig mache mir falschi Prioritäte. Nei stimmt aus nid. mi Töff wird ersch nächst Fritig
    Prüeft, und momentan wird er bim Mech agluegt :whistling: obwou ig der Lehrfahruswiss ha und sit
    eim monet söt fahre ;(


    P.s ja momentan fahre ig mit 11kw dür d gegend
    macht echt kei Luscht uf Pässfahre :winking_face:


    gruess Marc