Hilfe! Praktische Prüfung am 15.Juli!

mach eifach alles richtig, denn muesch der kei sorge mache.

Tönt jetzt blöd, aber es isch völlig kontraproduktiv, wenn du dier gedanke drüber machsch, was du dier für fehler därfsch erlaube. Jede Expert beurteilt andersch, will es sind halt mänsche. Du muesch ihn chöne überzüüge. Muesch ihn halt richtig iischätze vor ort und dich fründlich und sälbschtsicher geh. wenn er scho en guete iidruck vo dier het, bevor du losfahrsch, isch scho fascht alles paletti, wennd ned grad e alti Frau uf em Fuesgängerstreife überfahrsch

Killerkriterie, wo mer so ghört sind:

Fuessgänger ned über de Streife lah
Ample bi rot überfahre
Rechtsvortritt missachte
Kurve schniide
Manöver in Sand setze

De Rescht isch zimmli vom Experte abhängig. Die eine wennd, dass mer sehr defensiv fahrt, anderi säget sich, d gschwindigkeitsgstaltig sell mit em töff ned so sii wie bim auto, vorteil vom töff usnütze etc. Guet luege, immer öppe de Chopf sichtbar dreie (wennd nur mit de auge luegsch gseht das de expert nöd), richtig iispure u.s.w isch au wichtig.

Hallo
Als ich vor 2 Jahr Prüäfig gmacht han isch es nochli füächt am Bode gsie und de Ander wo au mit cho isch ist nur 3,5 Mönät gfahre und deh het de Töff überhaut nöd im Griff gha. De Expert gseht schnell wie mer dä Töff im Griff hät. Well als ersts machsch ja Manöver und ich han langsamfahre, slalom und 8 fahre möse mache. Bim Slalom han ich 2 Töggel berürt und er hät nüt gseit gha. De Ander hät nur s'langsam fahre einigermasse chöne und de hät denn au mit chöne uf Strass. Aber als mir denn uf de Strass usse gsie sind isch es denn so gsie das de Expert am afang bi mir druf cho isch und denn simmer chli umenand gfahre deht isch de Ander isch nöd mal na cho als ich mal Usserorts uf 80km/h beschlünigt han. Wo ich denn wieder längsämer gfahre bin das de Ander mit chunt hät mich de Expert gfröged wiso das ich nöd wieder schnäller fahr und denn han ich Ihm das gseit das er nöd mit chunt hät er denn gfunde ok er gaht bim andere druf und deht isch er nur öpe 3km hine druf gsässe und denn hät er wieder zu mir welle druf sitze und denn hät er gseit ich söll so fahre wie ich suscht au würdi ohni das ich uf de Ander muess luege und so isch es voll easy gsie und de Expert isch voll fründlich gsie. Also mach dir nöd selber nervös. Wenn mer scho paar Kilometer gfahre hät isch es nöd so schwer.
Hoffe du bestasch sie.
Gruess Feldi

Sali.

Glii isches be mer au so wit.

Ich be wörkli nonig vell Töff gfahre ( Neue Töff, jetzt 400km) meh beni nonig gfahre

Ich trau mich aber ohni Problem ad Prüefig. Es chunt so wies cho mues. Ich lose uf d Wort vo mim Fahrleher (Auto, Töff, Kurs). De Prüefer wot gseh wie du TÖFF fahrsch und ned wie du die 2 Rädli öber d Strass bewegsch. chunsch usem 50er in 80er woter gseh das du chasch beschlünige, nei kei Wheelie, aber en Töfffahrer weiss was gmeint isch.

Loh der ned amerke dass du anere Prüefig öbbis muesch bewise. Fahr Töff so wies du för agnehm haltisch wenn öbber hindedruf hockt. Fahr sicher dass er sich wohl fühle chan und weder gern wot be der hindedruf hocke, denn chaner au mal es Aug zuedrucke wenn mal en Patzer dine hesch. In Schafisheim isch sogar eine durecho wo öber de Stopp grollt isch und 2 Rächtsvortritt öberseh het. Weiss zwar ned wiemer das cha dure ga la, bestechig oder weiss au ned, jedefalls entsprichts de Tatsach (Fahrschüeler vo mim Fahrlehrer).

Also vell Glöck und das packsch du scho.

Gäbtis dä kei Möglichkeit dä Uswis namal zverlängere lah, falls nöd würsch bestah? oder muesch dä namal bi 0 afah? (Theorie), Grundkurs? Git mr jez grad chli Rätsel uf, dass du seisch, müsstisch dä Töff dä verchaufe ect. :pinch:

Ach, da klappet sicher!

und???

kann man feiern????

Sie hät erst nächst Wuche Prüäfig. Mir händ nonig de 15. Juli.

Loh dich nit verrückt mache und fahr zügig abr nit z schnell und beacht halt alli Verkehrsregel. Mach nit öbbis z vil odr z wenig wenn verstohsch was i mein. Wenn di lohsch verruckt mache, kunnts nit guet.

Wenn du sagst du hast das Fahren im Griff, wird die Prüfung kein Problem für dich.

Das Wichtigste ist, dass du dich völlig auf die Prüfung konzentrierst keine Nebengedanken, fahre so wie du es immer tust.
Auf alle Fälle schaue im Verkehr immer weitmöglichst vorraus, so kannst du 99% aller heiklen Situationen aus dem Weg gehen. So kannst du nicht mehr durch die Prüfung fallen!

Viel Glück
Pedy