hoi zämä!
I bi vom Thurgau, Frauenfeld und ha vor ca. 1.5 Mönät aagfangä töfffahrä. I han zwor dä Grundkurs abgschlossä gester aber VKU und di gross prüäfig stoht no aa bi mir, bin also no än komplettä neuling wo mitlerwiilä scho ca.2800Km, sitäm kauf, gmachd hät.
I ha mich noch langäm suächä nochmä traumtöff für dä Yamaha Fazer FZ6-S (2004) entschidä, will i äbä än sportlichä töff ha wöllä ha, so wiä d'R6 (FZ6 vom '04i hät schiins dä Motor vo dä R6 drin wiän ich spöter erfahrä han 
), und trotzdem häts au än konfortablä söllä sii zum z.B. längeri uusflüüg z'machä.
Am weekend bini meischtäns furt mitm töff, irgendwo am umädüüsä am liäbschtä usserorts ufäm Land will das eifachd s'schönnschdi isch! S'gitt lüüd diä düänd s'weekend lieber im vollrausch gnüüsä, aber vo däm halti nüüd, weder vo däm, no vom rauchä. I gnüüs es lieber ufm töff oder mit dä kollegä (wo übrigens di selbi Meinig händ wiän ich) irgendwo underwägs oder am gmüätlichä laagerfüür am obig.
jo was sölli susch no sägä.........I bin momentan noch dä summerferiä im ledschdä Lehrjohr als Elektroinstallateur (umgangspr. Elektriker) und ha näbät äm job no ä chlini karriere als (Hobby-)Musik Produzent aagfangä sit eim johr, da ich mich sehr fürd's Kunstabteil Musik interessierä.
I freu mi über jedi Bekanntschaft mitmä/-rä andärä Biker/-In und wür au zu jeder ziit uf aafrog au ä uusfahrt tätigä, wenn grad öppert idä nööchi isch und i nöd grad mit dä kollegä ä rundfahrt vor han 
da wärs vo mit xi, hoffä i ha nid z'viel gschribä 
und i wünschä no än schönä sunntig obä und bis denn 
Fazer-Dude 
kunsch mol chli is riihtal oder appezellerland, viel töfffahrer triefsch ufem stoss ah (altstätten-gais) unteranderm au mich 
aber da muen ich eu jo nid sägä 
I weiss nid wieso aber (hans au hüt wieder gmerkt nach minärä 50Km fahrt nachäm schaffä) i denk äs liid dara, dass I i jedem nu so grosse kack dussä 2h cha fahre bis i s'gühl ha dass i mi verfahrä han und dänn plötzlich dä erhoffti wäägwiiser chunt: "Frauenfeld od. Zürich (oder irgendwas was ich kenn) *diese Richtung* ", da freusch di richtig 
