Motorradbekleidung

Zitat von DarkAngel

Hallo liebi Nemi

Natürlich isch dasjedemsich selbst überla wie viel me für siniusrüstig usge wot/oder cha :whistling:

ich ha jaau erst agfange...ha mir aber vo afang ah gseit das ich nöt a de usrüstig gitze wot....so ischesau gsi... mini usrüstig het guet en wert vo 3000.-!!! ich bereus aber au nit...nach mim unfall bin ich echt froh gsi dasi so usrütig a kha ha..chamer guet vorstelle das ich sust me verletzige kha hät.

D' Swiss töff bekleidig in Uster het e top uswahl und me wird top bedient...Wenn me s' L no het chunt me extra rabatt über 10 oder 20% wür sich echt lohne det verbi zga!!!

lg darky

Alles anzeigen

Hey Darky

Ja ha vo dim Unfall ghört..huere übel hoffe du häsch di chli erholt? Und wi gsehts eigetli us, wirsch witer Töff fahre oder musch di zersch wider überwinde?

Ä gueti Usrüstig wotti scho, aber halt zum ahfange und zersch ma gucke, obssmr überhaupt zueseit ect. wotti mi au nöd grad i Unchöschte stürtze. Merci für din Tipp, ja gah det evt. mal verbi, bi nachli alles am abtchecke Und ju, ghöre glaub zude wenige Chopper-Fahrer da, dä muesses optisch eifach au chli zämmepasse, wie bide Rännfahrer ja au :thumbup: Bi also überall chli am gucke, bevori uf grossi Shoppingtour gah

Liebs Grüessl, Nemi

Zitat von DarkAngel

da no de link
http://www.toeff-bekleidung.ch/_zh/

chunsch du hüt au as treffe???? vo wo bisch eigendlich wenni fröge derf?

Mööp, ha so Pages nöd so gärn wott dä eifach zersch muesch än Härsteller ussueche und dänn wirsch ufd Page vom Härsteller witergleitet... Trotzdämm danke, villich findi ja trotzdämm öppis

Ne ha nöd chönne cho, will min Schatz Geburi gha hät, aber hoffe dases bim nöchschte Träffe klappet. Aber händers guet gha?

Chume vo Turbethal / Tösstal wohne jez gnau äs Jahr da hine. Vorhär hani im Säuliamt, nöchi Affoltere a. A. gwohnt. joa

Zitat von Mädu

kollbrunn gits doch au no en en lade mit töffkleider, oder gits dä nümä??

Ja, dä Aprilia Shop gits det...ja isch scho easy, aber isch halt au meh uf Ränn-Töff spezialisiert und au rächt tüür..

Zitat von Ciko

Wenn öbbis günschtiges willsch, würd i au mol bi polo-motorrad luege. Und susch kasch immr no au Ricardo odr Ebay luege, odr susch mol zum Dütsche go, sparsch worschinli no me Geld.

Susch kann i dir IXS Kombis empfehle, sind zwar au chli tüürer aber absolut top. 2 Fründe vo mir hend Dainese und do passt Qualität leidr gar nit, villicht au nur Pech abr naja. Und die sind chli tüürer bzw öbbe so wie Alpine Stars.

Ju, bi am umegucke wäg occassione und evt. jup hauis doch mal na is dütsche use go luege... Näää, Kombis passed gar nöd zu mir bruch scho was zwei-teiligs. Aber danke für din Tipp

Zitat von monster1000

ein tip wer no meier und lutziger in spreitebach i kaufs meiste döte well die mini wünsch erfülled

Supi, danke schön! Händ die au ä Page, damiti än Vorgschmack het, obs sich lohne wür det verbi zgah?