Neuaufbau GPZ/Öpfelimobil

Chume da nid so drus Git lüt mit weniger Biträg won scho Fortgschriteni si. Isch ja nid witer schlimm. Isch mer halt ufgfalle.

Dankedanke;) Zur zit warti halt uf bstellti teili und chan gar nüt mache. Doch. Bremsfl. und öl hole. Bringt aber ou nüt ohni tank und no kei zit gha:) Wenni das züg ha mal ab ufd piste und luege ob alles funzt. Ade bremse muesi villech nomol mit neuteili drüber. Aber fürs prüefe keis thema. Wänni denn paar fährtli gmacht ha unds en liebi isch gits ev. no es tourekit;) Also toureschibe, SB kit, ev chli abegleiti fuesraste etc. Wegen mitgliederrang no. Hät absolut keis gjammer sölle si. Han mi nur gfragt wie das gnau goht;)

Gester no bi mim lieblingsteililiferant gsi:D Öl heter müesse bstelle. Aber bremsfl. hani grad mitgno. Bremse si itz ou fertig. Mordsufwand immer mitem antidive. 6 entlüfteschrube fürd vorderbrems Morn no s öl ga hole und dänn chönti si scho starte weni de tank vode schöne nime;) See you

Ha nid buech gfühert:D Aber dr grösst teil isch ja innerhalb 2 Wuche passiert. Bis ufe schnickschnack und uf teili warte;) Isch aber schliesslech ou ke umbau. Nur wider zämeboue;) Freue mi scho uf di ersti grossi usfahrt:) Bi mer scho zimli sicher dass se denn no chli touretouglecher mache. Mit der Schöne bini permanent am heize Und dämensprächend scho nach 2 stund dure Ha zur zit Ferie Also när mau ga öl hole, dänn mit dr schöne e rundi dräie;) und dänn luege mer mau:D Jiiiiiihaaaa

Edit: Racer isch itz ou Fortgschritte Haha:P

Isch ja nid viu;) Nur als idee zum ufboue:) Hüt no s Öl gholt und s ersti mal la loufe Het no chli öl gschwitzt. Also Bugspoiler ab, luege, nachezieh und wider lah loufe. Thats it Schnurelet wie es Chätzli Aber s Züg vom Dütsche isch no nid cho. Ergo no kei tank Dänn isch mer no ufgfalle dass d tankgummis no fehle(Die vore wo de tank in rahme klemmt wird). Morn machi no es schöns Fährtli mit dr schöne und denn villech, wenis übers härz bringe, chlauere mau dr Tank und schrube ne uf di Dicki. See you

Sie läuft und säuft:D Derzit isch si komplett. Fender isch ou da. Tank vo de schöne usborget;) Fertan isch no nid cho:( Itz steit e chlini probefahrt ah Denn chani mau no paar sache a der schöne mache;) Bilder chöme

Haha:D Am Uno isch nid viu dran;) Da hani karosse komplett entrostet;) Itz si paar teili dran zum luege wo ig ev. no mau drüber mues zwecks spaltmass und so. Hani itz aber ewig nüme dran gmacht. Töff si zur zit interessanter;) GTs si ou heissi gschos :thumbup: Aber ig ha lieber Unos. Ou wenns halt mit ufwand verbunde isch;) PuntoRacer chunt vo mim(Nid entüscht si:D) Punto HGT. Mis erste Outo woni immer no ha. 1. Hangi dran und 2. Bruchi echt nüt schnällers. Ha ja töffe und dr Uno im ufbau;) Ou wenn e erwachsene Alfa GTA z.b. no würd reize. Aber hei. 2 Outo, 3 Töffe, 1 Vespa, 1 Pocketquad und witeri töffe in ussicht Irgendwo muesi bremse. Und für Outo hani kei platz meh

Ok. Den verzelli mau no chli vo der Dicke(Ursprünglich Schlachti touft:D) Die hät hüt s ersti mau wider ad sunne dörfe:)
[gallery]459[/gallery]
Natürli no chli la loufe und dr chüelwasserkreislouf entlüftet. Vieli säge es isch nid nötig. Eifach fahre und kontrolliere. Ha aber schlächt platz e channe mitzfühere;) Da no de provisorisch Tank
[gallery]460[/gallery]
Denn het mi wunderschön Schatz no müese dr Tank spände. Sorry Schatz
[gallery]461[/gallery]
Aber macht sech doch guet;)
[gallery]462[/gallery]
Leider no de Schluch am falsche ort düregno. Unterdruck isch blibe. Most nid En halbe liter most umweltgerecht entsorgt
Denn isch ou scho die ersti fahrt ahgstange Voller Freud mal drufgsitzt und wölle losfahre. Ersti ernüechterig....itz weisi wider warum ig Stummeli hasse. Ersch recht bire 250kg(Leer) maschine. Mal glich losgfahre. Nach 2 km wärii am liebste wider hei. Übersetzig en kilometer s läng, Sound scheisse(Brav), die scheiss stummeli, die verchleidig won no en halbe meter vord gable staht und sicht nimmt, dadezue d originalschibe won de ganz wind sammlet und an helm witergit, dänn stotteret si no öbis ume und nid s vergässe reife und bremse woni grad gar nüt trout han. Churz gseit. De grund wieso die schöni so derb umbau isch. Nachdem ig mit motze bi dure gsi hani denkt fahre glich no chli witer. Nach und nach hani mi dra gwöhnt unds dänn scho nüme so schlimm gfunde. Mal paar gäng zruggriglet(Mini schöni goht mit 50 im 6. vo Seedorf ufe Frienisberg ) und dänn gmerkt....Das goht ja finechliguet:) Halt mit dere übersetig chli Drehzahl nötig. Underdesse isch mer ou scho klar worde warum si mues stottere;) Hät mini schöni ou gmacht bevor ig d 4in1 druftah ha. Ha gmeint das sind d töpf. Aber das mues de chrümmer si. Woni natürli uf di dicki montiert ha Ok. wär das ou klärt. Reife hei mittlerwile scho chli temp übercho und mer scho chli meh vertroue gäh. Mit meh vertroue ide reife hani dänn ou mal chli härter bremset....und entdeckt dasses gar nid so schlimm isch Chli rubble düends. Aber absolut fahr,oder bessergseit, bremsbar
Währenddesse hani mi ou chli ad stummeli und d verchleidig gwöhnt. Immerhin han ig jetzt scho recht erfahrig mit schwere maschine. Woni mini schöni gholt han bini no er6 gfahre. So langsam füheli mi wohl uf dem Alteisen:D Isch ja immerhin en klassiker. Itz fahri mal berguf. Paar Outo befinde sich grad im visier....Denki mer nur no...Kawasaki is Back:D Paar gäng zruggrigle, mitem Helm unter d verchleidig und ig chum mer vor als weri 25jahr zruggversetzt. Gas ufrisse und unter altem Superbikegebrüll griffi mir die Outos. Herlech....Kawasaki is Back:D Den luegi no ufe Km zähler. No de 18`000. km verpasst. Bi 18`002 hani dänn nachträglich gratuliert. Chrzi zit später wider daheim....Nöööö:D No paar extrakm;) Rusche die langi geradi lang, ebefalls da gset alles us wie ide 80er. Nomol paar opfer päckle. Neee. Mir si nid alt Dir heit eifach nüme mit üs grechnet Mir si i üsne beste Jahr Anschliessend denn doch mau hei cho. Abgstige und nomal das werk betrachtet. De moment isch heilig. Uferstand vo de Tote. Jetzt säg no öber Neufahrzüg si cool Wein, Mensche und Töffe bruche zit zum rieffe Nach dere i "emotional überwältigtem zuestand" gschribene Gschicht, wo hoffentli niemer s persöhnlech nimmt;), Lah i da no paar Bilder spreche:)
[gallery]463[/gallery]
[gallery]464[/gallery]
[gallery]465[/gallery]
Und da no s Zeitfenster
[gallery]466[/gallery]

Dä text het use müesse;) Usserdem hani susch no z tüe gha und bi jo gester 7h unterwegs gsi;) Aber morn luegi no z ga. Wenn di schöni bis den zäme isch;) Da zeigi denn ou no paar bildli:D