MIVV GP auf 04er ZX-10R

    Het scho mol irgendwer mitera MIVV GP Carbon ufera 04er ZX-10R Erfahrig gsammlet?


    I ha mir jetzt mol so es Teil zue Tua... :wacko:


    Bin chli Enttüscht:


    D Passgenauigkeit isch jo mol zum Chotza, passt ohni Apassigsarbeita mol gar nid -> sprich, d Uspuffschella isch ca 2,5cm z churz und sie cha nur unter Spannig verbaut werda... :cursing:


    D Alag isch ohni Kat cho.... und das obwohl sich MIVV sit 2008 oder so ufd Fahna schribt, das jedi Alag mit Kat usglieferet wird! Schissdreck, isch es Zubehörteil wo knapp 240.- Stei choscht...


    Han nur i schlechti Erfahriga drmit gmacht oder gits no meh? Au uf andera Töff?


    Gruzz

    i ha zwor no nie persönlichi erfahrige mit mivv gmacht, im zx10r forum vo DE wird de topf aber hochglobt !!
    hamer au scho öppe überleit zum mo de zuetue ! würen gern mol a dinere maschine ghöre & gseh!
    wo heschen bstellt ?

    In welem Forum? www.zx10ninja.de oder www.kawasaki-ninja-forum.de ?


    Bstellt hanen im Dütscha: www.mivv-shop.de i ha zwor scho negativs kört, aber mini Erfahrig isch guet, am Fritig bstellt, am Mäntig verschickt und hüt hanen übercho... er stellt sogar s Schwizer Zertifikat us, choschtalos... Zahlt hani ca 400.- (alles Inkl au Zoll) also dütlich günschtiger wie ir Schwiz...


    I finden mit Killer nid viel Lüter als Original, aber d Optik besticht, weg mit dem chlobiga Dingens...
    Gfahra hanen allerdings no nid, erscht mol Standgas und chli gäsla :grinning_squinting_face:
    Allerdings ischer au no nid fertig montiert! I muess jetzt denn no es adapterblech macha... :wacko: Janu, machi wohl morn oder so, ha grad kei Bock meh zum Schruba, i probier sit 4 Stund das Ding passend z macha ohni Säga, Fila etc... :thumbdown:


    Gruzz

    im http://www.zx10ninja.de.
    guet 400.- isch würkli nöd viel ! aso wele mivv hesch kauft, de gp ?
    de sound söt aber um einiges geiler si wie normal, guet i weiss gar nüme wiener original tönt :smiling_face_with_sunglasses:
    machsch mol paar pics und / oder es video wend fertig bisch ?

    Ich han gueti Erfahrig gmacht mit MIVV, allerdings vom moto-mader.ch


    Ca 650.- für zwei Endtöpf für miini alt XJ, Zertifikat und hät problemlos passt. Sound obe use dütlich lüter als original


    Bi de MFK im 09 hät's StVA aber prompt e Lärmmessig gmacht und han jetzt die Töpf im FzA iitrait, allerdings ohne Dezibel-Aagabe! Zum Glück!


    Söt i für miini FJ Töpf bruche (es isch gli mal sowit) wär also de mader wieder erschti wahl.

    Der Kern eines guten Motorrades liegt in der Technik, NICHT in der Optik :grinning_squinting_face:

    Schleichfahrt ist ein Betriebszustand von getauchten militärischen U-Booten


    [font='Times New Roman, Times, Georgia, serif']
    https://www.youtube.com/user/katpava/videos

    Also habe bisher von Mivv auch nur Gutes gehört. Aber der Preis ist schon echt "billig". Mein Scorpion Topf hat einen Listenpreis von 1650.- und ohne Kat wäre es so um die 850.- und bin von A bis Z sehr zufrieden damit.

    @ MutzMutz: bini au ab und zue unterwegs, allerdings nur passiv... Vo döt hani mir au d Tipps gholt, respektive döt hani dr MIVV s erscht mol gseh....


    Jo, machi denn sicher mol... :grinning_squinting_face:


    @ EffJottEric: Passgenauigkeit guet gsi? Jo, Mader hani au gluegt, z tür... Wie gseit, i ha bis 4000Rpm ghört... im Stand nid witer dreht....


    Mini O-Tüte het halt o scho 48000Km vo dem her, die macht scho aständig Lärm... :grinning_squinting_face:


    Gruzz

    Jep, d'Passgnauigkeit isch guet gsi, keis Problem.


    E chli chlopfe und guet isch gsi.


    Sind allerdings so nachebauti Originaltopf-Kopie, vilicht darum???


    D'XJ isch ja da zum Verkauf inseriert mit Film, döt gsehsch die Töpf.


    Miini alt FJ tönt ebe au scho ganz ordentli, han aber no nie es Problem uf de Strass gha (ebe 26 Jahr alt, das mues so si....)
    aber immer no GEIL zum fahre

    Der Kern eines guten Motorrades liegt in der Technik, NICHT in der Optik :grinning_squinting_face:

    Schleichfahrt ist ein Betriebszustand von getauchten militärischen U-Booten


    [font='Times New Roman, Times, Georgia, serif']
    https://www.youtube.com/user/katpava/videos

    @ sneaky_Phil: drum hets au a MIVV geh, mir gohts nur umd Optik... mi het eifach dr z lange O-Topf gnervt han aber nid wella s Budget vo 2 Reifasätz ufwerfa, drum MIVV... S wär denn au nid z viel Geld zum Fenster us gschossa wenns mir nid gfallt... :smiling_face_with_sunglasses:


    Gruzz

    i han au mivv gp carbon druf und verarbeitig super sound super passgenauigkeit super...mit kat geliefert bim kolleg bi de r1 au also chan nur guets sege



    gruss heli

    Also.... Hüt die erschti Fahrt mitem neua Topf.... :wacko:


    Sound: Min O-Topf isch definitiv und 100%ig lüter, VIEL lüter... Also dr MIVV isch a echti flüschtertüta.... Bin mol gspannt wie sich das mit zuenehmenda Km entwicklet.


    Optik: unbestechlich, 100mol geiler wie dr O-Topf, s zwüscharohr us Chromstahl verfärbt sich drbi liecht, bin mol gspannt wies nocher längera (engagiertera) Fahrt usgseht, bin hüt meh chli in dr Weltgschicht umagondlet...


    Zertifikat hani übercho, ha allerding noch kei Hauptprobe mit dr Rennleitig ka, bi mo ufs erschte Rondewuu MIVV+Rennleitig gspannt :grinning_face_with_smiling_eyes:


    Gruzz

    i han etz 3000 druf uf mim mivv mit de andere db killer und es bolleret gwewaltig :winking_face: und has gfühl wird all lüter :smiling_face:



    gruss heli

    anderi Db Killer?


    Mi störts eigentlich nid daser nid so lut isch, mir isch dr O-Topf fascht chli z lut gsi. I has nid so gern, wennd immer muesch luega das niemert hässig machsch oder das kei Ömis verschrecksch... :winking_face:
    Aber dr original het halt au scho fascht 50'000Km ka...


    Gruzz