Also am beschte bsorgsch der soeis bim Töffmech. Die sind speziell uf töffbatterie abgstimmt ! Ich han es Ladegrät us de Migros und mir langet das grad so, mer chan demit z.B. au na grad Autobatterie lade und notfalls, falls d'Batterie grad mal uf de schnure wär über das Ladegrät de Töff starte. Bim Auto langets für das jedoch nöd ganz !
wie tüür sind so ladegrät und uf was muess me luege?
die womer d batterie de ganz wenter dra lo cha send sogenannti 'intelligänti' ladegrät. was die grät so chosted chani ned säge. aber send ned so cheibe tüür. das won ech ha esch för töff ond autobaterie geignet. mer cha die batterie aber ned de ganz wenter dra lo. hed glaub knapp 100.-- kosted.
i weiss vo bmw dassi so öpis im sortimänt hei, isch a minere trans alp gsi, abr när hets dr verchöifr widr abgno, das duet eifacht d spannig dir baterie ufrächt erhaute, nid geng entlade und widr lade!
auso chasch das teil nid aahänke wenn d bateri uf dr schnurre isch
und bi mir hets grad sone stecker gha, wo hesch chöne iistecke, hesch nidemou müese d bateri füre chratze zum irgendwelchi kabeli drazhänke
Bö i lade die eifach uf när bruchi se zum funke när ladi se wider uf etc. das het dr gliich Effekt 
Hm, ich chönt sie jo a's Handy ane hänke 
Wie düend denn ihr eui Batterie überwintere? Eifach ab und zue wieder chli lade und guet isch?
auso i due mir äuä sones grätli zueche, wieni obe beschribe ha
guet, de ersch uf nöchscht winter, dä winter bruchine eh nonid, odr chase de uflade weni wot fahre.. abr spöter amchi das när mit däm spannigsglichhautr odr wieme däm wot säge:)
batterie? 
für was isch das? chamer das ässe?
ZitatOriginal von $nail
auso i due mir äuä sones grätli zueche, wieni obe beschribe ha
guet, de ersch uf nöchscht winter, dä winter bruchine eh nonid, odr chase de uflade weni wot fahre.. abr spöter amchi das när mit däm spannigsglichhautr odr wieme däm wot säge:)
Es geit jo nid drum dassne bruchsch sondern dass d Batterie Kapazität verlürt we dr Töff eifach so umesteit 
jaa, abr für das zitli wonr jeze steit isch das nid so tragisch..
und öbs bessr isch wennse geng duesch entlade und widr uflade, und widr entlade.. -> i bi nid so dr scheff i setigne sache, abr i has gfüeu das duetere nid vüu besser wie wennse eifacht losch lo stoh..
doch äbe scho, drum gits ja so "inteligännti" grätli...... wüll bringt ja nüt wennd batterie ufladsch und när lasch la stah und si kapazität wieder abgit..... muesch äbe immer chli "bewegig" drinne ha.... 
Mou das duet ere ganz sicher viu besser.
hmm hesch doch gschribe wöusch de sones grätli choufe für nächst winter, was isch de denn angers
Ich ha bis jetzt nie öpis an dr Batterie gmacht im Winter und dr Töff isch immer guet agschprunge wennen emol füregnoh ha... au nach 2 - 3 Mönet schtoh
I ha no nie es Halstuech annegha u hami glich no nie bim Töff fahre ercheutet. I bi scho mau mit de Turnschue umegheit u s het mr nüt gmacht am fuess. I fahre immer z schnell u ha no nie e Buess übercho.
Chunsch nache wasi dr wet säge
