mer chas chum glaube. etz ben ech grad mol 200km met mim nöie töff gfahre ond de so öpis 
ech fahre grad so ennerorts met 50 em 4te gang ond do schaltet mer de motor eifach ab. ha 190km of em tacho gha ond ha dänkt, es chönt sii, dass ech kei most me han. also guet. töff knapp 1km a die nöchst tankstell schiebe ond voll tanke. lärlauf ine, kopplig zie ond alasser dröcke. aber siehe da!! Es god genau nüd. das heisst, d zöndspuele schaffed zwar, aber de mocke sprengt ned a.
ech ha de miniere versecherig a glüte ond die hend es pannefahrzüg gscheckt. als töff verlade ond zom mech brocht. etz mues ech morn morge de grad mol em mech a lüte ond em die ganz sach prechte.
hed eine en ahnig wo do s problem chönt legge? de vom pannedienst hed gmeint es töni, als ob kompression ned do wär.
hmm. ech hoffe mol, dass es nüd tragisches esch. 200km gfahre ond scho die erste problem. hoffentlech esch das ned de afang vom ändi.
also, falls iergend eine en idee hed was met mim töff chönt los si, söll ers doch bitte säge. ond wenner meh infos bruched, froged was er wend wösse. ech versueche de au uskonft z gä.
danke vel mol
