heeellooo

    also, wenns da scho so es netts vorstelligs forum git, mues ich natürlich au na min senf dezue gäh :smiling_face:


    ich bi 20i, chume us züri, bin studentin, ha töffli und roller immer doof gfunde - wennscho dennscho, oder? - und bi drum ersch vorme knappe jahr zum zweirad umgstige (z750 '07). stahne also na ganz am afang vo minere glorriche töffkarriere =D ehm ehm ja und leider känn ich genau 1 person mit töff, das isch hald chli schäbig, gibes ja zue, töff hin oder här, ich bin und bliib es wiib und ha gern öpper debii zum zwüscheddure mal pausiere und kafichränzli halte :smiling_face:

    Saali und es herzlichs Willkomme! :smiling_face:


    Hui, d'Z750 schiint jo würgli beliebt z'si.
    Chasch di gern mol melde, wenn mal es Rüdli dreie wetsch.


    Btw, was studiersch denn du?

    hehe =) keis wunder, isch ja au de perfekti istiigertöff! mag de verglich zwar nöd eso, aber es isch echt wie es velo zum fahre :smiling_face:


    studiere kommunikation, aso journalismus, zwinti :smiling_face:


    vo wo chunsch denn du?

    Ja, schön isch sie würgli zum fahre, abr als Istiigertöff wür si nid unbedingt bezeichne.


    Ha, denn gohsch du jo in diä glich Richtig wen ich. :winking_face:


    Ich chume vum Sarganserland, studiere abr z'Bern, sprich Suste und Klause chani demnächst schu als "Huusstrecki" bezeichne. :grinning_squinting_face:

    nööd? aso ich ha zersch chli bedänke ka wäge 750er, ha sgfühl ka das seig viel zgross und so aber ha nie würklich problem demit ka, chanen super bequäm hebe und alles. mini zweite fahrversüech (bevori d'z kauft ha) hani ufere 125er kawa gmacht, so chopper-mässig baut, ich ha keni 3 meter chöne fahre, bi di ganz zyt halbe uf dschnurre keit demit -.- =D


    demfall au kommunikation? wär sicher debii mal go fahre :smiling_face: bi hald ebe gmüetlich underwegs. bin nani wüki sicher im kurvefahre aber übung macht ja bekanntlich den meister :winking_face:

    Zitat

    Original von killmebaby
    hehe =) keis wunder, isch ja au de perfekti istiigertöff!


    Hellloooo


    Willkomme! :grinning_squinting_face:


    D Z750 ond Istiegertöff esch scho fast en Beleidigong! :winking_face:


    Gruess Johnny

    Zitat

    D Z750 ond Istiegertöff esch scho fast en Beleidigong! :winking_face:


    glaubsch ja nöd dass ich min eigne butzl beleidige wott :face_with_tongue:


    und und und.. mer müend ja au na erwähne dass ich nanig in gnuss vo de volle 109ps cho bin :smiling_face:


    scheiss sportler würi nöd grad säge, isch hald alles e persönlichi sach, uf was mer sich am wohlste fühlt.. und wie mer demit umgaht :smiling_face:

    Butzl :winking_face:


    Ich wörd mis Baby au nömm härgä! Sie fahrt sech wörklech super schön!


    För en Afänger wördi d Er6n empfähle, das esch denn es superliechts Velo! :smiling_face: Ond darf als Istiegertöff bezeichnet wärde. :smiling_face: