Supermoto

    Saletti

    ich bin uf de Suechi nachere Supermoto.....
    Beforzugti Marke isch bi mir KTM!! hehe.

    Han denkt e 525 EXC oder e 625 SMC...
    Bruche chli Hilf vu SuMo erfahreni....

    Ich Bruche s Bike vorallem für de Spass,chlineri Toure,Pässli etc. und halt chli Lärme mache Gaanz wichtig^^ set aber na legal sii.
    Weiss dasi evt. binere Tour muen 10 mol go Tanke..da ischmer aber glich^^ hehe.
    Si set auned meh als 8`000.- tüür sii (Occ.) nix neus.
    Was wer da s beste?? Bin au recht chli (immerna :mad: ) und uf de 625er Chumi mit eim Fuess guet abe....und sust chamer das ganze ja au na tüüferlegge.
    Chender mir da chli Tipps geh,wie Vor und nachteil vunere Supermoto??
    Thanks!!

    hmmm... :smiling_face:

    525 EXC und legal wird schwirig... glaube chum das du wirsch zue umefahre (leistig chan mr sovills mr isch grad mal 9 kw iträge lah...) und so fahrt niemer ume, also wend ganz legal wotsch sii müsstisch zude 625 SMC griife.. die isch halt nöd ganz so giftig wie d EXC und hät halt nöd ganz sovill power... Wenn s extreme suechsch wür dr d EXC empfehle, falls dr au bitz weniger leischtig passt, und nöd luscht häsch all 1000km en ölwechsel z mache denn empfehl dr d 625 SMC... anderi marke chömed ja demfall nöd i frag odr? :winking_face:

    S Problem wegem abecho... bin selber nöd de gröscht (170) und han mini 450er husky au nöd tüfergleit.. (sitzhöhi gmäss dateblatt 920mm, bide exc motocross version isch si bi 925mm agäh...)

    isch am afang chli gwöhnigsbedürftig aber mitlerwiiile schätz ich d höhi... häsch eifach e andersch geili sitzposition... chan stundelang uf mim hobel hocke und das mitem normale sattel (wo nöd würklich weich isch... :winking_face: )


    Vorteil:
    -wendig --> Vorteil gegenüber Strassemaschine uf kurvige Strecke
    -Beschlünigung ide tüfe drehzahle
    -Spassbike
    -arschgeile sound

    Nachteil:
    -nöd unbedingt für toure geignet
    -autobahn isch nöd s beschte für de motor (längeri streckene)
    -je nach Sumo relativ churzi Wartigsintervall
    -meischtens wirsch bitz illegal sii :winking_face:


    Hoffe han dr demit uf die eint oder ander frag chöne e antwort gäh... und s chan guet sii das ich bide vor / nachteil na was vergässe ha :smiling_face:

    Falls s gäld häsch wür ich dir persönlich d 690er empfehle...

    muesch mal luege öbs scho e occasion git... wo wür i dim priissegment ligge :winking_face:

    hetsch uf jedefall krassi power... wod au chöntsch legal offe fahre... einzig s ussehe gfallt mir persönlich nöd so aber das isch nur mini meinig :smiling_face:

    im allgemein gits ja bide SMC na einiges a uswahl... z.B. d 640er odr so.. mues ja nöd zwingend d 625er sii odr? :winking_face: am beschte gasch mal chli go probefahre... und ich wür dr empfehle au na anderi sumos go probefahre... Husqvarna, Husaberg... au wenn nachr keini vo dene nimmsch... tuet guet mal na öpis andrs z probiere... eventuell fühlsch di uf so eim hobel wohler :winking_face: