Frage von einem Neuling

    Hallo zusammen, ich bin neu hier und wollte ein bisschen was gegen meine Unwissenheit unternehmen. :winking_face:


    Ich plane in nächster Zeit mich bei einer Fahrschule anzumelden um meinen Führerschein vorzubereiten.
    Meine einigermassen realistische Traummaschine ist eine Ducati Monster. Da ich aber erst 20 Jahre alt bin, kann ich natürlich vorerst nur die Prüfung für A beschränkt machen. Da zu meiner Frage, ist es möglich dass ich eine Maschine wie zbsp diese Monster
    auf die für die Kategorie A beschränkten Werte zu drosseln und nach den 2 ersten Fahrjahren wieder aufzumachen, oder ist das technisch unmöglich/nicht sinnvoll? Wäre es besser zuerst eine kleinere Maschine zu kaufen?


    Frage 2: Wieviele Fahrstunden benötigt man durchschnittlich für die Kategorie A beschränkt?


    Danke für allfällige Antworten
    ron

    hi und wellcome bi eus!


    frag 1.


    drossle chasch (fascht) jedi lah, muesch die mit dim duc-händler i dinere nächi i verbindigsetze wege de gnaue art vom drossle


    frag 2.
    chunt uf dis fahrkönne, lernfähigkeit und wille druf ah! wenns guet ghat um die 10 oder so...

    also erstmal hallo !


    ja das macht uf jede fall sinn, die ducati ds drossle und när uff ds mache..... würd halt eifach vorhär mitem mech genau besp. ob e blombierig für dä typ o zueglah isch!!! has eismal grad wieder erläb wosi hei wölle blöd tue.........
    zum check: also i ha öppe 6 fahrstunde bruucht für di "grossi" prüefig...... muesch di eifach chli zäme näh de geit das ohni probs..


    EDIT: ja da isch eine schnäller gsi als ig... :grinning_squinting_face: aber 10 stund??!!! dünkt mi no viil........

    Hmmm, Antwort cha dr keini geh, aber wotsch wirklich e grössere (= schwerere) Töff drossle für zwei Johr? Kauf doch öpis chlineres do git's bi de +/- 600er scho rächt schprützigi sache (KTM?) wo de günschtigeri Occasione griegsch und absolute Fun chasch ha... und an dr Priefig hesch's denn au eifacher :smiling_face:

    Gib dem Schnabeltier die Sporen...

    merci fürd antworte.


    @ bonzai: öb ich das will weiss ich jo nit, drum frog i jo =)
    mi gedanke isch gsi: wenn ich in 2 johr so oder so e ducati würd kaufe, denn würds rächt ins gäld go vorhär no e andere töff z kaufe woni eh nur 24 mönet wird fahre. aber wenns das gwicht vo dr grössere maschine dermasse würd schwerer mache s fahre z lerne, denn muess me wohl eifach me usgabe in kauf ne :confused_face:

    Es isch sicher kei Sach mit dr 900er Duc an d'Priefig. ABER weisch öbbe wieviel km de in dene 24 Mönet mache wirdsch? Und wenn dir d'Duc drnoh usenand gheit? Isch e 900er Ducati türer oder günschtiger im Unterhalt und punkto Versicherig als e chlynere Töff? Bisch sicher dass de in zwei Johr immerno sone Töff willsch und nit en andere 'Typ'?


    Ich will Dir das nit usrede aber die Duc wo de wotsch isch au nit grad günschtig dorum dueni Dir es paar Sache sage wo sicher en überlegig wärt sin... will am Schluss hesch glych nüt gschpart und bisch zwei Johr mitere 'kaschtrierte' umegfahre :frowning_face:


    Aber s'Töfffahre söll jo nit z'viel mit Vernunft z'tueh ha :winking_face::grinning_squinting_face:

    Gib dem Schnabeltier die Sporen...

    wäg em drossle


    ech han en kolleg wo en 900er monster fahrt. die esch au drosslet. esch also on problem mögli. was das chosted? kei ahnig. aber das cha der de mech scho säge.

    Triumph - Egal ob Unterwäsche oder Motorrad :engel:

    merci für d hiwiis bonzai und natürlich au die andere. genau zum so sache z höre bini jo schliesslich do :winking_face:
    ich bi mir sicher das ich au in 2 jor no e ducati will, das isch kei sach woni mer erscht sit kurzem in kopf gsetzt ha: als kleikind bini scho total fasziniert vo dr optik vo ducatis gsi und mi vater het mir s dreirädli schwarz agmoolt und mit gold ducati druff gschribe... :grinning_squinting_face:


    wird jetzt mol no das mit de versicherigskoschte etc aluege


    was würde denn ihr für e töff als ultimativi afänger maschine empfähle?

    dä woni z verchaufe ha :winking_face:
    erlechgseid, chönt ech kei maschene als ultimativi istigermaschene empfäle. chond emmer drof a was du wotsch. ech be met minere tzr ganz guet z frede gsi. aber ech könne lüt, die wördet so öpis nie zom a fo fahre. die wäred de eher för en chopper. aber han ech en chopper welle? ned werkli.


    also we gseid. chond ganz drof a was mer wot. mol test fahre. de gsesch automatisch was der liid.

    Triumph - Egal ob Unterwäsche oder Motorrad :engel:

    Ultimativi Iischtigertöff? Git's nit, aber wie gseit würdi bi de 500 - 650er luege isch licht, wändig, findsch vieli günschtigi Occasione, ...etc.


    Was für en Typ muesch denn sälber wüsse, öb SuMo, Enduro oder Schtross, nackt oder verschalt, ...???


    D'620er Monschter zum Bsp. oder e Honda 600 Hornet oder e Yami 660, aber wenn de unbedingt die 900er Duc willsch denn kauf si (frog aber zerscht e Duc Händler wägem drossle) sunscht wirdsch es schpöter bereue.

    Gib dem Schnabeltier die Sporen...

    Also ich chan zu dem Thema nur sägä was ich halt weiss. Ich han gmeint für A beschrenkt i dä Schwiz segi nur d'Monster 620 i.e. zuägloh, aber anschinend gohts au mit dä 900'er verwundärät mich zwor. Zu dä Fahrstundä, wen dä Oblig. Kurs gmacht häsch würd ich aifach vill selber fahrä und höchstens zwei Fahrstundä neh, alläs ander isch z'Tüür und äs isch würklich keis Problem.
    Dä Ultimativ ihstiger töff hehe wär jo wen mir ehrlich sind ä chlini glenkigi Maschinä, sprich CBF mit ABS oder so, aber äs muäs dir halt au gfallä, du wirsch das scho packä.

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    da schau einer an. de toretto esch au weder vo de tote uferstande. fertig militär?

    Triumph - Egal ob Unterwäsche oder Motorrad :engel:

    Bi de Stunde schlüss ich mich am Toretto a: S'Pflichtprogramm mache und vilicht no 1 oder 2h. Und nochher flissig go de Handlingkurs und (zur eigene Sicherheit, nöd nur für'd Prüefig) Vollbremsige üebe. Letschteres chasch guet a eme Sunntig uf grosse Chaufhusparkplätz oder uf chlinere Überlandströssli mache. Wenn der d'Theorie dezue fählt (mit welläm Rad bremse etc) git's vil gueti Büecher dezue (z.B. das do ). Wenn ansuschte d'Autoprüefig scho hesch sött de Rescht (also s'Umefahre mit em Experte uf em Schleudersitz) keis Problem me si.


    Als Töff würd ich säge muesch eifach sälber wüsse wa d wotsch. Bringt der nünt wennd en Enduro chaufsch damit bi de Handlingüebige problemlos durechunsch und nochher merksch dass mit so eme Töff nünt chasch afange. Allerdings würd i am Afang nünt mit ere türe Verchleidig chaufe, wegä Erdaziehigschraft und so :winking_face: Mir wär e 900er Monster scho z'schad zum aneschmeisse...

    <div align="center"><a href=http://www.ktmduke.de><font color="#FF9900">FIGHT THE FAT</font></a></div>

    dänk au das e türe monser zum afange nid so optimal isch...


    versuechs doch mit ere chliner/güstigere maschine: Enduro oder sumo.


    dänn merksch au dassd di mit ere guete sumo uf kurvige strasse unter 100 sache nid muesch vor me superbike a la monster verstecke.


    aber gfalle söt se der scho au.


    vil spass eineweg...