was hautetr eigentlech drvo dass dr rossi scho widr meischter isch worde?
mitere yamaha, wo doch die gigle vo HRC verzöut heige wiesi dr doktr in grund und bode wärde fahre:auslach:
auso i findes vou geil! ou wiener dr sete no ghetzt het idr letschte rundi, hätem jo glängt wenr ufem zwöite platz inegfahre wär, abr hetnde glich no übrehout ![:]](https://www.toeff-forum.ch/wcf/images/smilies/pleased.gif "Freude"){kind=small}
Fahre chaner ja das staht nöd zur Diskusion, aber waser da mitem Sete abziet vowäge Gummi ufträge am Starplatz findi mal richtig Chindergarte.
Mir isches eigendlihc glich ober meischter wird oder nöd, mich interessiered me anderi Fahrer, vom Rossi isch bekannt daser chan fahre.
ech fendes en so färn guet, dass er alne den zeigt hed, wo gmeint hend, dass yamaha nüd wärt seg. das fendi ächt de hammer. fahr metere maschene de meister titel wo jede gmeint hed, dass das gar ned mögli seg.
Valentiiinoooo *schwärm*
Dä Bueb cha wirklich fahre, und er het's allne Läschtermüler zeigt wo gmeint hän er häg kei Chance uf Yamaha... 
Original von Spike
aber waser da mitem Sete abziet vowäge Gummi ufträge am Starplatz findi mal richtig Chindergarte.
ich glaub da het er selber herzlich wenig demit ztue gha.. ich find ihn sympatisch, aber wenn würklich eine besser sött fahre als er, denn hät dejenig de titel würklich verdient!
also i bi ja eher e fan vum sete !!! aber dr rossi isch natürlech dr rennfahrer himself, das heter ja o im formel 1 car zeiget.... 8o8o also verdient heters, aber nächscht jahr söll dr sete gwinne 
Original von semmelreiter
aber nächscht jahr söll dr sete gwinne
möge der bessere gewinnen
ja so gsehts öppe de us he......
Original von Labyrator
ich glaub da het er selber herzlich wenig demit ztue gha..
Ja das mitem gummi händ es paar vom Yamahateam gmacht. Au wenner nüt gwüsst hät devoo eifach eim id Schue schiebe er heben verpetzt und dänn sones Verhalte an Tag zlege isch schochli ünertribe. Am letschte Sutisch isch echt Chrieg gsii zwüsched dene beide. Also jetzt isch halt de Sete au langsam hässig, hättem nög gratuliert, und isch huere schnäll verschunde nach de Siegerehrig.
De Rossi brucht eifach immer en Sündebock oder so. Vorher isches de Biaggi gsii, ez de Sete.
I gsehs wie die meiste do enne.... i mags dem gönne wo halt au wörkli am beste fahrt.... esch jetzt halt nunmal de Rossi 
I lueg no öpedie voll gspannt bi de Ränne zue... sobalds mal öper geht wo besser als de Rossi fahrt, werd is au dem möge gönne... wenn er en Sieg fahrt.....
Aber nu esch es halt de Rossi..und dem mag is sicher gönne
Original von Spike
Ja das mitem gummi händ es paar vom Yamahateam gmacht. Au wenner nüt gwüsst hät devoo eifach eim id Schue schiebe er heben verpetzt und dänn sones Verhalte an Tag zlege isch schochli ünertribe. Am letschte Sutisch isch echt Chrieg gsii zwüsched dene beide. Also jetzt isch halt de Sete au langsam hässig, hättem nög gratuliert, und isch huere schnäll verschunde nach de Siegerehrig.
De Rossi brucht eifach immer en Sündebock oder so. Vorher isches de Biaggi gsii, ez de Sete.
muni ehrlich sii, ha ich ebe nöd gseh gha, oder susch irgend wie mitübercho, töhnt scho nid grad nett, na ja wird immer zwei siite ha..
das mitem gummi und startplatz putze hei die vom yamaha team gmacht, när het abr am sete sis team protescht iigleit
und dr rossi het när weiss ou ndi wiso, äuä fruscht, s gliche bim biaggi gmacht, wüusi ädm si startplatz ou putzt hei
jänu, wäutmeischter isch wäutmeischter 
jo esch aber scho e chli de näbe. de rossi botzt de startplatz ond werd noch hende versetzt. anderi botzed de startplatz ond niemer gseds chas jo au ned sii.
Jo i mein am Rossi wär das eh nöd druffacho ob er vo hine hetti müesse starte..Er isch jo scho noch dä erste Kurve ca.
ufm siebte Platz gsi..wenner nöd ufd Fresse kiht wär hetter gwonne...Er isch eifach dä besti..das lit Ihm eifach im Bluet..
aso ich find en voll gstylet...Er isch halt eifach dä Schuemacher
(obwohli dä nöd mag) ufm Töff...UNSCHLAGBAR.. 
.
Er hät sis könnän au scho mol imänä F1-Wagä under beweis gstellt. Dä wür au döt karrierä machä, dä häts aifach im Bluät.
