Erschte Töff für es Modi :-)

also i wet di ned umstimme oder so i säg eifach nur mini meinig zu de 125er viel seged sie isch ned guet und bringsch sie kum wieder weg, stimmt aber ned, i han voll kei problem und i han bis vor 2 mönät no kei ahnig ka vom schalte! i bi dyamaha yzf r 125 go probe fahre und i has vu afang ah könne es isch kei kunscht. und die isch handlich sehr guet, guets händling, fahrgfühl guet, 4takt motor, sehr wenig verbruch (420km mit 13l) wiit kumi, brucht kum öl und isch für de priis mit 6980fr sehr guet. i han mir die gad kauf, du kasch gad scho voll gas geh und bruchsch kei drossleti wot kum gas chasch geh. i bi au erscht 18 und die isch super zum afange fahre nocher kasch den geld spare für e grösseri und glich no din töffspass mitere 125er ha. die isch gar ned schlecht und het doch no chli zupf mit erere 15ps.

i empfehle yamaha yzf r 125. http://www.yamaha-motor.ch/ger…s/supersport/yzf-r125.jsp?view=explorer&subview=colours

do gang sie mol go aluege!

Hoi nina

Also wens scho d möglichkeit git mitere 250er azfange, wür ich sie nutze
Du hesch rein vom gwicht und rame nid viel me als binere 125. aber defür chli me leischtig wod sie bruchsch und au me stabilität. und nu scho de sound isch einiges besser
ich weiss zwar nid woher du bisch, aber wend us de nöchi in züri bisch, ga doch mal zum motocenter karle im kreis 4. isch en super kawamech, und au sehr fair im priis.. letschtmal woni deht gsi bi het er sogar eini gha woni mal ha chöne usprobiere und es macht scho me spass als mitere hundertfüdlizwänzger

und wenns ke neui söll si, gits au scho genügend occasione um die 5-6 K....

Greez

Die 125er Yamaha mag en gueti Maschene si, kei Frog.

ABER, met dere Chasch ned a d 25KW Prüeffig! Met enere 250er machsch d 25KW Prüeffig ond en 2 Johr hesch s Grosse gschänkt!

Dromm sägi, en 125er wott niemert me sed s neue Gsetz met 25kw do esch. Früener esch 2 Johr 125er fahre Pflicht gsie. Dromm esch mer en 125er emmer los worde.

@Amy c-tech: Benere drosslete Suzuki chasch s Gas ganz normal ufdreie, well die elektronisch drosslet send! Ond det goht denn au öppis wennd am Hanhne dräisch!

Aso ich wür au d Empfehlige vom Johnny und Labyrator understütze. De kolleg hät d 250er Ninja... er isch eich rächt zfride demit... Bin aber letschti mal miteme kolleg go fahre wo d Honda 125er hät... Läck da häsch imfall sooo kei power... chasch a jedem egge widr warte willr eifach z wenig pfupf hät... De kolleg mit de 250er hingäge mag vom töff fahre her eich easy hinedrii... aso ich wür wenn denn eher e 250er chaufe anstatt e 125er...

Also weg da grössi musch der kei sorg mache, da kammer immer no was mache ( i bi 1.57 und fahre e ktm 125 exc supermoto, ha sie eifach tüferlega la) i find haubtsach dir gfallt dä töff und du fühlsch di wohl bim fahre;)
liäbs grüässli R_K

Wörd au zonere Ninja 250R tendiere, au wenni si weder höbsch no sösch ergendwie asprechend finde!

Aber s'Konzept vo 250er fahre met 25kW ond sech so a "grossi" Töff z'gwöhne finde no easy...ond verchaufe chasch die au ohni problem weder!

R125 chasch rauche...gosch lieber metem zug oder bus!