Erschte Töff für es Modi :-)

    Hoi zäme


    Öppe voremene Jahr hani agfange mit em Töff fahre. De isches aber so gsi, dass ig mau dr Lehrfahruswis für d Kategorie A gmacht ha. Ig bi denn 18ni gsi (ohni es B) när hani dänkt, dass ig eifach mau e Töff miete u de mit dem die praktischi Prüefig mache, wüw ig grad z weni Gäud für e Töff ah gha! Okay, schön u guet! Auerdings hani du rächt schnäu usegfunge, dass es huere viu schwiriger isch, ausi gmeint ha..dr Töff, wo mir mini Fahrschueu vom Vertroue :smiling_face: gschteut het, isch es huere Ding (Honda CBF 500) gsi u ig bi ebe grad nid seehr gross! Ig ha auso huere Problem gha. När hani gmerkt, dass es nie öppis wird, we ig nid üebe u drzue bruchi e Töff! Auso hani däicht, ig nime e Wuche Ferie u miete nomau e Töff (Honda CBF 600) no es grösser Ding! Es isch passiert, was het müesse, är isch mir mits ir Garage umgheit. Auso hani dä mau zrügbracht u huere viu füre Schade zaut...de hani ufghöert mit em Fahre u ha mir vorgno, ersch witerzmache, wenn ig gnue Gäud für e eigete Töff ha! Et voilà, so isches jetzt!


    Ig wet mir dr Honda CG 125 choufe!


    Kennt dä öpper? Isch ds guet für so bluetigi Afänger/inne wie mi?


    Gruess

    Rebellion gibts nicht zum download - Wir sehen uns auf der Strasse

    Sali Nina


    Ich wörd der empfähle ned en 125er z kaufe. Dä wersch nieme los!


    Als Alternative wördi der en 250er Kawasaki Ninja empfähle.
    Die esch grad so liecht wie en 125er, aber Du chasch demet d 25kw Prüefig mache ond bechonsch denn somet en 2 Johr s Grosse Billet gschänkt öber! :grinning_squinting_face:


    Zudem esch de Pries met knapp 7000.- sehr tüf ghalte för en neue Töff!


    Do esch de Link dezue:


    http://www.kawasaki.ch/de/Ninja250R


    Gruess Johnny

    Einmal editiert, zuletzt von JohnnySWISS ()

    Hallöööle Nina
    I ha als min ersta Töff a 125er gha ( also hani immer no) i ha dämit glernt z fahre und ha nur gueti erfahrige gmacht. Sie isch liächt, wendig und das weg dä KW isch hald je nach marke verschidä. Und i bi jetzt no uuuuuuuuu z fridä demit.


    Grüässli R_K und wn schöne obed

    FATA VIAM INVENIENT!!! :face_with_tongue:

    Hoi Nina


    Also e 250er fendi secher auch e gueti Lösig. Hesch echli meh Power als binere 125er ond aber dennoch gnueg Handlichkeit.


    D'Empfählig vom JohnnySWISS esch secher guet ond 250er Ninja esch secher au es sehr schöns Töffli. Wenn aber Müeh gha hesch esch e Supersportler secher ned sBeschte zom afoh. Honda het em Früehlig die neue VTR 250 usebrocht. Au sehr schön ond secher chli humaner zom fahre, wells es Naked Bike esch. Sett also perfekt geignet si zom afange ond xeht minere Meinig auch no schick us. Osserdem esches öppis ähnlechs wie ou scho gha hesch (auso wie d'CBFs) eifach liechter ond handlecher.
    Ansonschte esches eifach wechtig das di of em Töff wohlfühlsch ond am Afang langsam machsch, denn esches au ned so wechtig was föres Modell nemsch.


    Gruess
    Phil


    Do ou no de Link vo de VTR. Was die andere Härsteller för 250er händ muesch haut säuber luege, dört beni ned so informiert:
    VTR 250

    Einmal editiert, zuletzt von sneaky_Phil ()

    Zerschmau, merci, für d Antworte :grinning_squinting_face:


    @ Johnny: Hmm...aus ig fürchte, d Kawa überschtigt mis Budget u mini Vorschtellige, was ig fürne erschte Töff wet usgä..aber merci


    @R_K Ahhh, ds macht Muet xD Merci


    @ Phil: Ha ebe ou chlis Gfüeu, dass d Kawa no z gross für mi isch...dr VTR 250 hani ou scho gse, aber ou dä chunnt mir chlichli gross vor :baby: Merci füre Link.

    Rebellion gibts nicht zum download - Wir sehen uns auf der Strasse

    Nina öppis chlieners als d Kawa wersch chum fende. Wie gross besch denn? Wenn ich froge darf?


    Mini Fröndin esch knapp öber 1.60cm ond chonnt met beidne Füess an Bode abe.


    D Kawa esch öbrigens ned extrem uf Supersport trimmt. De Länker esch relativ höch und d Sitzposition somet zemlech ufrächt.

    Ja i finds guat das mit anra 125 ger afangsch. I finds e besta, so erfahrig sammla und spöter ka ma ja immer no an neua töff kofa, wo meh ccm het.

    Akra Anlage.........-1200 Fr./ Benzin...........- 25 Fr./ An der Polizei mit 110db vorbeizufahren......unbezahlbar!


    Ich will schlafend sterben wie mein Grossvater, nicht schreiend wie sein Beifahrer :grinning_squinting_face:


    Momentane Motorräder:


    KTM 690 SMC-R 2012
    Puch SGS 250 1954
    Puch SG 250 1961

    [quote]Original von JohnnySWISS
    Nina öppis chlieners als d Kawa wersch chum fende. Wie gross besch denn? Wenn ich froge darf?


    Mini Fröndin esch knapp öber 1.60cm ond chonnt met beidne Füess an Bode abe.
    quote]


    Hmm, auso ig bi scho e 1m 66cm aber es cha natürlich ou si, dass ig mir ds eifach viuuu höcher/grösser vorschteue! Aber isch d Kawa nid e huere schwäri Maschine? Ds isch drum ou no chli entscheidend :confused_face:

    Rebellion gibts nicht zum download - Wir sehen uns auf der Strasse

    Also, met 1.66 hesch garantiert kei Problem met de 250er Ninja. Esch alles nome en Frog vo de rechtige Technik. Linke Fuess uf d Bräms rächte Fuess an Bode, so hebsch jedi Maschene.


    D 250er Ninja esch fahrfertig 169kg zum Vergliech mini Z750 het fahrfertig 230kg.


    S Gwecht vonere Maschene merksch erst, wenn sie am Bode liet... So lang sie relativ grad stoht merksch s Gwecht praktisch garned.

    Zitat

    Original von JohnnySWISS



    S Gwecht vonere Maschene merksch erst, wenn sie am Bode liet... So lang sie relativ grad stoht merksch s Gwecht praktisch garned.


    Äbä genau vordäm hani angscht..ig ha nämlich z Gfüeu, dass die mir wird umgeheie! Ds isch mir ja mit dr grosse Honda passiert u ds isch huere dr Horror gsi!


    Ps. Passierts eich viu, dass eim d Maschine z.B. ar Ample abschtribt?

    Rebellion gibts nicht zum download - Wir sehen uns auf der Strasse

    Denn gets nome eis, üebe üebe üebe.


    De Grond, dass der die gross Honda z Bode gange esch, esch miner Meinig no ned eres Gwecht gsie, sondern ganz eifach falsches handling.


    Drumm hani gseit jede Töff esch schwär wenn er am Bode liet. Dromm muesch luege, dass Du de Töff so bediensch, dass er ned instabiel werd und somit de z Bode riesst.


    Es esch no kei Meister vom Himmel gheit!

    bin au nöd viel grösser als du, min töff isch au über 200kg und isch auscho mol am bode glege, passiert vielne am afang^^ d ninja 250 bini auscho gfahre, die isch viel liechter, sött keis problem sie :mad:

    Also vo wäge Gwecht:
    Es chonnt jo ou no drufa wie sGwecht verteilt esch, wenn dMaschine e tüüfe Schwärponkt het xehts ou nomou andersch us.


    Ond wäg de Höchi:
    Auso cha mer ou ned vorstöue das met 166 Problem settisch ha bi de 250er Kawa oder Honda. D'Enduros oder Crossmaschine send amigs echli höcher gschnette. Aber du muesch au bedänke, sobald droffe hocksch dröksch du met dim Körpergwecht jo auch dFädere echli abe ond so chas guet si das es höcher usxeht als es noch em drufhocke esch...

    Eh ja! Merci emu viumau! Ds macht Muet :smiling_face: Ig bi scho zimlech überzügt, dass es guet chunnt :smiling_face:


    So, nume no warte, bis z Gseuch igreicht u beschtätiget wird! U de ab zum Händler :rock:

    Rebellion gibts nicht zum download - Wir sehen uns auf der Strasse