Kawasaki Z750 Jg. 06 Auspuff!

de sound vom leo isch würkli guet, nu isch er ide verarbeitig und im optische.. na ja..aber drum schoschtet er au nid so viel wie anderi.. und wie du scho seisch es hend en würkli fascht alli dra und nu scho das wär en grund für mich en nid znä

und grad binere z750 mus es au no chli nach was usgse
aber geg de sound isch würklich nüd z säge

do muess ich am lyprator recht geh. es händ würkli fast alli än leo vince druff. mir gfallt er zwor, aber au erst nur sits diä für die neu z750 ab '07 git. die gschwunge halt. 'trompete isch nöd so mis ding. aber i denk dä grund warum fasst all leo druff händ isch dä, will mr weiss dass mr für dä au sicher äs biblatt bechunt. und das macht die ganz sach eifacher.

Zitat

Original von bobby750
do muess ich am lyprator recht geh. es händ würkli fast alli än leo vince druff. mir gfallt er zwor, aber au erst nur sits diä für die neu z750 ab '07 git. die gschwunge halt. 'trompete isch nöd so mis ding. aber i denk dä grund warum fasst all leo druff händ isch dä, will mr weiss dass mr für dä au sicher äs biblatt bechunt. und das macht die ganz sach eifacher.

Han no niä bire kontrolle es biblatt muesse zeige

Zitat

Original von SERVER
Han no niä bire kontrolle es biblatt muesse zeige

Glaub wenn du ine kontrolle chonnsch esch s'letschte wo si wend gseh es biiblatt för de uspoff!

Zersch müends mol d'trömmer vo de radaralaag wod dor z'höchi gschwindigkeit zerstört hesch, zämeläse!
Denn die zitternde alte lüüt im auto wod met 220 öberholt hesch beruhige...ond schlossendlich din ahänger wod am töff hende dra gmacht hesch beguetachte ond en beschlagnahme! 8o

Aber denn wönsche si der en schöni fahrt!

@uspoffZ750: also leo esch wörklech vo de verarbeitig ned so super....das erklärt au de relativ gönschtigi priis!
mivv esch au recht guet vo de verarbeitig her ond scorpion eigentlech au!
aber es goht halt nüt öber en akra oder en yoshi....traumhaft halt eifach die töpf!

was?!?!? ihr händ no niä binere kontrolle sbieblatt müesse zeige? wo wohnet denn ihr? i demfall amene ort wos nöd so viel töfffahrer git?

also, denn säg ich euch jetzt gönd niä, aber au gar niä, richtig schwägalp vo winkle (SG) us wenn ihr kei biblatt für euen uspuff händ! vor allem nöd amene samstig oder sunntig. döt stönd denn nöd so verblödeti bulle ume wiäs wohrschinli bi eu dä fall isch.
döt stönd nämli werkstattchefe vo töffgarage und kontrollieret eu dä töff. sprich alles wo au no irgendwie illegal uf em bike isch, wird gseh.

ich ha letscht mal au kes bii blatt de bi gha, und has den müsse uf en poschte go zeige ga.. aber defür hends anders nid gse

und bim kolleg hends sogar de db killer ide längi gmässe, git ja gnug w de eifach ufs minimum chürzed..

hallo mitänand

Han e churzi frag und währ sehr froh wän mir das öpert chönt beantworte. Han jetzt sit 3 täg die neu z 750 ABS kauft, hüt bin ich wieder go fahre wo ich hei cho bin und de töf abgstellt han häts so komisch pfife so e tüfs pfife irgendwo bim tank glaub ich, ich han denkt das isch normal und es gaht grad wieder weg aber es pfift sicher scho sit 1 stund und es isch nid grad lislig chan mir öpert säge was das isch?

ganz klar!!! du bisch zlangsam gfahre...und darum pfifft dichs moppi us,,,,

nei nei witzli gsi.... wänns pfifft mach mal de tandeckel uf, dänn söts en riese pfuff mache, muesch eifach luege häsch kei zigi ide schnure!!!!!!

wäns so isch häsch es prog mit de tank entlüftig......
oder die neue sind eifach lüter bide entlüftig....

gruss riccardo

danke riccardo ich probier das mal und wens den immer no pfift den pfif ich eifach zruck und den höhrts villicht uf hehe nei den gang ich mal det ane wo ichs kauft han mal luege was die säget aber demfall wirds nüt schlims sie wie du das seisch?

wänns das isch, isches normals system verhalte, resp. wenn du chalts benzin ine lasch und dänn de hobel ad sunne stellsch dänn erwärmt sich das benzin und dehnt sich us, und wänn sich usdehnt bruchts meh platz, will de tank aber nur so gross isch wies isch, muss dluft (gase) use und das im ideallfall über die besagti tankentlüftig. wänn de schluch knikt oder verstopft isch, gahts ebe über de tankdeckel use.

aber isch chli komisch seisch ja de töff isch neu, hät schomal öper dranume baschtlet?
z. B. luftfilterverbaut?

gruss

Ehmm das tönt sehr logisch was du seisch. Das pfife isch weg es tönt nüme und nei de töf isch ganz neu jetzt grad mal 600 km. Mercy für dini antworte das isch sgeilst wos jeh häts gits vo dir haha mercy.

Das pfieffe, esch be de KAWA ganz normal. Hani au scho ghört!

Gruess Johnny

ja das freut mich doch das es normal isch. Sind hecklüchte mit integrierte blinker erlaubt?

Hecklüchte met integrierte Blinker? Hani bemene Töff no nie gseh...