Hulftegg.....

Das dr en 50er hilft bim Umstieg uf en grosse Töff isch unbestritte. Da das halt im ganze e Tüüri sach isch, das isch eso... De Underhalt vomene 50er Töff isch tüürer als en roller z underhalte. und zwar wesentlich tüürer. Aber mir isch das ganze au wert xiii... Vorallem wenn ich jetzt gseh wie zackig das mr miteme grosse töff nachher chan iiistige... Han eich zimlich wenig müeh ka mit minere husky und mues säge han si eich scho zimli guet im griff... (au d Pneu sind schön bis an Rand abe abgfahre...) also bringe tuets vill, aber öbs eim das wert isch, das wär die ander frag

Aso ech ben bes zum drosslete 600er nie metem gschaltete gfahre und han kei Problem gha. Aber vielleichts brengts es paarne öbis, ech han aber noch 5 Täg scho problemlos chöne schalte und kupple

Also ich find d'Hulftegg geil.
Öpps mit dä 1000er CBR isch (szweitä oder ällei) oder mit dä 525 EXC

raiden, isch mr öpe ähnlich gange... aber git au lüüt wo da huere müeh händ... und wenns denn halt na nie ufeme töff ghocket sind chömed na d problem ide kurve... wie mues ich etzt da ineligge... wie fahr ich da am beschte d kurve ah... han au n kolleg dä hät etzt mit 26i agfange töff fahre.. .hät sich e 610er husqvarna kauft und die isch offe... er hät die erschte paar wuche scho rächt müeh ka...

aso ich persönlich mues au säge ich finde d hulftegg voll edel... für die einte kurve mues mr halt chli langsam rundume, aber wo gits das nöd? meischtens liits ja nöd ade strass sondern am fahrer

Also ich han mini Töffkarriere mit ä nere 125 agfangä han mit därä müssä fahrä und han dän mit 20 gi die gross gmacht mit ener offenä 600er und fahrä hüt ä Blade mit 180 PS und ich wetti nöd wüssä wie das usä chunt wend sotigi gschoss eifach ohni irgedwelchi erfahrig chaufsch und druf hocksch.
Han sit die neu Regelig mit dem 25 Jährigä ischtig isch scho etlichi sotigi ufgläsä und 80% vo dänä hand nacher gseit han kei mut meh gha zum Bremsen oder ich bin han nümä meh i kurvä chönä wils eifach Gewicht,Leistung und und Unerfahrenheit unterschetzt händ und das isch halt mit emä Töff wo 200 und meh Kg uf Waag bringed halt eifach schwerer als mit emä 125 wo doch wie es Velo isch.
Neuste won vor 2 Wuchä erläbt han isch en Neu Lenker hät es Auto mit enerä 07 R1 überholt und hät so am Gas grissä und hät so langi Ärm übercho das er dä Töff nümä hät chönä Kontrolierä und isch dän in Acker usäglogä woni dän mit im gred han isch genau das bild cho.....
Neu Lenker 26 gi erscht 09 agfangä no nie usert es Mofa 2 Rad erfahrig gha und erscht 300 km gfahrä und dä Töff hät die voll Leistig.
Also ich gseh das mer die Regelig händ meh Umfäll git wo uf Afangerfähler zrugzführä sind wo mit ener 125 er nie es Problem gsi währ.
Also ich fahrä jetzt scho 19 Jahr Töff und bereue es das mer die neui Regelig igführt hät wils doch nöd ganz Usgrifft isch und so mir Töff-Fahrer sich und anderi gförded wo eigentlich nöd nötig währi.
Wünsche allnä e Umfallfreie Saison