töff miete

bis snech einisch ufe schnouz hout drmit..

und so vüu lengr isch dr brämswäg auso nid bonzai, mi vatr het ou e 650er gs, wos ABS chasch aa und abschaute

wennd verchlüpfsch und vou id ise geisch, de blokierts eh grad, und gleitriibig isch weniger starch wie haftriibig.. vo däm här.. und idr situation wos blockiert, dass denne no chasch d brämse dosiere, das hätti de gärn mou gseh.. duet mer leid, abr das troui vo öich niemerem zue.. mir säubr ou nid
(hanech zwar nonie gseh fahre, abr i behoupte das glich mou! wenndr eine vord schnure fahrt isch die voubrämsig nid zvergliche mit dere wo adr prüefig muesch mache.. )

we esch das de eigentlech, wennt e de korfe met abs e d'iise stigsch? chasch de dete voll dri go oder muesch glich degressiv brämse?

i würd shco säge, säubr hanis no nie probiert:)

abr das jo d brämse churz löst, wenns würd blockiere hani s gfüeu dass vou ine chasch, ohni dasses wäg rütscht

s abs isch jo eigentlehc drfür dass du chasch e voubrämsig mache und glichzitig uswiiche, d.h. kurve fahre..

ohni abs, muesch de nid progressiv brämse?

zersch weni und när meh, wenn grad vou inegeisch, de isch doch d gfahr dass blockiert grösser aus wenn dr brämsdruck geng chli steigerisch..

guet, i sore schreksituation no chöne progressiv odr degressiv brämse isch de när s angere

also ech has em kurs be so glehrt. d bräms voll zie ond grad weder so los lo, dass s rad ned blockiert. d gable werd e demm fall bes an aschlag i suffe. brucht vel üebig, dass mer genau weiss, wo dass d bräms ned blockiert.
ech ha das de mol met 70km/h usprobiert. d verzögerig esch gewalltig. muesch rüdig luege, dass der ned alli weichteil verschlosch 8o.
aber äbe. das esch halt en optimalsituation. du chasch di druf vorbereite ond dech au langsam a die gschwendigkeit häre taste. aso mer chönt sech langsam dra taste

jo, dasch abr bim grad fahre so! das stimmt scho, das lehrsch im kurs eso!

muesch mou progressiv afo brämse, de chunt gäge schluss geng s hingerrad ufe;) isch no funny, emu mitem roller, mitem töff wetis nonid grad probiere

me chönt, haha

das wär de de sogenant stoppy

geeeenau

mitem roller isch ou no guet, wennr chli zhöch chunt chasch eifacht mit de füess vor abestoh und s hout di ni dufe sack

In dr Kurve würdi sälbscht mit ABS nit voll in d'Iise, do haut's di wohrschinlich trotzdäm use will zur Fliehkraft chunnt jo none Kraft drzue, i wott's uf jede Fall nit usprobiere.

demfall hed s abs nor en optimali werkig, wennt grad us fahrsch, de voll e d'iise muesch ond nochhär uswiiche. hmm. also zom uswiche esch abs offesechtlech s best. aber anywas, es söll jede das ha, wonem am beste passt.

Zitat

Original von Peak
es söll jede das ha, wonem am beste passt.

geeenau!

da hani ou gmerkt, hamer überleit e nöie tread ufzmache, abr när hani geng dänkt das sig jez dr letscht post gsi

@Virus: Wenn i dich wär würd i au irgend es 500er oder 600er Naked nä. Erschtens sind die billiger, und zweitens erwecksch bim Prüefer en vernünftigere Idruck als wenn mit eme frisierte Joghurtbecher chunsch

I gib jetzt glich au no min Senf zum Thema ABS dezue:

Als KO-Kriterium würd i's ABS au nöd nä. Allerdings isch es völlig blödsinnig dass es nur so wenig Töff mit ABS git. Nochteil bringt's schliesslich ekai (mol abgseh vo der 12er GS, wo vereinzelt zimli herti Problem mue ha - aber da isch es Problem vo BMW und nöd vo ABS). Im Auto isch es mir dütlich egaler öb mini Räder blockiered oder nöd, das gheit denn no lang no nöd um

Zum Thema Bremsweg mit/ohni ABS

Zitat

Zitat
Eine Untersuchung von Vavryn mit 110 Testpersonen unterschiedlicher Erfahrung ergab eine Bremsverzögerung (auf Honda CB 500) von:

3,3 m/s² als schwächster Wert (zum Vergleich: eine normale Betriebsbremsung ergibt ca. 3 m/s² )
5,8 m/s² als Mittelwert,
8,1 m/s² als Höchstwert.

Als Wert für's ABS hends 8.5 m/s² verwendet.

Nomol was zu dem Thema.

Mag jo si dass do im Forum alles Profibremser sind wo d'Verzögerig vo eme ABS im Schlof erreiched und au i Schrecksituatione perfekt reagiered, ich ghör nöd dezue. Drum zähl ich mich zu de Gruppe vo denä Pussies wo scho relativ gern ABS am Bock hettäd

Wäg em i de Kurve bremse: Ich han mol im ene andere Forum e Diskussion verfolgt, wo en Fahrlehrer das usprobiert het. S'Resultat isch eigentli ilüchtend: s'ABS reagiert jo erscht wenn's Rad blockiert, insofern git's Schlupf. Also immer bevor s'ABS d'Bremswürkig wieder chli verringeret hesch es paar Milisekunde blockierendi Räder.
Gradus merksch da nöd emol, i de Kurve isch es halt wäg de Fliehchraft eso dass es der s'Rad versetzt.

ok. die verzögerig esch brachial. ond en profibrämser beni au ned. we gsid ko-kriterium esch es be ganz secher ned.

Zitat

i de Kurve isch es halt wäg de Fliehchraft eso dass es der s'Rad versetzt.

chan aber au no schöni highsider hä chan ech mer vorstelle.

ha jeze e nöie tread gmacht, de düesech d admins und mods nid so ufrege;)