Heeey lüüüüt
han mich hüt da im Forum agmäldet drumm stell ich mich da zersch mal vor...
Also ich heisse Jörg, wohne z Wald ZH (Züri Oberland) und fahre sit ca. 2 Jahr legal töff (wenn mr 50er dezue zellt 
)
Ich han mr im Oktober e 450er Husky zueta und warte jetzt eich nur na uf de Früehlig zum si ändlich fahre 
Ich bin na ide Lehr als Informatiker (im 3. Lehrjahr).
Susch ide Freiziiit gseht mr mich im Winter na vill bim Boarde oder bim Schliifschüehnle... und im Summer vorallem ufem Töff und susch bi Sportaktivitäte... (bin na im Turnverein...).
Bin jetzt 2 Jahr lang mitere Yamaha DT 50 SM umegfahre und bin mit dem doch es paar KM gfahre... glaub sind öpe 26'000 km xi, das hät mr minere meinig nah rächt vill bracht was d Fahrtechnik agaht... und han au de eint oder ander Sturz ka mitem töff, isch jedoch nie öpis schlimms passiert. Ich wohne rächt usserhalb und min Vater hät eiges Land, drumm bin ich scho rächt früeh mitere 125er Yamaha umegfahre und etzt sit öpe 15ni mitere 250er Yamaha YZ.
Falls ihr na frage setted ha, eifach fröge
Gruess
