Hallo zämu,bi där Philipp, bi 25 und wohnu im Kanton Wallis. 
Ich bi eiguntli scho lang in dieschum forum aber ha nieä gschribu!!! 
Also ich fahru än Suzuki GSX-R 1000 K8 ha gat am Frietag die Prüfig vam A erfolgrich bestandu. 
Ich freuju mich uf ewi hilf und ich hoffu ich chännä ew eu witär hälfu.
Grüess Mister GSX-R 
Halloooo üss dum Wallis !!!!!
-
Und jetzt no s Ganze uf Düütsch das mers verstaht?
Nei, wünsche vil Spass bi eus im Forum und
Gruess Kevin
-
im einzig wahre schwiizer töff-forum...:D
esch jo geil...eine osem wallis het gfehlt...öiche dialekt esch eifach hammer! siehe das da: LC1
gratuliere zo de bestandene prüefig! besch denn vorher scho töff gfahre oder hesch direkt of de gixxer agfange?!
-
Hui Valliserdütsch isch zum lese fasch gnau so schwär wie zum verstah.
Welcome und viel Spass hier! -
Ja isch nit eifach
Aber wenn epis nit klar isch eifach numal frage
grezz Mister Gsx-R
-
Moinsen au vo mir.
Also s'Walliserdütsch zum läse isch grausam wenn mer de Dialekt nöd verstaht.
Mer channs öppe so vergliiche wie suubers Hochdütsch Bsp. Hannover im Verglich zu Sachse oder alts Plattdütsch.
-
cool en walliser!!!
machs guet do inne
-
Au vo mir es Sali ja das mit em verstaa kriegämer scho herä muesch es eifach zwei mal läsä
Grüssli Marcel CBR -
servus
gahts güet?
willkomme do im forum...vo wo usem wallis bisch?
-
hi Mister GSX-R
au vo mer no es härzlichs wilkomme be eus em forum :)! han en kolleg wo 14 johr em wallis gläbt het en leukerbad! esch das i de nöchi vo dim wohnort :P?
-
Hey Leute danke vil mal
vär die ganzu hallosNei Leukerbad isch nit gat in miner nechi,aber ich gah sehr viel uf Leukerbad go Eishockey spielu.
Also ich chumu va Eyholz das isch dieräckt nah Visp.
grezz Mister GSX-R
-
i han vewandti in stalden
da möst jo gad au äs nochber dörfli sie -
Zitat
Original von Mister GSX-R
Hey Leute danke vil mal
vär die ganzu hallosNei Leukerbad isch nit gat in miner nechi,aber ich gah sehr viel uf Leukerbad go Eishockey spielu.
Also ich chumu va Eyholz das isch dieräckt nah Visp.
grezz Mister GSX-R
vo eyholz chonnt doch au die wallisserin wo bem TV Total be dem gsangszüüg gonne het, d stefanie heinzmann :)?
-
salut
au vo miinere siite här no es härzlechs willkomme do em forum. cool, dass du au do häre gfonde hesch.