Eure Lieblingsstrecke

Für Tagestoure find ich s Appezellerland und de Bregenzer Wald ideal.
Halt au wil ich am Bodesee wohn und für d Huusrundi nöd en lange Afahrtsweg möcht ha.
Oder de Hinderthurgau um Hulftegg isch e beliebti Töffstrecki.

Wenns grösseri Toure sind natürli d Innerschwiiz mit de grosse Päss.
Bsunders gfallt mir döt de Suste Pass vo Innertkirchen noch Wassen.
Wunderschoni Gegend und Kurve. Au de Belag isch guet und nöd so holprig. Perfekt für en schnelle Alpeflug
Oder wenn richtig Ferie, denn Norditalie mit de geniale Päss im nördliche Apennin.

Es git do no die genial Siite, weis nöd ob ihr sie scho kenned, aber do hät eine scho de grösst Teil vo de Schwiizer Päss uf Video festghalte..
http://www.bikecam.ch/

gruess

Stross: Steinatal (WT-Tiengen - Bonndorf)
RS: Pannonia Ring (Ungarn)

Mol luege wie Jerez (Esp) wird. Nochde Wiehnacht weissi meh

Schauinsland

Zitat

Original von DonBosco

da chan mer no viel schöner usbaue. bim schluchsee muesch wiiterfahre nach aha äule und denn richtig präg und todtmoos mit paar extraschlaufe. Da hesch denn nomal einigi schöni kurve meh als nume grad im tal dinne.

danke für de vorschlag, bini hüt go fahre, und nach todtmoos, --> st.blasien--> albtal, wt-tiengen

Hannes

bin morn eventuell au no i dere gegend am umefahre. S letscht mal das jahr, wenns wiiterhin so chalt bliibt.

Isch wenigstens alles troche gsi? Well han immer no d semislicks druffe. susch müssti no schnell wächsle uf pipo

Zitat

Original von DonBosco
Hannes

bin morn eventuell au no i dere gegend am umefahre. S letscht mal das jahr, wenns wiiterhin so chalt bliibt.

Isch wenigstens alles troche gsi? Well han immer no d semislicks druffe. susch müssti no schnell wächsle uf pipo

jo, isch alles troche gsi, falls morn ersch so am 1, 2 gosch, chämti evt. mit

ja ich würd so um die 1 gah, aber mues zersch no luege weg em hinderreife. de isch uf de rechte siite scho arg am endi (anneau isch halt en rechtskurs)
susch muesi halt no schnell en neue ufzieh

Bösci, du muesch nöd säge was du müesstisch, muesch es eifach mache
Ich han geschter mini PiPo wider drufta;)

zu befehl.

han jetzte grad en neue diablo supercorsa hinde montiert. geschter no schnell teschtet und mer bringt en uf temperatur. eifach paar mal heftiger bremse und denn isch guet.

also denke bin so geg di 2 in kaiserstuhl, respektive de tanki grad vor de ortschaft.

wiso reife wächsle? supercorsa sp hebt au bi dene temperature...

also so elei vom aluege osem fernseh her fendi eigentlech 2 strecki sehr geil...send leider eifach ned grad i de nöchi!

1. Phillip Island Circuit AUS

[Blockierte Grafik: http://www.event-travel.com.au/gpbikes2008/images/phillip_island.jpg]

wonderschön gläge...direkt am meer, aber glaub ned ganz easy zom fahre...

2. Miller motorsports park Salt Lake City USA

[Blockierte Grafik: http://www.shelbynyc.com/nycnorton/IMGP0130%20(2).JPG]

au do: wonderschöni kulisse!

Ganz eifach durchs Wallis Hoblu

nur muesch det halt ufpasse wege lasermessige... die chönd ja kilometerwiiit messe mit dene...