Da no en churze Rännbricht vo St.Stephan:
sWätter isch sganze Wucheänd 1A gsi, fast zheiss 
Samstig:
Freiträning: Hani mit erä andere übersetzig chöne dBestziit fahre han aber dÜbersetzig wieder gwächslet wels mehr nöd wohl gsi isch..
Ziitträning: Hani mir chöne dPoll sicherä mit 0.256 Vorsprung uf dä 2 Platzierti (Marcel Weiss)
1/2 Final: Hani dä Start gwune aber weli weniger schwung use gholt han, hät mi nachem Start dä Marcel uf dä lange grade überholt.. Ich han dän wärendem Lauf es par mal agsetzt zum überhole. Usgangs Offroad binem sogar eimal in Arsch gfahre und ha dä Töff abgwürgt, aber Glück im Unglück gha und grad via Kuplig zieh und spicke la wieder abracht. I dä 7 Rundi hanen dän chöne überhole und mit 4 sec vorsprung mir dä erst Platz chöne sichere!
Suntig:
1. Finallauf
Guete Start gha hanmi aber hinderem Decombaz ( Sieger 1/2 Final Grp. B #36 ) müesse ireiä. Ich bin sganze Ränne hinder ihm gsi und han au divärsi mal zum überhole agsetzt aber es hät nie ganz glanget. Dän i dä letstä Rundi i dä letstä Kurve vor Start/Ziel hät er zwiit ufgmacht und ich bin äng ine driftet. Usgangs Kurve hät er welä zuemache aber ich bin scho vorne gsi. Er hät dän mit em Länker bi mir im Schueh ighänkt und isch gstürtzt. Ich bin aber dobe blibe und hamer dä Erst Platz chöne sichere
[Blockierte Grafik: http://go-offroad.ch/forum/uploader…0(Original).jpg]
2. Finallauf
Superstart gha und sRänne vo afang a agfüert. Nach ca 4 Rundene häts 2 Erheblichi stürz gä ( 1 Fahrer im Offroad nüm ufgstande und en andere Fahrer isch ändi langi grade schwär gstürtzt..) Han scho 4 sec vorsprung usegfahre uf dä 2 Platzierti was mir aber nüd bracht hät (Rännabbruch)
Nach langem hi und här und werweissle hät dän dRännleitig eusä 2. Finallauf uf die 17:05 verschobe.
Wiederholig 2. Finallauf:
Nachem Start isch dä Abtli (#71) vor mir gsi, aber diesmal bin ich dä mit meh Schwung gsi us dä Kurve. Mir händ dän bedi dä Hane ufzoge und sind Rad a Rad uf die nächst schikane zuebraust ( ca. 140 km/h ) Ich han dän sGas chli früener zuegmacht und dä Abtli isch zschnäll i die nächst schikane ine und ich hanen chöne use ume überhole! Han dän dä Rest vom Ränne chöne dominierä und mir dä 2ti Laufsieg gsicheret mit 3 sec vorsprung!
[Blockierte Grafik: http://go-offroad.ch/forum/uploader…R(Original).jpg]
Schlussrang: 1 
Gruess
Beni / pseudO
Da no dResultat Ziite etc.. klick mich
[Blockierte Grafik: http://go-offroad.ch/forum/uploader…u(Original).jpg]n_DSC02682-Kuwu(Original).jpg[/IMG]
