Für die wos intressiert 
Vorab dPächstrenä vo Eschebach isch verbi ;):D
Es isch wieder mal es spannends Rännwucheänd gsi zMalters..
Leider isch dä Petrus nöd so uf euserä Siitä gsi hät aber trotzdem ganz guet klappet
Samstig: ( Ganze Tag Räge )
Im Freiträning hani chöne dBestziit fahre..
Im Ziitträning häts dän für die 2 schnällscht Ziit glanget, Startplatz: 2
1/4 Final: Es hät immer no gschiffet und sind relativ schwäri bedingige gsi zum rächt zfahre.. also Überhole sozäge fast nöd möglich. Als 2te gstartet und als 2te is Ziel cho, Startplatz: 3.
1. Finallauf
Es hät nüme grägnet isch aber au nöd troche gsi und die ganz Strecki isch schlammig gsi.. Also extrem schwäri bedingigä zum fahre. Nachem Start bini ufem 4te Platz gsi, wärendem Ränne hät dän no eine chöne füre ( Bin sehr vorsichtig gfahre, hät scho sehr viel verrüert ) Hanmer dän dä 5ti Platz chöne sichere.
Suntig:
2. Finallauf
Am Suntig isches nüm nass gsi aber no füecht.. dStrecki hät dän wärendem Lauf agfange abtröchne und es hät zum glück nüm so viel dräck uf dä Strecki gha.. Nachem Start hani es chlises grangel gha mit em Herzog und er hät chöne a mir verbi.. Ä Rundi spöter häter aber woner dä 2ti Platz agriffe hät dä Motor abgwürgt und ich ha wieder verbi chöne.. Nich wissend dases die letst Rundi isch hani no dä 2 Platzierti chöne überhole Platz 2
3. Finallauf
dPiste isch sozäge troche gsi und ich hanmer Vorne + Hinde Slicks montiert.. Jetzt gahts um dWurst entweder Podest oder nüd... Nachem Start ufem 3te Platz gsi, bereits i dä 2te Rundi dä 2 Platzierti überholt und mich an erst platzierti herä gmacht.. Han dän es par mal probiert und en fähler im Offroad gmacht was mi dän wieder zrug gworfe hät.. Trotzdem hani dur dä gwuni abstand zum 3 Platzierte nüd verlore.. 2. Platz nachem Ziel.
Yipiie. Änd Resultat: Rang 2
Speedy Gonzales Superfinale:
Bini au gstartet aber churz vorher häts en Platzräge gä und ich han no Trocheslicks drufe gha.. Bin aber trotzdem gfahre und es isch meeeegaaa Rutschig gsi aber trotzdem Fun gmacht
Bis St.Stephan
Merci nomal viel mal an Päde und Nitro für die geil understützig!
Gruess
Beni / pseudO Racing
. Filich schaffsch das ja au mal wenni chume cho luege :D.
