SM Eschenbach 24.+25.05.08

Ich dänkes ich wirde am Samschtig chli go föttele cho a de Strecki. Wänn händ ihr Training bzw. gitts irgendwo en Ziitplan? Han nüt gfunde im Netz!

Zitat

Original von :Dark_Force
Ich dänkes ich wirde am Samschtig chli go föttele cho a de Strecki. Wänn händ ihr Training bzw. gitts irgendwo en Ziitplan? Han nüt gfunde im Netz!

Wär Cool

Da no Ziitplan vom Weekend.. Ich fahre Gruppe A und Päde B Klick mich

Auf gehts

Rumed ab

Ich bin chume am Sunntig. Fahrt susch grad no wer vo Züri uus?

ich muess absäge. morn i de päss und am sunntig familieschluuch.

So, bin jez grad heicho, ganz geili verastaltig. Hät mächtig bollet

Fotos Supermotard Eschenbach (24.05.08)

(Beny #14, Patrick #13)

geili sach wenn d frou ou mitchunt gange ig morn no ga luege

Eschenbach in SG isches Agschribe wo genaus Supermoto isch ? Eschenbach find ig sicher

Super Fotis hesch do gschosse

Wird morn go fanä, hoffe s'Wetter hebet e chli, dass ich mit mim Hobel chan go

Sir ja Sir

Werd i mache, i go zu 99.9999%

Soo bin immer no am verdaue

Churze Rännbricht...

Samstig:
Ziitträning guet gange und han als 3 dörfe im 1/4 Final Starte..

1/4 Final Hammer Start gha und sRänne ca 6 Rundene agfüert.. Han mi dän Usgangs Offroad verschalte well en Überrundete vor mir gstürtzt isch, dä Löni wo diräkt hinder mir gsi isch hät das natürlich usgnützt und sich vor mich drängt.. Wo er dän Gas gä hät isch sis Hinderrad weg grutscht und mir is Vorderrad grutscht.. !!Sturz!! Bisi dä Töff wieder ufgstellt han und abracht han bini ufem 20. Platz wieder is Ränne gstartet.. Hanmi dän no uf dä 9. Rang chöne fürä kämpfe.. ( Der Anfang vom Ende..)

1. Finallauf

Han ufem 17. Startplatz müesse starte.. Han eigentli en guete Start gha aber dä Töff abgwürgt i dä erstä Spitzcheri Han mi dän vom 42 Platz uf dä 20 fürä kämpft.. Wär no meh drin gläge aber dän hani nüm chöne schalte.. ( Folge schade vom 1/4 Final.. Han dän mit em Götz bis tüüf i dNacht ine gmechet und er häts zum Glück wieder chöne flicke..)

Suntig:

2. Finallauf

Neue Tag neus Glück.. Söt mehr meine..
Guetä Start gha und wies halt so isch wämer im Mittelfäld startet muemer sehr viel riskierä.. I dä 2 Spitzcheri hät mi dän eine abgschosse ( Isch mehr in Arsch gfahre ) Glücklicherwiis isch dä Töff no glofe und ich han schnäll chöne ufpsringe und wiiter fahre.. No i dä gliche Rundi isch mehr wieder eine in Arsch gfahre nacher Sprung vorem Usgangs Offroad.. Töff müesse akicke und dän ufholjagd wieder müesse starte.. Han dän ca i dä 5 Rundi dä Uspuff verlore ( Folge schade vo däne womer in Arschgfahre sind.. Uspuff häts mehr ine druckt und durs Springe häts jedes mal en schlag druf gä biser abgheit isch.. )

So jetzt Beni eimal durs Ziel fahre.. Eimal Meisterschaftspünkt samle..

3. Finallauf

Startufstellig.. Jippie mini Fründin häts doch no gschafft, binerä schnäll go Hoi säge und dän isch dä Riisverschluss vom Kombi kaputt gange.. :toi: Dä Kalbi hät mi dän mit Racetape i Mumifiziert.. Ufwärmrundi gfahre und woni zrug cho bin hani nüm chöne Kuple ( Stift vo dä Kuplig usgfahre und blockiert gsi.. ) sgliche hani zFreiburg gha das aber no chöne vorem Start behebe.. dRännleitig isch dän cho und hät mi nöd la Starte.. ( Läderkombi nöd verhebet + nöd chöne Kuple.. )

Nei nei nei nei... Leider ischs Glück überhaupt nöd uf minere Siitä gsi das Wucheänd und ich han sehr viel Meisterschaftspünkt verschänkt.. Ich hoff es chunt zMalters LU am 7./8. Juni besser..

Merci trotzdem a alli für die Top understützig und safäne!

Dank au dir Päde fürs Mentale ufbaue

Gruess pseudO / Beni

Zitat

Original von :Dark_Force
So, bin jez grad heicho, ganz geili verastaltig. Hät mächtig bollet

Fotos Supermotard Eschenbach (24.05.08)

(Beny #14, Patrick #13)

Hey cooli Fotis! Merci viel mal..

Chan die aber nöd ufem PC speicher?!

Ja die woni im Album han sind nöd so eifach zum speichere. Aber chan der gern es paar in voller uflösig schicke bzw. ufem Webspace parat schtelä!
Ich mache mal es ZIP-Päckli parat im verlauf vom Abig und mäld mi per PN bi dir!