Crashhhhhhhh...

    Zitat

    Original von yzf-r108
    oh beschisse....wieso fahred so unsicheri verwirrti gschöpf überhaubt no uf de öffentliche strasse ume... ich verstah das teilwiis echt ned! :böse:


    persone über 60zgi söt mr sowiso gnauer überprüefe und fraue, wie wärs mit emene mega grosse blinkliecht für die erschte 10jahr wos autofahred?! :grinning_squinting_face:



    also uf alli fraue chasch es sicher nid bezieh...abr ich kenn do au es paar dene söttsch dä autofözzel jez eifach nid gäh will die sooo unsicher fahred. d'autoprüefig isch ehh viel z'lasch agleit wien ich finde. i mein so öbbis söttsch ja als prüefer merke wenn öbber extrem unsicher isch odr das wenigschtens dä fahrlehrer öbbis seit. abr bringt jo alles nüt :winking_face:

    Cry mich ein river ! :ugly2:

    hejo weisch, die wüssed selber au, dass no unsicher sind bim autofahre. aber denn ziehnds eifach en heisse mini ah, und scho isch d'prüefig au im sack :hmpf:


    nei jetzt mal im ernst, klar gits fraue wo sicher und guet chönd autofahre. aber es chömed allpot wieder so studie use, dass fraue luut statistik besser autofahred und und und...aber ich bin mir 100% sicher, dass wenn mr alli gfahrene kilometer vo de männer und alli gfahrene km vo de fraue nimmt und denn luegt wie vill unfall pro gfahrene km en maa, bzw e frau gmacht het, gseht das ganze komplett anderscht us!!!!!!

    Ach höred mal uf, scheiss ziitige...


    die statistike sind füren arsch... "fraue fahred besser" <-- das heisst nüt anders als händ weniger unfäll... aber ob das schlussendlich mit fahrkönnen z tue hed isch fraglich. "fraue fahred vorsichtiger" <--- das isch eher na d pointe. Ich bin sowas vo überzüügt dass wemmer en statistik wörd erstelle mit Bagatellschäde und Pfoschteküss, denn wörd s resultat sehr stark kippe.


    Gwüss chamer vilciht säge dass en frau weniger agressiv underwegs isch und au vil langsamer und dadurch weniger in gfahr chunt en unfall z baue... <-- aber wieviel stau dur so schliichendi, unsicheri tollpatschige fraue (nid nur fraue, au rentner) entstaht das wetti ned wüsse.
    Männer sind halt eifach chli meh d raser, und dass die vil eher in gfahr laufed en unfall z baue chan sich ja jede usmale.


    Schlussendlich sett mer s Fahrkönnen ned ahande vo Unfallstatistike usw... ableite sondern Testresultat vo Gschicklichkeits und Belastbarkeitstests im strasseverkehr. Ich mag mi nur z guet erinnere afangs wuche.
    Stahne im fürabigstau in züri: Vonere 1 spurige gats in 2 spure zunere chrüzig. 1 spur für gradus 1 spur zum rechtsabbüge. kolonne fahrt grössteteils grad us. ich und die vor mir wäred gern rechts abboge, aber will die netti frau i ihrem Yaris absolut kein blasse vo ihrne fahrzügabmässige het, stömmer ide kolonne, obwohl zum rechtsabbüge scho lang grün wär. Sprich sie wär förig ade kolonne verbii cho.... das isch eifach wider mal es symbolbild gsi i mine auge. Und so sache verursached stau... so wie au die wo penned bim staufahre... wo sich 30sek ziit lönd zum ufschlüsse...


    argh ich reg mi wider mal uf! :grinning_squinting_face:

    so e studie würsch doch nie usebringe, das wär nur wieder sexistisch :winking_face: es gat ja det ehnder um die schwere unfäll wo fraue schinbar weniger heftigi produziered :winking_face:


    wobi ebbe, ich han i dä letschte 5 jahr won ich töffahre nie erläbt dass mich en maa (usser es paar rentner) us luter dummheit schier übere huufe gfahre hätti... das wirft bi mir scho 1-2 frage uuf was die statistike abelangt :winking_face:

    Cry mich ein river ! :ugly2:

    Hypi


    ja logo, es wär au relativ schwerig so öbis öberhaupt ufd bei z stelle.


    aber was mi am meiste ufregt wenni im daily-traffic bin sind die scheiss niidische autofahrer und das sowohl männer als au fraue... wenn zwüsched kolonne fahrsch und gwüssi eifach extra sehr mittig fahred und eeeeergendwie wenns nur god probiered dich dra hindere verbii z cho. das isch wie pescht und cholera zäme... chan doch nüt defür dassi verbii mag mitem töff und halt früener ade ampel stahne als du mit dim range sport... tsss... usserdem minderets au de stau... wenn jede einzelni roller und töff fahrer sich wörd en platz ide kolonne neh denn wäred vili kolonne no länger, was sich widerum uf d längi vode warteziit wörd uswürke... aber das gsend gwüssi lüüt ja ned ii...
    gid aber au usnahme wo schön platz möched, einersiits wills nett sind und en "I Love Töff" chläber ufem heck hend, oder wills angst händ dass de tüüri lack vom SL beschädigt chönt werde.
    Kuulo findi die wo der bi sicherheitslinie (sofern d strass sehr breit sind) platz mached uf de link siite dasst verbii chunsch.

    ja die nerved scho recht. abr dä egoismus vom mensch chasch halt nid abstelle... au wenn s'kollone überhole erlaubt wird, wirds immerno lüt gäh wos dr nid möged gönne :winking_face:

    Cry mich ein river ! :ugly2:

    Hey leuts... danke für eues Beileid :face_with_tongue:



    Also so zur Info... d'Versicherig vode Autolenkerin het mir gester morge aglüte zum fröge wieviel km de töff het und wieviel ich ihn zahlt han.


    s'Tacho isch ebe nüme ume und isch alles zerstört det vorne :grinning_squinting_face:


    @ Don Bosco... Also ich nime scho ah dass mir au Helm und Kleidig zahlt wird. Natürli nur falls sie d'Schuld überchunt. Will Polizei het au föteli vom Helm usw. gmacht...

    [SIZE=4]:rock: !!! Triumph !!! :rock:[/SIZE]


    Cannot the Kingdom of Salvation take me home ???


    Triumph still in my heart... ;(

    scheisse.. das tut ächt weh din Töff so zgseh... aber wies scho paar gseid händ, hauptsach esch der nüt schlemmers passiert, was glaub au meh Glöck als Verstand gsi esch.


    All.... jetzt höred mol uf so chendisch tue... vowäge Fraue ond Manne ond Autofahre usw.


    Wenn ech eu nämli so ghöre, be ech brutal froh, das grondsätzlech dManne die send, wo die gröbere Unfäll fabriziered. (Nor so näbebei das wäre de die Unfäll wos meistens Toti geht! Ond meistens leider ned mol de wo Schold wär!)


    Also lieber e Frau met em Risiko vo Blächschade fabriziere als en Maa met Risiko Toti zfabriziere. (Sorry das muess ech jetzt so drastisch darstelle :grinning_squinting_face: )



    För die wo mi ned könned... das esch jetzt nor es Gägewort zo dene vele Fraue Fraue Fraue gsi.
    Ech sälber säg nämli... das es of beidne Siite meh als nor gnue Lüt geht wo ned chönd fahre. Ond do gehts au im höchere Alter serig wos halt no chönd oder halt ned.

    naja da du ja immer recht hesch und mr nöd diskutiere dörf i dem forum :winking_face: wart ich demfall uf dä maa wo mich über de huufe fahrt. und uf dä sattelit wo mr ufe grind gheit warti au no...verdammt wo blibt dä? :mad:


    PS: Achtung Sarkasmus!

    Cry mich ein river ! :ugly2:

    da chunnt mr gad so spontan die fahrerin in sinn, wo vor 3 wuche als geischterfahrerin uf de autobahn vo uster richtig zh underwegs gsi isch und es anders auto frontal gnoh het....



    was mr natürli scho echli muess säge, es git vill jüngeri fahrer (männlich), spezifisch usem ostblock :grinning_squinting_face: , wo sich in sache gschwindikeit ned im griff hend und au heftigi unfäll baued, wills umbedingt de ander bmw no hend welle ihholle oder wills de geile fraue im auto no hend welle zeige wie schnell ires auto isch :face_with_rolling_eyes:

    Zitat

    Original von yzf-r108
    da chunnt mr gad so spontan die fahrerin in sinn, wo vor 3 wuche als geischterfahrerin uf de autobahn vo uster richtig zh underwegs gsi isch und es anders auto frontal gnoh het....


    Darf ich anfügen: Sie isch 5!!!! KM weg gsi vode usfahrt wo sie inegfahre isch a dem punkt wos klöpft hed... Nur so mal zum erlütere wie bekloppt mer mues sii wemmer innerhalb vo 5km ned merkt... :grinning_squinting_face: nene sie isch ja sicher bsoffe gsi und hed NÜM GWÜSST WAS SIE MACHT... <--- TSSSS...


    was mr natürli scho echli muess säge, es git vill jüngeri fahrer (männlich), spezifisch usem ostblock :grinning_squinting_face: , wo sich in sache gschwindikeit ned im griff hend und au heftigi unfäll baued, wills umbedingt de ander bmw no hend welle ihholle oder wills de geile fraue im auto no hend welle zeige wie schnell ires auto isch :face_with_rolling_eyes:


    Ja und die spezifische lüüt ziend de schnitt au relativ drastisch abe... sell aber ned heisse dasses kei eidgenössischi vollidiote gid wo lüt z todkarret oder ähnlichs händ.


    @Deepy


    Find jetzt eusi diskussion ned so chindisch... Vorallem segemer ja ned NUUUUUR d fraue.. isch vilicht teils chli falsch gschribe.. aber bin öberzügt dass au die andere fraue kenned wo üsserst sicher und guet mitem PKW oder au Töff umgah chönd. Aber es isch leider die glich situation wie bide Albaner (sorry wett ned rassistisch sii demit): mer chan ned all in glich topf rüere aber es isch leider scho so dass mer 90% devo ned chan bruche (und das isch jetz lieb usdrückt) de witz isch, die 10% vode positive (ich kenne selber welchi woni toll demit uschume) sind nämli genau glicher meinig.
    Und so ischs au bim thema frau am steuer. Die einte sind guet und souverän, die andere widerum völlig öberforderet, aber trotzdem ischs so dass letschteres halt chli überwiege tued.


    und was du seisch bezüglich "besser bagatell als en tote" das stimmt absolut... aber es hed au niemert s gegeteil behauptet, sondern nur d statistik erlüüteret. Es gid immer es extrem. sogar extremi bagatellunfäll:


    [Blockierte Grafik: http://www.loslachen.ch/Lustiges/Frauen/Lustige%20Frauen%202/Frau_am_steuer_1.jpg]



    :face_with_tongue:

    Zitat

    Original von yzf-r108


    was mr natürli scho echli muess säge, es git vill jüngeri fahrer (männlich), spezifisch usem ostblock :grinning_squinting_face: , wo sich in sache gschwindikeit ned im griff hend und au heftigi unfäll baued, wills umbedingt de ander bmw no hend welle ihholle oder wills de geile fraue im auto no hend welle zeige wie schnell ires auto isch :face_with_rolling_eyes:



    isch also schlussändlich au wieder d frau schuld !?!

    Und immer daran denken:


    gummierte Seite nach unten, lackierte Seite nach oben !

    mis beileid:(

    Für Schreibfehler haften die Buchstaben


    Frag' nicht - Du könntest eine Antwort erhalten.


    Computer dienen uns zur Lösung von Problemen
    die wir ohne sie nicht hätten.


    R6 - Der schönste Weg der Fliehkraft in den Arsch zu treten

    also...äntwäder fraue... hmm alti Lüüt... oder de wenns Manne i euem alter send de sends eifach dOssländer... das fend ech doch biz chendisch ond vorallem bizeli fesch vereifacht. Aber halt...do chönd ehr natürli au nüt deför. 1. send ehr "Manne" ond zwoitens esch das "Frau am Steuer, Ungeheuer" eu jo so glert worde... :ugly::wand::grinning_squinting_face:


    Ond das au ech es Beldli ha :ugly: (esch zwar ned wörkli Bagatell aber egal) esch öbrigens en Maa gsi.
    [Blockierte Grafik: http://www.oberberg-aktuell.de/images/upload/2006/07/25-7-2006vua4.jpg]



    Fende eifach er möcheds eu biz eifach. Schliessli esch au statestisch bewese das die männleche Jonglänker am meiste Unfäll boued. Öbrigens..ech glaub das esch i de USA gsi, wo mol eine im 8 Stock (weiss nöm gnau welle) versuecht het dor dStahlseili sParkhuus zverlo...da er hange blobe esch met sim Auto het ne dFüürwehr no chöne rette. :grinning_squinting_face:



    Epimenides... gesch de bscheid was gnau wiiter glofe esch ... so vowäge öb Totalschade oder doch ned...



    So fertig.. OFF TOPIC... zomendest vo mer