34 PS-maschine, aber weli?

min tip!

ninja, gixxer oder e geili z750 07

obwohl ebe d'ktm au geil wär!

min tip kennsch jo
R6 R6 R6

denn chunt no min tipp:

street tripel oder 690er SMC. Mached sicherlich meh froid mit 34PS zum fahre als die ganze zuegschnüerte supersportler. bsunders d KTM gaht sehr guet au drosslet, well sie sehr leicht isch.

e 950er würdi nüd näh, da schwärer und wenn mer nüd relativ gross isch chans schnell mal problem gäh für ufe bode abecho. als afänger denn immer chli heikel

defür isch d'950er i de kurve umso geiler

aber als ahfänger mit churze bei...mhhh

Da mal mini höchscht subjektivi Meinig zu dene Töffe:

aprilia pegaso strada/factory

Sicher keis schlächts Töffli, aber echli schwer und dOptik passt mer nöd so.

ducati monster 620
ducati monster 695

Monster gfindi sehr schöni Töff, wie die meischte Ducatis, aber bisch schomal uf einere obe ghocket? Chunnt mer vo de Sitzposition her fasch wie e Mito vor.

ducati multistrada 620

Gar nöd gwüsst dass es so öppis git.

husqvarna sm 510 r

Sehr geils Teil, ich han mal e Rundi mit so einere trüllet. Gaht schön ab.

husqvarna sm 610

Han i au scho gfahre. "dWeichspüelervariante" vo de SM 510R. Scho easy aber ich würd ehner e

ktm 690 smc

neh. uf die bin ich bis jetzt zwar erst mal drufghocket aber das hät irgendwie scho sonen Chaufreiz usglöst.

ktm 660 lc4 SM (do die "prestige"...)
ktm 640 sm

Im 04i bin ich die beid emal gah Probefahre(Ich bin mer aber nüme sicher obs e 640er und e 625SMC gsi sind) sind witzig zum fahre, chömed im Funfaktor nöd a e "reinrassigi" sumo ane sind aber ähnlich unbequem und viel weniger schruube muess mer glaub au nöd.

ktm 950 sm (oh ja, gets met 34 PS )

Miner Meinig nah ganz klar de best Töff i dere Liste
Aber de vollstänigkeit halber kopier ich mini Meinig useme andere Thread namal da ine: 

Zitat

Original von Chromopila
dVorteil wo e 950er miner Meinig nah gegenüber enere 690er hät isch dass sie es guets Stuck meh Leischtig hät unds drum bis öppe uf 150 rächt zügig vorwärts gaht und das sie uf längere Streckene komfortabler isch. Bloss sind das Sache wo bi dine Aforderige(relativ churzi Streckene und drosslet) absolut belanglos sind. Ich würd dir darum ehner vo de SMs uf dinere Liste rate, am ehnschte zu de Sugi, die gaht wahrschinlich am wenigste is Gäld.

kawa zx-6r ab bj 05
600er gixxer ab bj 06
r6 ab bj 2005 (die met de usd-gable wie die vom skali2 ;))

Da stimm ich am Bosco zu 100% zue. Ich hätt mir niemals e sone Maschine kauft um sie dänn eso zKastriere zlah. allerdings chum ich allgemein nöd so mit de Strösseler klar.

honda hornet 600 ab bj 2003 bes 2007

De einzig Grund wo us miner Sicht degege spricht isch das keine defür spricht. De Töff staht IMHO eifach blass da im verglich zunere

triumph street triple

gar blass da. Gfallt mer guet das Töffli und muss unbedingt na Probegfahre werde. Isch die na lieferbar? han mal öppis ghört das Triumph mit de Produktion nöd nah chunnt.

triumph daytona 675

Abgseh devo das für de Töff sgliche gilt wie die Japanische 600er müsstisch du grad na zimli i dSicherheit vo de Garage investiere will de Töff susch vom Tag-Tag abgfacklet wird.

yamaha xt 660 x

Kolleg hät die, au nöd schlächt. Lut Papier rächt schwer aber glich na relativ handlich, fahrleischtige dünked mich au nöd so schlächt. Aber KTM isch halt sicher geiler! Aber ebe au türer und e gwüssi afälligkeit laht sich nöd wegdiskutiere.

suzuki dr-z 400 sm

Das wär min heimliche Favorit

suzuki gsr 600
kawasaki er-6n (nor met tuning :D)

zu dene Beide han ich öppe die glich meinig wie zu de Hornet.

kawasaki z 750 (nor met tuning :D)

Gfind ich offe easy, de Motor hät öppis

bmw f 800s

Im Ernst? Au da würd ich säge das wänn du sowieso drosslet muesch fahre besser zunere f650 griffsch.

be froh öber alli antworte wo inechöme ond tipps (so sache wie probefahre weissi scho ;))...velecht het öper no meh infos zo de ktm 950 sm? die fendi scho mol sehr interessant...

Zu de 950 im spezielle: Ich han mir vor zimli genau eim Jahr e 06er kauft. sEinzige wo ich bis jetzt bereue isch das ich si abgleit han. Aber das isch es anders Thema. Falls du dir eini chaufsch unbedingt es 16er Ritzel montiere, das Teili bringts brutal.

Was bis jetzt alles vorcho isch:

-Ölschruube hät sich mal verabschiedet(de Mech hät al letschte dFinger drah gha)
-Eimal isch de Töff im Räge abgläge will de Sensor vom Siteständer en Churze gha hät.
-Chüelwasser isch emal usgloffe
-De Chrümmer faht im Bereich vo de Schwinge ah roschte obwohl ich nie im Salz underwägs gsi bin.

Soviel zum Thema KTM und Zueverlässigkeit

Servicechöschte:

-1000er: öppe 260 Stutz
-7500er: 210.- oder so.
Miner Meinig nah im Rahme. Dezue chunnt nachli Motoröl, bi mir sind mittlerwile ungfähr 1-2Dezi uf 1000km am Afang ischs öppe en Halbe Liter gsi, nach 2-3Mm isch er dänn schnäll obe abe cho. Tendenziell wiiter sinkend.

Nichtdestotrotz: de Töff isch hämmermässig zum fahre und macht brutal Fun. Falls irgendwelchi Frage häsch: Fröge!

Kein plan wie das im verglich zu anderne usgseht, und wänn ich dir säge was ich für mini offni zahle bringt dir das wahrschinlich au nöd vill. Frögsch mal en Versicherigsheini was de dezue meint, de chan dir dänn au die ganze Szenarie durespille, bringt dir wahrschinlich am meischte.

Aber namal: ich a dinere Stell würd e 690SMC vorzieh.

es gaht glaubs nid um de hubrum sindern nume um de Priis vo de maschine und wie sie igstuft wird. Gwüssi sind eher türer, wells bekannt sind, dass demit viel unfäll passiert oder sie viel klaut werded.

ich han ja vonere 600er gixxe uf e 1000er gwechslet. das het mi im jahr nume 80CHF meh koschtet (vollkasko)

drosslet oder nid drosslet macht zumindescht bi de züri versicherig au chum öppis bis gar nüt us

slüü zäme.

also drz 400 sm esch minere meinig nah en reine istigertöff. so fürs erste jahr wersch met de drosslete version vell spass ha bes de töff kännsch und alles nacher chasch sie ja ufmache und wersch secher nomol es halbs bes es jahr din spass dra ha, well es esch ned nume das sie chli weniger leistig hed als d 640er ktm sondern sie esch au öbe 20- 30 kg liechter. was en huere nachteil esch, esch d sitzhöchi, wennt ned über 175 besch chunnsch chum abe.

aber im gross und ganze en witzige töff

cu charlie

naja weiss eifach nid wasi devo söll halte e 1000er uf 34PS z drossle....

aber naja.

gange nächscht wuche d husqvarna 510 go probefahre. das isch so es richtig chlises monschter. über 60PS und 110kg liecht