125er - Was gibt es so alles für sportler?

    sali zäme..


    scho lang nüm gschribe hie im forum.
    ich wirde im ouguscht 18i und bi hüt chli go yamaha
    TZR 50 fahre will si jo viel ne orte testweekend hei.


    jetz überlegi mer wider, obi nid zum 18. oder e chli
    speter en 125er söu choufe. muess ja keni prüefig me mache, fahre im momänt no aprilia SR50RFactory..^^


    isch z.b. en RS 125 (nid elter als 2-3 J.) viel billiger im unterhalt als e GSX-R 600 k5 oder so?


    ich wirde wohl nid soo enorm viel zit fürs töff fahre ha!
    aso so 2-3x im monet fahre und zwusch düre es stündli..
    darum dünkts mi scho e chli tür e 600er ds chaufe mit allem drum und dran!


    ich sueche eifach im momänt e 125er sportler, kenne
    aber nur grad d RS125 und d Cagivo Mito!


    d Honda cbr (oder isches nsr?) 125 isch ja es "gschwür" i mine ouge! schmelere hinterpneu als
    min 50ccm roller.. :grinning_squinting_face::ugly:


    chöit dir mir säge wases schüsch no für gueti (nid zu alti) 125er git und obi mi fürne 125er richtig entschide ha?


    gruess und no e schöne sunnige sunntiobe :winking_face:

    Hey!


    also i fahre ietz sit em dezember e mito, zwar metem a1-uswiis, esch aber offe eigentlech (was mi höt zwar weder ned donkt het ?(...)! vorher hani no es halbs johr e honda nsr 125 gha...also wenni nomol zrogg chönnt, denn wördi mer meh geld aspare ond denn e 600er chaufe, well vo de leischtig her (ä dorchzog) machsch metere 125er eifach emmer zwöite...klar esch d'mito die wahrschiinlechscht schnellscht 125er, aber da heisst no nüt!
    vom onderhalt her esch halt e 125er 2-takter ned grad gönschtig: emmer weder öl nofölle (kei ahnig wie vell dasses of 1000km esch, glaub e liter) ond e benzinverbruuch vo öpe 6-7 liter! versecherig chonnt halt ganz droff a...
    wennd mol mini mito wotsch cho aluege, chasch gärn...i verchaufe si de im oktober öpe (wennd interesse hesch, denn schriib e pn)!


    gruess fitouuu

    hey fitouuu :grinning_squinting_face:


    merci für dini schnälli antwort!
    vo wo chunsch de du eig.?


    aso dänksch e 600er wär nid viel türer im unterhalt? (es chunt zwar no prüefig derzue..aber die isch nur praktisch oder?)


    mini eltere wäre mitere 125er wohl äue eher iverstange (nid wägem budget, sondern wöu mi vater warschinlech nid viel dervo haltet, vom scooter diräkt uf sone schwäre töff umstige).


    obwohl, jetz chunt mer grad i sinn, dass de nachbar vo dert wo mim vater sini firma isch ou diräkt vom vespa ufne cbr600r umgschtige isch!


    luege ou no obi mit däm cha kontakt ufnä!


    will ich weiss nonid ob ich mit somene schwäre töff (600er) chönt umgo!?


    bi nid grad dr gröscht mit 175cm und mit 60kg ou no es liechtgwicht (vo mire Mom g'erbt^^).


    thx
    tchao :winking_face:

    ich han gester mini sv 650 abgholt und bin vorher au nume roller gfahre, bin 165cm gross und 50 kg schwer, also ischs keis problem für dich

    Zitat

    Original von Hannes
    ich han gester mini sv 650 abgholt und bin vorher au nume roller gfahre, bin 165cm gross und 50 kg schwer, also ischs keis problem für dich


    Genau! also i denke dass da kes problem sött si!


    i chome osem aargau, also ned grad nöch be biel...
    vom onderhalt her esch e 600er wahrschiinlech sogar gönschtiger als e mito oder e rs oder mindischtens gliich tüür! wennd de aber e 125er oder ä e 600er hesch, denn sötsch velecht ä no öberlegge, dassd eventuell a dinere usröschtig öpis söttsch ändere (je nachdem wie dassd metem roller ietz omefahrsch)...

    also mer chan nüd säge, dass e 125er türer oder billiger isch im underhalt als e 600er.


    generell laht sich das nüd uf de hubrum beschränke. e CBR125 vo honda mit 4taktmotor scheiss sound und ke leischtig isch zum biespiel dütlich günschtiger als e 600er. aber macht halt au ke spass. e cagiva mito oder RS125 wo mer übrigens nüd mti A1 fahre derf chan schnell mal türer werde als e 600er wenns dumm umezicked.



    allerdings chunts denn immer no druf ah was du für e 600er zum verglich hereziehsch. e bandit, SV650 oder CBF 500 oder 600 isch sicherlich nüd viel türer als e offni mito oder RS125. Jedoch bimene supersportler 600ccm wie ere R6 GSX-R honda RR usw. gseht das scho ganz anders us. die sind im underhalt dütlich türer nume scho vom reifeverschleiss her und de türere und vorallem churze serviceintervall.


    ich han zum afange e CBF 600 gha und da het mi en service so um die 150-200CHF koschtet.


    service bir de 600er gixxer woni nachher gha han hend mi immer zwüsched 350 ud 500koschtet. also doch ganz krassi underschied. zudem het sich de reifeverschleiss guet verdopplet. mit de "Harmlose" CBF uf tourereife guet 12'000km gfahre mit eme hinderreife. mit de GSX-R sinds eher 4000-5000km


    bi de 1000er isch es jetzte wieder billiger, aber au nume welli mitlerwiile d suzukitöff so guet kenne, dassi so guet wie all servicearbeite selber mache chan. das brucht aber ziit und au geld zum sich all die verschiedene wärchzüg azschaffe. defür choschtet nachher en service no um die 50-60 stutz und keni 350meh :smiling_face_with_horns:




    wasi demit will sage:
    uf hubrum chasch bi de underhalschöschte absolut nüd gah. da hesch vo hersteller zu hersteller und vo modell zu modell so krassi unterschied, dass mer absolut nüt generells säge chan




    s umstiege vomene roller uf e drossleti 600er isch kes problem. isch bedütend weniger gfährlich als vome roller uf e 125er und nach zwei jahr denn grad uf e 1000er. well denn hesch brutalschtens viel meh leischtig wo schnell mal chan überfordere


    dank de drosslig chasch di mit verhältnismässig wenig leischtig as fahrverhalte undn gwicht vo grosse töff gwönne und denn wennd denn offe fahre derfsch chunt nume no d leischtig derzue und das macht den viel spass aber eigentli kei problem meh :grinning_squinting_face:

    SUZUKI - selbst unter zweifelhaften Umständen klappt´s immer
    SUZUKI - SUche ZUverlässige KIste
    SUZUKI - Schnell und zügig um Kurven irren
    SUZUKI - So ungestüm zieht überhaupt kein Italiener

    2 Mal editiert, zuletzt von DonBosco ()

    Zitat

    Original von DonBosco


    generell laht sich das nüd uf de hubrum beschränke. e CBR125 vo honda mit 4taktmotor scheiss sound und ke leischtig isch zum biespiel dütlich günschtiger als e 600er. aber macht halt au ke spass. e cagiva mito oder RS125 wo mer übrigens nüd mti A1 fahre derf chan schnell mal türer werde als e 600er wenns dumm umezicked.


    doch, e mito cha mer met 15 ps fahre! esch so im uswiis iitreit ond e kolleg het ä e cagiva planet 125 (metem gliiche motor wie d'mito) ond die het sogar 15 ps...be mer send halt 10.5 kw iitreit im uswiis, si esch aber offe (oder so öpis ähnlechs :face_with_rolling_eyes: )...

    ach jo stimmt..!


    iz hani di ganzi zit nur dra dänkt, dassi grad mit 18i
    e 125er darf fahre..aber ja nur mit max 11kw :wand::grinning_squinting_face:


    de wirdi die prüefig sowieso mache!
    aber isch das nur grad einisch praktisch fahre oder
    nomol 2-3 kürs und no e art theorie-ungerricht (ähnlich wie VKU, nur no uf töff spezialisiert..)?


    ja also für mich stoht folgendes fest:
    wenn ich afo töfffahre, denn e (super)sportler à la RS 125 bzw. GSX-R 600..ZX-6r usw.. (d suzuki findi troumhaftschön (ab 05/06) und söll jo agäblich nid sone extremi rennposition wie z.b. e R6 ha, eher e bitz komfortabler!?


    könnt ihr mir öpe säge, was d prüefig so choschtet alles in allem?


    ich bi drum momentan ir Handelsmittelschuel und has jetz no grad seehr sträng (wäge dr bilingue usbildig) und ha no praktikum dr ganz juni.
    när wetti eigch e näbejob anä (ev. migros ar kasse^^..kolleg machts für 800.-/monat für 10h bügle pro wuche --> ~20.-/h).


    de chönti mer chli es bild mache, was näbem bike und dr usrüschtig no alles zämechunt.
    bruchi eigch no angers zuebehör (paar wärkzüg, ständer usw) oder chäm "nur" no es läderkombi, stifle, nöie töffhelm, töffstifle und ds permis :mad:


    fahre nämli momentan miteme caberg helm für 169.- (de ganz billig^^) wöu das praktisch dr einzig isch, wo is helmfach passt X)


    när hani no fo dr mofazit här en IXS helm (NP so um di 300.- gsi) aber de chäm eh nüm in frag!


    merci für öichi ungerstützig!


    und ebe, was wäre suscht no (usser RS125, Mito und di baldig TZR 125) für strassesportler mit 125ccm ufem markt?

    Also ebe, es get folgendi 125er sportler ofem markt i de schwiiz:


    aprilia rs 125 (nöi oder occasion)
    cagiva mito 125 (dito wie rs)
    gilera ??? 125 (weiss de name nöm, aber nor occasion)
    honda nsr 125 r (nor occasion)
    honda cbr 125 r (dito wie mito)
    rieju rs 125 (jo ned chaufe!)
    suzuki rg 125 f gamma (nor occasion)
    yamaha tzr 125 (nor occasion)
    yamaha yzf-r 125 (glii...)


    Es mues ned onbedengt emfall es lederkombi si, es cha ä e gueti hose, schueh, jacke ond helm si!

    danke für dini churzi ufzellig!
    han mich vori tüscht, ich ha natürlich die baldig R125
    gmeint und nid d TZR125..isch ebe scho lang här woni d yam R125 im internet gseh han..


    aso was meinsch de mit ere "guete Hose und jacke"?
    jacke wohl e windUNdurchlässigi winter-/skijacke?


    han ich mir drum ou scho überleit, obi wenni jetz am fürobe oder am samschti churz es stündli gange go fahre (im seeland oder churz gäge Jura) würkli immer
    es läderkombi brücht..


    merci;)

    bruche tuesch es lederkombi nume denn wenns di uf'd fresse packt. denn defür aber umso dringend.


    wenn du dich also schnell chasch umzieh bevor uf em bode ufschlahsch und mit 50 oder meh über de ruchi asphalt schraddlisch denn isch ja guet.


    *sarkassmusmodus off*



    e normali jacke taugt absolut nüt. die isch innere sekunde nach bodekontakt nur no in fetze z finde.
    git da e ganz eifache verglich: du bisch sicher schomal mit jeans umgheit bim renne. segs bim sport oder als chline goof. sofort hets es loch i de hose. das ganzi isch aber mit ere gschwindigkeit vo vielicht 10-15kmh passiert. wie das es nachher usgseht wenns 50 oder 80 sind derfsch der gern usmale. vom chnü isch aber nümm viel da


    entweder textilchleidig speziell für töff oder lederkombi. beides insgesammt öppe glich tür

    SUZUKI - selbst unter zweifelhaften Umständen klappt´s immer
    SUZUKI - SUche ZUverlässige KIste
    SUZUKI - Schnell und zügig um Kurven irren
    SUZUKI - So ungestüm zieht überhaupt kein Italiener

    2 Mal editiert, zuletzt von DonBosco ()

    ja ha scho gmeint irgendwie textilkleidig füre töffsport!
    will ich han mou gläse (gloubs sogar e post vo dir donbosco;)) dass ds läderkombi perfekt sitze muess, wills suscht falte git und die när hautfätze usrisset!


    darum bini am überlegge gsi, ob es textilkombi oder zmindest e textilhose nöd lenger chasch bhalte als e läderhose, wenni jetz doch no es bitzli würd wachse (ob jetz id höchi oder id breiti^^).


    mini meinig zu de nakedbikes:
    mir persönlech gfalle nid so viel naked bikes.
    aber d Z750 findi rächt geil jetz!


    aber isch di viu schwerer als e 600er töff?
    und di anderi frog: ich läse immer wider, dass d GSX-R 750 e bitz technologieträger isch und es super pris-leistigs verhältnis het.


    wär die ou z'empfähle? (kei angst, es isch ni de grössewahn - ich wott nid so viel ccm wie möglich ufs mal).

    technologieträger sind alli supersportler. egal ob 600er 750er oder 1000er und au egal weli marke.


    d supersportler hend jewils immer die neuschte entwicklige drinne und werded drum au all 2 jahr überarbeitet oder komplett neu entwickled.


    e 750er gixxer isch en super töff, aber technologisch nüd fortschrittlicher als d 600er. und zudem i de schwiiz nüd drosselbar.


    wege lederkombi und hutfätze wos useriesst wüssti jetzte nööd. isch emal nüd vo mir..... aber dass d protektore am richtige ort sitze müend stimmt natürli

    SUZUKI - selbst unter zweifelhaften Umständen klappt´s immer
    SUZUKI - SUche ZUverlässige KIste
    SUZUKI - Schnell und zügig um Kurven irren
    SUZUKI - So ungestüm zieht überhaupt kein Italiener

    Da wäg de huutfätze esch geil...da stemmt natürlech ned!


    es kombi muess sitze, aber wennd ietz zom biispell am rögge no chli loft hesch esch da ned so schlemm, well wennd zom biispel no e röggeprotektor wotsch inemache oder alegge esch guet wennd no chli platz hesch...


    wenni dech wär, denn wördi e 600er gixxer (ab 2005) neh oder e r6 (ab 2005) oder e kawa zx-6r (ä ab 2005)...oder halt e z750 ond no chli tune! :winking_face:

    iu
    so abem '05i gfalle mer d supersportler ou viu besser!
    die ältere sind natürlech nid viu schlechter, aber ich lege halt scho au viel wert uf d'optik!


    also wär eig. e Z750 nid unmüglech (drosselbar)?


    obwohl die isch um einiges breiter aus e 600er sportler oder tüschi mi (ds gwicht usw)?


    und was meinsch mit tune :D?
    wird wohl nid i frog cho bis früechstens 2010 :mad:


    thx