Golf 5 GTI

all de schnickschnack bruucht mer doch nöd

E Karosse, schöni Felge, gschiide mocke, 1-2 Sitz und en tank.

Radio? Nö, git sowieso nüt schönners zum alose als en gschiide motor

Han nur ei chlini Bemerkig zu de ganze tunerei. Dänked dra, dass allefalls ihr nachher miteme nid zueglohne fz underwägs sind. solang nüt passiert isch das kei problem. wenns aber mal schäppered und blöderwis no personeschäde git, denn bläched kei versicherig meh. das heisst nachher nüd anders als er ev.s'läbelang für sonen regress müend go chrampfe.

Chaufed doch lieber vo afang a en göppel mit gnueg leischtig.

Zitat

Original von Pollito

Nei Nase häsch irgendwo gläsä dass ich nid gern übermässig Leischtig ha?... Aber ich frög mich wiso du dir e 140-PS Töff chaufsch und dr Meinig bisch vill Leischtig seg Schwanzverlängerig? Fehlt dir öppis uf halber Höchi?

@Greeny: Ja eifach es Gwindefahrwerk iibaue isch ebe au nid dr Sach dient. Richtig iistelle isch vill wichtiger und das müestisch fasch ufre abgsperrte Stroos

*edit* aso mindeschtens es hin-und-her hüpfe bim Gradusbeschleunige söttme doch chli wegbringe mitme vernüntige Fahrwerksetup, nid?

ja roger du gsesch natuerlich nur d 140 ps aber es git ou no oeppis anders drehmoment ev. sagt dir das etwas

du wirst meinen motorrad das mehr drehmoment hat gemuetlicher unterwegs sein als mit einem motorrad das weniger hat..

aber eben die erkenntiss bekommt ihr später auch ihrgendwann mal...

sehr richtig day-day

under anderem de grund für min wechsel vo 600er gixxer udf kilo.

chasch au mit em 6. gang durs dorf fahre und am endi de hahne spanne ohni dass der s gsicht ischlaft

wege auto's..... müend viel platz hah und sparsam sii für de alltag. wenn denn no geld vorhande isch en lotus oder catherham chaufe und mer isch glückli.

zumindescht ich wirde das so mache

chan absolut nüt afange mit dene ganze möchtegernsportler entweder e chliwage oder familiechischte, aber nid so es möchtegernwunderding. das gits schlcihtweg nöd. sportlich heisst hecktrieb, sehr liecht und en agile, leischtigsstarche motor mit eme tolle fahrwerch. alles ander ghört denn furt.

Zitat

Original von Pollito
Und bekanntlich hätme nie gnueg Leischtig. Die mit dene Uussage wie Schwanzverlängerig und "für was bruchsch das" söled doch ihri Töffe gege 50ccm Töffli iitusche wens ke Leischtig bruched

Dito - vorallem in einem Motorradforum - absolut "lächerliche" Aussage.

Ha jetzt ned ganz aues dore gläse. Nome so vöü, vo mer us gseh bruchsch öber 200PS Allrad-Atrieb. Alles andere esch nüt. Ig ha en Volvo V40 T4. Guet, es esch scho chli es älters Fahrzüg, aber scho met "nome" 200PS eschs im Räge mühesam zom fahre. Wenn me chli flott wot ibiege gömmelets nome.
Oder ou met em Mazda 3MPS bi ig mou gfahre. Das chas eifach ned si. 260PS met somene Trockli. Wenn schon de de 6er MPS.

Fahr zersch mou chli so ome wiener ab Wärch esch. De Tschipp chasch de emmer no drischrube.

Ond nome no chorz wägem STVA, die merke meh, aus me meint. Wenn sie das usefenge, de gots ab uf Bärn (gloub ig) ufe Prüefstannd. Ond da choschtet aues sehr vell. Wenn de scho iträge lo.

Naja ich bi au ke Fründ vo Frontantrieb - fahr drum au numme no Heck und Allrad aber i meine din Volvo isch jetzt halt nit grad so ds Vorbild in Sache sportliche Fahrwerksabstimmig - Volvo sind meh uf Sicherheit abgstimmt als uf Fahrspass.
Fahr mal en ordentlich gmachte Civic Type-R - da macht 200PS mit Frontatrieb scho chli meh Spass.

Aber ebe im Grund gno geb ich dir absolut recht.

Da met em Volvo esch klar jo. Aber er het jo ou nome 200PS.

Aber ou Ford Focus ST het do ou chli sini Problem. En Hecktrebler chiem scho weder besser ts'rächt met de Leistig. Deför muesch dört haut eifach chli besser fahre chöne. En Frontrebler esch scho fasch weder Idiotesecher.

Da esch eifach mini Meinig. Ig wörd nie meh eine met >200PS ohni Allrad choufe. Guet, ig wörd gloubs generell keis Outo me met so vöü Leistig choufe. Lieber en gnüegsame Diesu (werde gloubs langsam alt...)

Der Vorteil des Allrads ist lediglich das Beschleunigen aus Kurven, besonders bei Nässe. Aber auch nur bei langsamen, wo die Traktion eine Rolle spielt. Die heutigen elektronischen Systeme sind so gut, das man selbst mit Leistungsstarken Heckschleudern umgehen kann.
Ansonsten ist Allrad im Alltag rausgeschmissenes Geld. Wer net unbedingt in den Bergen wohnt mit Schneereichen Wintern, braucht das nicht. Die Nachteile: höheres Gewicht, mehr Verbrauch, Leistungsverlust (zwar nur minimal)....

Ein gut abgestimmter Hecktriebler hält locker mit.
Und mal ehrlich, wer im Straßenverkehr den Allrad braucht um seine Leistung auf die Straße zu bringen, der sollte seinen Wohnsitz auf die Nordschleife verlegen =)

Zitat

Original von fippeler
Ha jetzt ned ganz aues dore gläse. Nome so vöü, vo mer us gseh bruchsch öber 200PS Allrad-Atrieb. Alles andere esch nüt. Ig ha en Volvo V40 T4. Guet, es esch scho chli es älters Fahrzüg, aber scho met "nome" 200PS eschs im Räge mühesam zom fahre. Wenn me chli flott wot ibiege gömmelets nome.
Oder ou met em Mazda 3MPS bi ig mou gfahre. Das chas eifach ned si. 260PS met somene Trockli. Wenn schon de de 6er MPS.

Fahr zersch mou chli so ome wiener ab Wärch esch. De Tschipp chasch de emmer no drischrube.

Ond nome no chorz wägem STVA, die merke meh, aus me meint. Wenn sie das usefenge, de gots ab uf Bärn (gloub ig) ufe Prüefstannd. Ond da choschtet aues sehr vell. Wenn de scho iträge lo.

Ha au de V40 T4 und das ding het übrigens 220ps. und wend ällei im wage hocksch musch en nid welle voll drucke, da hebet nämli nüt geschweige im räge oder mit winterpneu, ab zwei persone gahts den scho ganz guet. ha de wage zum ne superpries übercho, und bi au mega zfriede mitem, aber s nächstmal will ich au en AWD