Chicks?

Zitat

Original von NiReDrAoB

Also ais isch mit däm Thread beantwortet worda: dr Day-Day und gwüssi andri, denkend immer nu ans glicha...

und Day-Day...

nu will miar paar weniga Fraua do dina sind, haisst nit, dass miar an eu Männer intressiart sind... (also reda im Moment nu für mi, aber denka, do weird miar dia aint oder ander Frau zuastimma...)

Also ich mues da rasch stellig neh...

Wichtig zum wüsse dass folgendes uf MICH bezoge isch... Was anderi agaht weisi natürlicherwiis ned.

Dass ich mängisch oder sogar öfters echli, wie selli säge, sexistischi, oberflächlichi oder au abschätzendi Bemerkige zu de feminine Abteilig i dem Forum sowie au ide allgemeinheit mache stimmt.

Jetzt isches allerdings so:

Was gwüssi Lüüt mag ufrege bis sogar verletze isch i de würklichkeit gar nid so gmeint. Ich lohne gern mal en primitive Spruch oder en Bemerkig lo ligge aber das isch nur Spass.
Ich chan guet nachvollzieh, dass Lüüt mit dere Art vo gspäss nid möged umgoh, aber drum wetti das au erlütere zum glichziitig versichere dasses nid so gmeint isch wies tönt.
Mängi Lüüt chönd behaupte ich sig unriif wenn ich mich so verhalte und gibe. Jedoch isch für mich riifi nid so tue als wäri älter alsi bin, sondern vilmeh sich selber treu z sii. Ich finde wer sich verstellt und sich apasst sinere umgäbig (und damit meini nid "görpse im restaurant" sondern vilmeh die charakterliche aspekt), lügt schlussendlich nur sich selber aa. Denn er gid vor waser eigentlich gar ned isch. Es bringt mir nüt mich z enthalte wenni grad bock han öbis usezlah wo grad nid allne passt. That's me, und so mues das sii. So willi das au...

Es bringt aber au nüt die Schiene z fahre, wemmer d lüüt ned ufklärt über sis eigne Verhalte. Persönlichi bekanntschafte vo mir, u.a. sehr vil fraue wüssed wie umgah demit und kenned mich (ihr chönd mir glaube, susch bini no vil primitiver druff als da ine). Aber logischerwiis isch das da im Forum ned so... Mer liest und interpretiert uf sini eigni Art und wiis. Mimik, Körpersprach oder au es Lächle gits da nit. Drum wird au vil missverstande.

Für mich hend Fraue en sehr höche stellewert. En Frau isch für mich keineswegs es Lustobjekt, öbis Minderwertigs oder so. Im gegeteil, ich respektiere Fraue sehr und ghöre id Gruppe "Fraueliebhaber". Git's schöners als gwüssi romantischi stunde vode zweisamkeit z gnüsse mitre frau? Wenni nid wür töfffahre wär mini entscheidig sicher liechter, aber au eso luutet mini antwort eidütig NEI.
Nüt chan de Maa so usgliche wie en Frau. Ob das jetzt en zärtlichi umarmig isch, oder au en Kuss. So Gestene erliechteret ungemein, egal was susch um eim ume passiert. Genau i dene Moment, wird alles zur näbesach. Sorge und Problem im Gschäft oder wo au immer, sind zwar nid glöst dur das, aber für ein augeblick weiss de Maa, es gid no wichtigers uf dere Welt. Gfühl, Emotione und die Verbundeheit zwüschet 2 Partner, das isch wahri Lebensqualität. Gids öbis schöners als Liebesgfühl? Mis herz rast debii so schnell wenni verliebt bin, schneller als wenni chli z spat ufen kurve zuebrämse... (die typische: "ui,ui,ui,ui,ui moment" ) Und es fühlt sich guet aa...

Und dafür dank ich de Frauene uf dere Welt, wo doch jede no so bitteri Moment i öbis magisches und unbeschriblichs chönd verwandle.

Kev

chlini amerkig... ech be rächt abghärtet was spröch agoht ond cha au gnau so usteile...die lüt wo mi könned wössed das jo au
schaffe sit öber 8 Johr imene Mannebruef ond ha i de Lehr 24Jungs de Klass gha...das erklärt einiges *gg*

ABER ... Egal weli Spröch, es esch emmer e Frog vo de Mängi! Egal of wärs ziiiled...
Ond im Inet set mer emmer bizeli weniger als im "rechtige Läbe"... da mer halt eifach dMimik vo dem wos schriiibt ned au dezue gseht.

Jawohl so ond ned andersch...

Zitat

Original von coolmiligirl
bin leider au scho vergeh, aber i bin glücklich, uf mich hetter geschter abig kenn guete iidruck gmacht...

apropos "i würd lüge wennd hüpsh wärsch"

Bullshit:

Han gseid nach dem du mir es foti gschickt hesch:

"Ich würd lüge wenni wür säge dassd schlank bisch... Aber es isch OK..."

Was hesch erwartet, nachdem du selber seisch "Han kei gueti figur, blabla..."

?