Fahre Textil...
Das rein us dem Grund, dass es wohl eifacher isch under em Textil no anderi Kleider a z'ha, was bi mir oft de Fall isch.
Sötts mol so si, dass i viel z'viel Geld han den wirds wohl au mol öpis in Leder geh 
ebefalls textil.
ich han mich nachem erschte unfall widr für textil entschide, aber dasmal für hochwertigs.
bim 2te unfall bini dankbar für die entscheidig gsi 
Textil het vor und nachteil.
Vorteil:
Anderi Chleider drunder
Liechter
Nachteil:
es schmilzt bim sturz
Ig ha es zwöiteligs Läderkombi. S'Problem bi däm esch haut, wenns heiss esch, schwezisch ond wenns chaut esch führsch. Me muess eifach emmer die rechtigi Klamotte dronder aha.
Aber rein von Schotz her dänk ig, dass Textil nöm vöü hender Läder esch.
Läder 2-Teiler. Isch für mich klar willi de Töff nume als Spass und Schönwätterfahrzüüg bruche und für uf dStrecki isch Läder eh pflicht. Textil hani was billigs für di sehr sältene Fäll woni mal irgendwo herefahre wonimi nöd chan umzie.
Ich ha textil
Und ehn 2teiler us leder.Und das bruchi für schönwetter und ander wen ich ned weiss öb es konnt cho pisse 
Ich warte no uf mis neue Dainese 1-Teiler Lederkombi... und sushc fahri mitre Textil jagge... För was go trinke oder mal usnahmswis id arbet fahre langed ja Töffstiefel und Jagge... Wenns dich denn halt nimmt denn hesch halt pech...
Aber för grossi sache lieber mitem leder... 
Han es Lederkombi für d uusfahrte und Textilwar für churzi Fahrte vo A nach B.
Für Läder gilt grundsätzlich: Je grösseri Lederblätz deschto weniger Näht deschto besser. Und d Näht söttet stark gnueg sii. Laa di uf jede fall bim chauf guet berate.
Original von NiReDrAoB
Cedi
guati überlegig..aber wia unterscheidet ma guats material vu schlechtem? was isch guat?
so dumm's jetzte au tönt, am priis.
Für das wasi usgseh han, chönnti en schöne lederkombie chaufe.
Am beschte gahsch mal ines Bekleidigsgschäft, ich han min 2 teiler vo IXS. Speziells material mit "kanäl" dine. Die dinger verenget sich wänn's chalt isch, so chunnt ke chalti luft a de körper und wenn's dusse warm isch tüends die sich öffne so wird de körper vom fahrtwind küehlt. So gaht mer kes risiko ih mitere offene jacke uf dfressi zflüüge wills eim zwarm gsi isch.
Drüberus ghörts zum neuschte wases git vom textil her. 100 mal riisfeschter als normals und schmelze tuets erscht ab enorm höche temperature, also isch d'hose nöd gad nachem erschte rutscher innere 50er zone kabutt.
Vo de Protektore her guet gmacht, all wichtigi stelle sind debii und en huuufe täsche gits au na dezue
Ich empfehle de Waser in Dütschland ( walshut-tingen ). Het gueti priise und e sehr grossi uswahl a textil und leder.
Auso ig ha es Läderkombi zwöiteilig für d Strass, denn Textil wenn ig im Winter mau wott go fahre und denn no Läderkombi eiteilig für d Rennstrecki. Het sich halt im Louf vor Zit so ergä 
ich fange ezt mal mit Textil ah
wirdmer aber au im lauf vor zit es lederkombi zuedue !
ich ben au usgröschtet met textil, han en dainese jacke ond fende die super! het mi au scho omghaue met dere ond ossert es paar chlini spuhre vom storz esch nüt kabott gange a de jacke! wenni denn mol met rönnstrecki afoh holi mer au es läderkombi!
Original von -=TS=-
ich ben au usgröschtet met textil, han en dainese jacke ond fende die super! het mi au scho omghaue met dere ond ossert es paar chlini spuhre vom storz esch nüt kabott gange a de jacke! wenni denn mol met rönnstrecki afoh holi mer au es läderkombi!
Hesch denn une Jeans?
wieso ersch es lederkombi wenn mer wett rennstrecki fahre?
verstahni irgendwie nüd ganz. ussert das uf der rennstrecki d gschwindigkeite höcher sind und mer halt eher als limit gaht isch es einiges weniger gfährlich als uf der Landstrass.
uf der landstrass isch d verletzigsgfahr insgesamt grösser und vo dem her sött mer ja denn au en bessere schutz hah.
drum isch das argument "wenni denn mit rennstrecki wott afange fahre chaufi mer es lederkombi well mer ja muess" irgendwe chli komisch i mine auge
