Hey!
E wott e Maturarbet mache, die öppis met Töff oder Töfffahrer ztue het-- aber es sött vlecht chli en soziologische Aspekt oder en sehr unpopuläre Beriich behandle.
Ha denkt e froge mol ume was der scho emmer mol so alles heit welle wösse? Chöi die chränkschte Sache cho. E ha schliesslich es halbs Johr ziit för Nochforschige... E wer froh för jede Tip. Vlecht het öpper sogar es Thema i dem Beriich mol als Kandidat lo useflüge?
IIsy, wer froh um jede Hewiis
LifeforChaos
Maturarbtsthema
- Chossi
-
17. März 2008 22:33 - Erledigt
-
naja mini matuarbeit hani au über's thema töff gmacht, allerdings im bereich motore, atriebstechnik. isch vorallem drum gange wie das alles funktioniert und was es echt in zuekunft so chönti gäh.
also eher weniger was demit ztue, wo du mache wetsch.
-
mer hend jetzt probe SVA
und mache über töff
das heisst so da mis inhaltsverzeichniss pick der was usse kei capyright,.... bla bla bla
Inhaltsverzeichnis
1. Titelblatt
2. Inhaltsverzeichnis
3. Einleitung
3.1. Das Motorrad
3.2. Modelle
3.3. 3 Fragen
4. Hauptteil
4.1. Sicherheit / Ausrüstung
4.2. Fahrtraining
4.3. Kurventechnik
4.4. Weelie / Stoppie / Burnout
4.5. Rasen, Adrenalinkick / Unfälle
5. Bibliografie
5.1. Bilder
5.2. Text
6. Schlusswort
7. Arbeitsjournal -
hey, häsch dini Arbeit na??? chönt mer diä mal per mail schickä??? kei angst, muä kei arbeit schribä oder so, nimmt mi nur wunder... isch sicherlich na interessant!!!
gruss greeny
-
mich wür das au no interessiere...
-
Mues luege öbi sie no irgendwo in Word oder pdf form han. isch halt scho es ziitli här. weiss nume grad wo die druckt version umeliit.
aber wird emal sueche und wenni sie finde chani die scho schicke.
-
ja wär cool würsch mal luägä... !!!
-
Zitat
Original von LifeforChaos
Hey!
E wott e Maturarbet mache, die öppis met Töff oder Töfffahrer ztue het-- aber es sött vlecht chli en soziologische Aspekt oder en sehr unpopuläre Beriich behandle.
Ha denkt e froge mol ume was der scho emmer mol so alles heit welle wösse? Chöi die chränkschte Sache cho. E ha schliesslich es halbs Johr ziit för Nochforschige... E wer froh för jede Tip. Vlecht het öpper sogar es Thema i dem Beriich mol als Kandidat lo useflüge?
IIsy, wer froh um jede Hewiis
LifeforChaosHoi LFC,
Also hesch au scho a wirtschaftlichi aspekt vode motorradindustrie ide schwiiz (oder au wiitläufiger) denkt?
S thema chund dänk chli druf ab was du för profilfächer hesch ide matura hä?
ich han mini KV abschlussarbet bispilswiis öber de Autoverkauf ide Zentralschwiiz gmacht. Fokussiert uf Marketing.
Du chöntsch öbis ähnlichs mache eifach förd töffindustrie. Verglichsch bispilswis verschidni grossi und chlini töffhändler mitenand wie dass das ganze prozedere ablauft vom Töff zum chund. Oder au die ganzi importeursgschicht wie das greglet isch und nimmsch na e bitz fokus uf d Zahle (Kommissione usw...) Aber för so öbis mösstisch ja fascht wirtschaft als profilfach ha ned?
Gruss
-
sodeli han was gfunde. zwar nüd die endgültig version, wo nachher druckt worde isch, aber eini wo nüd all zu lang devor entstande isch.
Maturarbeit Verbrennungsmotoren 2005
@dayday
ds wär sicher no ganz e interessanti sach. bsunders au chli mit em verglich zur EU. well mir hend da teilwies scho rechti monopol-importeur wo sich chli sehr viel höcheri priise erlaubed....
allerdings wie'd seisch sötti mer s passende fach no hah. han selber schwerpunktfach physik gha und drum die arbet halt au chli uf berechnige und formle usgleit. Under anderem no es progrämmli gmacht zur "theoretische PS" berechnig. also wo mer eifach gseht was siech theoretisch wie verändered wenn mer parmeter wie hubrum, max drehzahle usw. verändered
-
mercie vill mol.. isch sehr infomativ!!! super arbeit.. au wens nöd diä definitiv xi isch.. vo mir sicher en 5.5!!!hehe..
-
Hey, das sind jo mol es par super Sache. Aber nei, e mues mi ned uf mini Profilfächer(Mathe, Physik) beschränke.
E be eigentlich völlig frei vom Thema her. Öppis id Rechtig Import und Chance idr Schwiiz wer sicher ineressant. E denke das esch en guete Asatz zum Witerverfolge.DonBosco: Ha mer ebe au zerscht öberleit öbi öppis öberd Funktionswiis vo ergendwelchne teili im Töff mache oder so, aber mer esch denn halt devo abgrote worde.
schwegi: Punkt 4.5 tönt minere Meinig nach am luschtigschte
-
@LFC
Chamer guet vorstelle dass eim abgrate wird über öbis technischs zmache.. Ich glaube det chasch der denn gar kei fehler erlaube grad wenns um erklärige sowie berechnige gaht denn chlämmts di recht ii wenn öbis falsch machsch.
Wirtschaftlich chasch au vil drumherum rede wo guet tönt aber schwer usezfinde isch ob das au tatsächli zu 100prozent stimmt.
Min vorschlag wär (und das wills mi selber wundernimmt)... Analyse über de Wäg wo en NEU-Töff zrugleid vode Fabrik woner zämegsetzt wird bis zum Chund wonen vom Händler entgegenimmt. Und zwar gids recht vil pünkt womer chan dri neh:
bspwiis:
-Transport und Logistik(wer isch zueständig för wele transport und weli lagerig ufem wäg vom werk da ane)
-Importeur (was sind dessen aufgaben, Vorteil/Nachteil för händler wenns en importeur git)
-Zulassigsbehörde (wer macht was? Form. 13.20 usw...)
-Zollbehörde (wie isch das greglet för neufahrzüg)
-Was isch bi direktimport?
-Priispolitik (Priisfreiheite vom importeur / händler, Kommissionierig)ich denke wenn vo all dem chli is detail wörsch goh hätsch sicher gnueg stoff... Ferner chönt mer au no chli tüüfer id vorgehenswiis vomne hersteller dringe... Alles was produktpolitik agoht, wo was und wie abote wird. Chötn eifach chli schwerig werde wenn en JPN hersteller wetsch. De kontakt wird sicher schwerig bis unmöglich herzstelle. Aber ich denke BMW wör sich eigne (chöntsch na en werksbsuech iibaue... gid tolli fotis för dini arbet) oder evt. au Italienischi oder englischi hersteller.
Ich denke s thema Motorradindustrie isch sehr inhaltsriich...
Chöntsch dich au spezifisch uf ein Importeur festelegge und det chli ufzeichne ganz detailliert wie de vorgaht.. Marketing, Verkauf, Iikauf, Garantieleistige usw...
UND:
No vil besser geignet wär d autoindustrie.. Ich glaube det ischs e bitz eifacher a gueti infos anezcho... Motorradmarkt ide schwiiz isch halt scho chli "lari-fari" hani sgfühl.
Gruess und vil spass bide arbet!
-
Cooli Arbet, lueg mer sie de mal in Rueh a.
@LifeforChaos:
Chasch ja e Ökobilanz (LCA, life cycle assessment) vomene Töff mache. Z.B. wievil CO2 wird zur Herstellig vomene Töff brucht, also inkl. Teili und alles, ev. mit Import. Und de denn miteme Velo oder eme Auto vergliche. Oder emene andere Töff, z.B. en europäische Töff gäg en Japse.
Isch es heiss diskutierts Thema, topaktuell. Ich meine, da chan en Öko no so vil ÖV fahre, Bänzin spare etc. und de isst er die ganz Ziit Banane, wo vom ökologische Standpunkt her ein Irrsinn isch, wills per Flugi importiert werdet, oder en Hybrid fahre, doch d Herstellig brucht meh CO2, als er iispare chönt...
Und zum vorwegneh: Nei, bin kein Ökofritz. Spare det, wos Sinn macht, aber nöd det, wos mer wür d Freud neh.
-
weini dr e tipp daf gä due di themeberich führ die arbteit ufne müglechst chline teil beschränke.
schüsch chasch fo jeden thema nuem chli öbis schribe wiu schüsch d arbeti fiuz gross wird.
i ha afangs johr e arbeit über Wolken bildung müess abgä udn das isch es fiu z grosses thema gsi när heimer die ganzi arbeit müesse chürze udn das isch doof.
fiu spass bi dire arbeit.
gruss stifu
