A-Automat und danach geschaltet Fahren?

    Hallo Töffgemeinde,


    Ich ha mir vorher e frag gstellt. Bi de A1 Prüefig chamer nämlich mit em Roller ad Prüefig und nachher au gschalteti 50er und 125er fahre.


    Wie gseht das mit de A (unbeschränkt) us? Ich weiss ja nöd wieviel A Automate resp. Variomate dases git, aber ich weiss dass ämel mindestens eine existiert.


    Also: A Prüefig Automat und nachher trotzdem gschaltet fahre dörfe?


    P.S. Nei ich bi kei Automatikschlampe, s nimmt mi nur wunder :engel: Bi de Autos isches ja Bekannterwis ned erlaubt.

    READY
    TO>>
    ALUKÖFFERLI

    Nei, ned einzeln. Du dörfsch ja mit de normale Autoprüefig für gschalteti au Automat fahre, umgekehrt aber nöd.


    Und da ja A e wesentlich anderi Klass isch als A- oder sogar A1 chöntis mir guet vorstelle, dass s StVa dich nöd A gschaltet laht fahre wenn du d Prüefig mitem Automat machsch. :winking_face:

    READY
    TO>>
    ALUKÖFFERLI

    Uf was ich use wott, wieviel TÖFF mit automat sind dir bekannt wo mer scho chaufe chan?



    Du chasch dini prüefig ganz normal ufem Roller mache und denah e gschalteti fahre.


    Bim auto chanis au verstah, automat und gschaltet sind welte, bim töff isches nöd ganz so heavy.

    Ich weiss jetz ned was de grossi Suzu Roller Leistet... aber Aprilia het mal en 75PS-Roller akündet (oder bütet en scho a? weiss ich nöd...) Wie gseit, ich fahr nöd würkli gern Roller, au ned a de Prüefig. Isch nur interessehalber.


    Klar, bim Auto isch de unterschied zwüsched Automat und Gschaltet dütlich. Schnell mal isch de chare abgwürgt oder überdreht... Hingege isches au bim Töfffahre ned eifach für öpper wo vorher nur Roller gfahre isch. Ich bi ämel s erst mal en gschaltete 50er gfahre, no lang bevor ich jemals Roller gfahre bi :winking_face:
    Ha bi de erste paar mal Töff fahre au biz müeh gha und ich glaube da cha so ziemli jede es Liedli devo singe... oder isch öpperm vo eu s Töfffahre id Wiege gleit worde? :engel:

    READY
    TO>>
    ALUKÖFFERLI

    Einmal editiert, zuletzt von AmmuNation ()

    Also i han ja au mal d Idee gha, miteme grosse Roller a Prüefig anstatt mit de KTM, denn hets aber gheisse, dasi nachane kei gschalteti Töff dörf fahre (wie bim auto).

    Zitat

    Original von fist Alpha
    Also i han ja au mal d Idee gha, miteme grosse Roller a Prüefig anstatt mit de KTM, denn hets aber gheisse, dasi nachane kei gschalteti Töff dörf fahre (wie bim auto).


    Das isch die Antwort woni ha wele ghöre. Isch eigentli au recht so.. sind ja doch chli unterschied da :winking_face:


    Merci!

    READY
    TO>>
    ALUKÖFFERLI

    Also ich han Prüäfig uf em nä 600er Suzuki Roller gmacht (Automat) und han ohni Problem chönä Handgschalteti fahrä, es git kein IItrag im Führerschii.....