HONDA VT750C als Einsteigermodell

    Hoi zäme

    So au ech wörd gärn im Früehlig afange töff fahre. Jetzt han ech mol welle froge, was för töff sech den för en afänger eignet. hender mehr do es paar tipps?

    Grondsätzlech wörd ech gärn en chopper fahre das rennmaschene-zügs esch nüd för mech ond do wär halt die honda 750c (natürlech reduziert för -A)
    aber eignet sech die öberhaupt zom afange? chond das öberhaupt druf ah was mer för en maschene hed?
    hed die den au no gneug leistig wenn si reduziert esch (die chopper send jo rächt schwär!)?

    danke scho mal för d tipps

    Ich empfile dir da ganz klar e Suzuki Bandit. Han ebefalls mit dere agfange und bin absolut zfriede gsi mit dere!!!!
    Aber das kein Chopper isch fallt da vermätlich wegg....

    Mangelnde Leistung ist durch höhere Risikobereitschaft zu kompensieren!!!

    naja in erster linie wot ech jo lerne töff z fahre ond desto eifach desto liechter. aber ergendwie esch es halt so, dass wenn den s döff fahre kei spass macht (ond emmerhin fahrt mer jo den 2jahr demet ome) den esch es halt au ned so das. d frog esch nome obs es grondlegends argumänt gäge chopper för afänger ged?

    Hm mir fallt eigendlich vor allem sGwicht ii und dases rächt Tüür isch wennen umgheie lasch. Wobi soo fill schwärer als anderi Töff isch d'vt750 jetzt au wider nöd (glich wie mine :ugly:).

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    Sali

    S'Wichtigschte für dr Aafang düecht mi, dass dich wohl fühlsch mit dere Maschine (Sitzposition, Schwärpunkt, Handling). Zum Byspiel miini Kawa, die halt y für sehr geeignet für e Aafänger.

    Das mitem Gwicht isch relativ. So tüecht mich e Yamaha FJR 1300A handlicher als e BMW K1200S, obwohl sy mehr wiegt. Natürlich isches en rächte Schritt. Du chasch aifach nümme wie bim Velo, bim Langsamfahre dr Töff mit Gwichtsverlagerig vorem Umkippe rette, sondern nur no mit Gas und Kupplig. Do gwöhnsch dy ziemlich schnäll draa und wenn dr Töff mol fahrt, schiint är liechter als wenner stooht.

    Ich empfiel dr (bsunders zum Aafange) en Töff mit ABS, das macht's brämse sehr viel aifacher und en Sturz isch tüürer. Bi Chopper findsch sälte es ABS. Es git bi de neuschte Harleys es paar Tourer wo das händ und BMW het emol e Chopper R1200C baut (nume no Occasion erhältlech). Öbs die mit 34PS git, do muesch frooge. Wänn di mitem Design chasch aafründe, lueg doch mol öb de e BMW F650 "Scarver" findisch. Dä isch dr Hit zum Aafange fahre.

    Ich lenke also bin ich. (René D. Kart)