Neue Automarke

Bin im januar in de USA gsi und döt gsesch mega viel vo denne. sind cooli Autos und gsend schick us.

also de lexus hämoriden (oder wie mer das au immer schribt) brucht so 9.5 liter.... fahrt eifach no rächt guet hehe..

und es gid jo sogar no töff, wo bim losfahre bänzin us 2 grosse termignonis usesprützed... muesch immer s visier putze...

Zitat

Original von DonBosco
ich wohne i somene dorf wo fasch all mit so SUV umefahred. bevorzugt cayennes oder ML's. sälbschtverständli immer en V8 wo möglichscht viel suufe duet.

sportlich fahre duet chum öppert demit und is gländ gaht ersch recht niemert.

also was söll das ganzi????

wenns eine brucht ok. hani nüt dergege, aber zum in migros go ichaufe bruchts keni 500PS

Alles anzeigen

Nachbar, du sprichst mir aus dem Herzen

So e dummi scheisschue mit ihrem scheisscayenne isch mal 20m vor mir usem Parkhus vom Migros usegfahre und ich ufem Töff... sie het zwar aghalte aber eifach nix gluegt. Ich bi churz devor gsi ihre Dreckscharre z gingä bim verbifahre.

Ich bi zwar definitiv kein Grüene, aber so scheiss brucht au keine. Wenns en Buur oder susch öpper isch wo für de Job oder weg de Wohnlag en SUV brucht isch das ok, aber s Forchgebiet isch trotz ländlicher Lag doch EXTREM guet am Strassenetz agschlosse

Also ich gseh die Sach e so:

En Cayenne,ML,GL,R,X3/5/6,Touareg,Q7 sind eifach mal idiotie hoch 10.

En Buur chauft sich ken ML oder Cayenne, en Buur chauft en Land Rover oder en Mitsubishi Lancer 4x4. Die 2 Biispil sind wenigschtens na richtigi geländewage ( bi Land Rover halt die chli ältere ).

En X5 isch gad no so a de grenze zum normale stadtauto, aber zB en ML het jetzte 0 Geländequalitäte.

Ich bi eifach de Meinig dass die Lüüt wo meined en Charre fahre zmüsse wo 20L plus uf 100km suuft ( und en nöd zum schaffe bruuched wie zB en Buur im Jura ) söttet bi allne Abgabe massiv höher id täsche griife.

En Kolleg zallt für sin Range Rover Vouge ( 07 ) gad mal Fr.140.- meh ah Verkehrsabgabe als ich für min Corrado ( 94 ) Und das bi 3 Liter hubraum unterschied.

Gopfverdammi sit dir doch klikarriert - isch ja nit zglaube.
Scho mal dra dänkt das we mer meh Benzin verbrucht au meh Stüre zahlt - 50% vom Benzinpris sind nämli scho Stüre.

Mir lebe immerno im ne freie Land wo jede das cha mit sim Geld mache was er wot.

Und Cedi schrei mal nit so lut mit Idiote hoch 10...gäll. Ich säg ja au nit was ich normalerwis vo Corradofahrer halte.

Ja aber hallo - d Schwiz cha de Planet nit allei Rette - ich wüssti nit wieso ich uf min Spass sött verzichte wenn der Rest vor welt scheiss baut. Ueberleget doch mal. Isch doch alles lächerlich was da veranstaltet wird.
Uf der eine site mache mir hier es Theater wäge Abgaswert, Benzinverbruch etc. - uf der andere site werde z Indie und China Millione vo neue Dreckschleudere zueglah - i de USA fahret SUV umme wie hier VW Golf.

Und bitte söll jetz kene cho mit irngedwo muess mer ja afah - der Tropfen auf den heissen Stein mehr nicht.
Numme damit "ich" es guets gwüsse han bruch ich das Theater nit.

Und zum Thema "Prognose" vo irgendwelche Ökowüsseschaftler- ich cha die sowieso nit ernst näh - wenns nach denne gange wär i der 80er Jahr hätte mer hüt ke Wald meh und wie gsehts us - der Wald isch sogar gwachse ir Schwiz!

Jetz chämme sie wieder mit em 80 uf der Autobahn ir Schwiz obwohl letzt Jahr klar zeigt het das es NÜT bringt i Sache Finstaub wert.

Ueberleget e mal wieviel Benzin allei d Schwizer Armee jedetag *für nüt* dürrelaht - u mir Autofahrer / Töfffahrer sind die böse. (nei ich bin kei Armeegegner - findes numme es guets Bispil)
Ich bi mal am Bsuechstag gsi z Thun - uf der AB ha ni müsse den 80 fahre wegem Finstaug - dört sie sie die ganz Zit vollhane mit de Panzer ummegfräset (au hier wieder dagege ha ni eigentlich nüt).

Es geit mer im Grunde au nit drum z säge wer jetzt söll afah - aber i mine Auge isch das was hier i der Schwiz ufgführt wird eifach für nüt - darum gahts mehr. Das isch uf der eine Site Geldmacherei und uf der andere Site "Gewüssensberuhigung" aber effektiv isch es sicher nit.

Z Klima, Co2 und so witer - es isch es globali Sach die hört nit a de Grenze zur Schwiz uf und wenn einisch mal fertig isch de blibt nit eifach d Schwiz übrig will sie schön brav Benzin gspaart hend und Emissione reduziert.

S einzige wo würkli öppis würd bringe wär en globali Lösig a die sich alli würdet halte aber dazu wirds sowieso nit cho (sig mer doch realistisch).

Vo dem her ich ha überhaupt kes schlechts Gwüsse was d Umwelt agaht - will we mer mal logisch überleget ohni das Gschwätz vo irgendwelle Grüne Politiker izbeziehe müsse mer üs doch klar si wo würkli d Problemzone uf der Welt si.
Nomol so es Bispiel - z US Militär verbrucht am Tag wahrschinlech mehr Sprit als d Schwiz im ganze Jahr...
Mer muess sich eifach mal d Dimensione vor Aug halte uf dere Welt.

Meine Güte - jetzt ist dieser Tread immer noch am laufen 8o
Habe inzwischen bisschen den Faden verloren. Irgendwie war das Problem mal der Preis, dann der Spritverbrauch, dann generell der Umweltgedanke, dazu die fehlende Offroad-tauglichkeit (anders rum wieder der Mega-Spritverbrauch von schweren Offroadern mit kurzer Übersetzung) und irgendwie dazwischen waren noch Diskussionen über den Verbrauch von diversen Motorrädern - und von mir der Hinweis, dass auch viele von denen auf CH-Strassen relativ unnötig sind.

Fact ist: es hat (und wird) immer Leute geben welche viel Geld für ausgefallene Sachen haben. Die einen kaufen sich teure Luxus-Offroader welche teilweise kaum fürs Gelände taugen, andere haben eine Garage für 40! Autos unter Ihrer Villa stehen und noch andere kaufen sich Sammlerautos welche eine Million Dollar (oder mehr) kosten - und zudem auf der Rennstrecke gefahren werden müssen (d.h. dazu kommt ein Serviceteam und vermultich nicht übel was an Ersatzteilen - wird natürlich gegen Bezahlung alles vom Werk gestellt).

Da man einige dieser Autos sieht, kann man sich darüber ärgern - das tun auch viele Leute, wenn sie Motorräder sehen (gibt schliesslich öffentliche Verkehrsmittel um von A nach B zu kommen).

Was man nicht sieht: wie viel Energie flöten geht um all die Indoor- und Outdoor-Pools in den grossen Villen zu heizen, wie viele Learjets an den Flughäfen startbereit auf Ihre Besitzer warten und wie viele Manager (auch in der Schweiz) sich mittlerweile nur noch per Helikopter durch die Gegend bewegen. Ebenfalls ist der Spritverbrauch des Militärs (wohlgemerkt: da ist Kat noch Mangelware) nicht zu unterschätzen, so ein F18 verbläst in der Minute mehr Sprit, als ein Motorrad in seinem ganzen Leben je tanken kann. Aber eben: DIE dürfen ja

Logisch sollten alle auf den Spritverbrauch achten. Nur: wärt Ihr bereit auf einen 50ccm Elektroroller umzusteigen, wenn Ihr stattdessen eine 600er oder 1000er Maschine fahren könnt? Nein? Also - wieso soll denn ein Mercedes 600, ML oder X5-Fahrer auf ne kleine Kiste umsteigen, wenn er an seiner Geldvernichtungs-Anlage Freude hat.

Gibt nun mal Leute welche etwas mehr haben - und wenn man die mit Steuern und Auflagen madig macht, dann gehen die weg. Vielleicht wäre es für die Umwelt besser (wobei das relativ ist, die Luftverschmutzung macht schliesslich nicht an der Grenze halt), dafür würden am Ende alle dabei verlieren. Seien es Steuern, Arbeitsplätze (die Jungs sind ja meist nicht grad arbeitslos und haben Firmen in der Schweiz) oder auch nur Sprit- und Strassenverkehrsabgaben.

Alles hat zwei Seiten - und wer Mercedes oder BMW-Aktien hat, dem kann es nur Recht sein, wenn die Leute diese teuren Autos kaufen

Marc
der sich beim aktuellen Spritpreis langsam frägt wie hoch die persönliche Schmerzgrenze liegt. Irgendwann tut (mir) jeder Liter weh - wenn man dazu nur auf verstopften Strassen rumeiern kann, gibt man das Hobbi irgendwann mal auf. Zum Glück scheint die zusätzliche Abgabe (von bis zu 50 Rappen pro Liter!) vorerst auf Eis gelegt - aber irgendwann braucht der Staat auch wieder mehr Geld.

jo jungs wie de yam660 han au ich nömme alles gläse was der do enne alles gschrebe händ!

aber ächt am beste ziehmer do eifach de schlossstrech well wennder öber die ganz omwält wäge de abgase etc. wänd diskutiere get das es ändlos thema! jede gsehts weder andersch ond het weder meh argumänt deför ond degäge!

ich fendes au en völlige wetz was i de armee ablauft, ich ben be de transporttroppe gsi ond denn fahrets tagtäglich eifach blöd em scheiss omenand met de puchs ond töfflis etc.! was die scho nome dete alles a bänzin dorelöhnd ond ebe wie de mike glaub scho gschrebe het ... wenn denn sonen panzer startet wo sogar no en motor brucht zom de hauptmotor starte das esch eifach z öbertrebe! ond das gliche chönnt mer au no wiiter zieh of die 1000i vo franke wo sie dorelöhnd z.b. scho nor förd munizion! z.b. ein panzerschoss esch sovell i weiss öppe 30 tusig stotz!

also ebe wie scho gseit es het kein wärt do no wiiter öber bänzin z diskutiere ond dasi au no mini meinig gseit han, es brengt wörkli nüt wemmer do wäge spritverbruch lueged well mer jo au jede tag oder jedes wocheend förig met eusne töffs omefahred ond denn chan eine wo ke töff fahrt au es auto fahrt au en charre ha wo chli meh brucht, mer bruched de ateil wo desem sie's auto meh brucht eifach zom met em töff fahre! ond ebe wenn z.b. d paris hilton vo L.A. schnäll of new york flügt zom de nicole richi oder so hallo z säge chöne der nomol en neue thread starte wievell gäld die dore loht för so spontanaktione!

over and out ;)!