Speed

baaaahhhhnnhoooofffff

ich nix verstehe

DonBosco
De Server ladt sich grad sISO vom Suse 10 abe mit 2,28MB/s. Das heisst daser jetzt e 20Mbit Leitig hät, oder falls er bide Cablecom isch 25Mbit... (will bide Cablecom zahltmer en huufe und chunt nie die Gschwindigkeit über wo drufstaht).

Ich wer da au na en kandidat wo gern me speed hetti....
han aber kein plan vo dem zügs

Chrigi

gaht mer genau glich

defür weiss ich wo's e tunica fibromusculocartilaginea het

aber töffhobby, studium und denn no PC isch nüd mögli überall up to date tsi...drum PC wenn lauft guet wenn nöd ich problem

Gits das wort au inere version wo mer chan usspreche? Isch ha vom schlimmschte.... da chani nid mal lese ohni es gnusch im kopf zbecho!!!!!

Ide Luftröhre?

De Text isch andersch ... bide Chnorpelspange wirds no richtig mechanisch :D. Isch das sone Schicht vode Luftröhre wo so heisst?

Zitat

Das respiratorische Epithel (charakteristisch für die oberen Atemwege) begrenzt die innere Oberfläche des Organs und bildet die Lamina epithelialis der Schleimhaut, Tunica mucosa. Es sitzt der Lamina propria aus lockerem Bindegewebe auf. Darunter befindet sich eine Tunica fibro-musculo-cartilaginea, die aus Bindegewebe, glatter Muskulatur und einer Knorpelspange besteht. Dieser schließt sich eine Tunica adventitia an. Durch die Tunica adventitia wird das Organ in das umliegende Gewebe eingebaut. An der offenen Seite der Knorpelspange (der Tunica fibro-musculo-cartilaginea) schließt die Pars membranacea mit dem Musculus trachealis das Lumen ab.

Und das lernsch du de ganz Tag Bösci? 8o

jo so sache sind no harmlos.

sind vielicht öppe 2000siite vo so zügs gsi für die schriftliche prüefige das jahr und halt nomal einiges für die mündliche woni nächscht week han.

es het ebe leider öppis dra, dass d medizinstudente eher e chli meh z tue hend als gwüss ander fakultäte vor uni

de text isch aber harmlos. de isch no richtig lieb erchlärt. luschtig isch es denn wenn so text versuechsch zämezfasse welld ja nüd immer ganzi büecher über so sache lese chasch. es anatomiebuech wo numm us so sache bestaht isch guet mal 900siite lang. denn hesch biochemie vo vielicht 1200siite und nomal gueti 1000 physiologie. denn no chli anders plunderzügs und das derfsch der i eim jahr inedrucke

aber ebe stoffwechsel mit de ganze enzym isch no viel luschtiger.
so chli Phentolamin-N-methyltransferase oder min liebling in sache langem scheissenzym beta-Hydroxy-beta-Methylglutaryl-Coenzym-A-Reduktase

Zitat

Original von SERVER
und scho heissts när wieder d cablecom het nid dr voll speed....

Ja . Bi mir chunt bi http://perftest.cablecom.ch/ nie me wie 7000kb/s use bim Download (immer zwüsched 5000 und 7000 irgendwo). De Upload bringt 1024kb/s was au richtig isch so.

Mitlerwiile händ si sich ja besseret was Netzusfäll anbelangt, ich erinnere mich a Ziite wos regelmässig usgstige isch am Wuchenänd. Das si aber Aagabot für Neuchunde mached und dStammchunde nacher halt glichfill für weniger Zahled, das gaht bi mir nöd so uf irgendwie.

Grad mal usprobiert, mit Mozilla 650kBs, miteme Downloadmanager 780kBs, git zimmlich die 6200kbs usem Perftest. Mag mi nöd erinnere dasi jemals id nöchi vo 1MBs cho bin.
Wasi ghört han chans si dasmer eifach päch hät und relativ wiit vom Verteiler weg wohnt, und dänn halt dur das schomal en Teil vom Speed drufgaht. 30% isch halt eifach naja.

Isch ja nöd so dases mir zlangsam wär, aber isch halt eifach nöd so schnäll wies chönnti sii... aber isch ja eh kei garantierte speed, vodemher... trotzdem schad um di 30%.

server du arsch... machsch mi grad depri