Anneau am 8.09. und 9.09

Wird höchscht wahrschindli a beidne, sicher a eim vo dene täg mit em cornu in anneau sii.

Wer chan au scho chli wiiter plane und würd da mitcho?

-Hypi (au wenn mer keni 300 chan fahre)
-maini
-Linkin
-ray
-nitro
-server
-toretto
-boo (hesch sicher au semeschterferie)

wär luschtig wenn mer wieder so es grüppli zämebechömed. und ja ich han e neui kombi und wirde die passende reife mitnäh. also kes gejammer vo mir

Boo

denn gang im april mai eifach noimed anders

isch echt amigs luschtig mit chli enere grössere gruppe. de cornu laht eventuell au no mit sich rede, wenn mer e ganzi gruppe vo paar lüüt wäred. wenni mi richtig erinnere het er enere gruppe us em mototreff au mal rabatt gäh

chunt uf'd versicherig ah.

wenn'd e vollkasko hesch und a somene training wie vom cornu teilnimmsch, denn zahlt d versicherig. Zumindescht d Züri Versicherig. Aber au anderi sötted zahle, well solangs als Schuelig und nüd als renntraining mit em Ziel beschtmöglichi Rundeziite z erreiche oder es Renne z beschtriete isch giltets als Fahr und nüd Renntraining. Und es Fahrtraining söll dini fähigkeite verbessere au im strasseverchehr.

Choschte sind immer so um die 250-280CHF pro tag bi freiem fahre in anneau.
Eifach fahre chasch drum ebe nöd, well mer mit eme veraschtalter here mues und de mues d strecki miete. Da das sautür isch choschtets halt doch einiges. Bim cornu isch es frei's fahre. Sprich du chasch dis tempo fahre aber wennd wetsch chasch au en instruktor zur hilf näh für es paar rundene

en kolleg vo mer isch awalt und het sich da chli uf das ganzi zügs betreffend versicherige, unfäll im strasseverchehr usw. spezialisiert.

und er het mer bestätiget und es het au scho diversi grichtsfäll gäh, wo eine nachher d versicherig verchlagt und gwunne het weg genau dem mir zahled nöd.
versueche düends es eigentli immer, aber wenns kein renncharakter isch chönds absolut nüt dergege mache. und zumindescht d trainings vom cornu sind bekannt, dass da strickt kei renncharakter sondern schuelig isch.
Weiss au vomene biespiel us dütschland, dass letschti ersch grad wieder en fall gsi isch, dass eine sich uf em hockeheimring uf'd schnurre gleit het und d versicherig gfunde het sie zahli nöd. de het denn au mit em awalt zäme und em veraschtalter de prozess gwunne und d versicherig het zahle müesse.

für die wos interessiert hani da no de dütschi gsetztestext und die ganz uslegig gfunde
http://www.gsxr-freaks.info/mr/News-file-article-sid-51.html

alli trainings vom cornu falled id kategorie fahrtraining und nüd renntraining.

als renntraining gilted würkli nume Teschtfahrte zum material istelle, wo nachher brucht wird für rennzweck, qualifikationsläuf und d rennne selber.

alles anderi gilt als fahrtraining und somit mues d versicherig zahle.

wegem transport: ich bin ei mal usegfahre a eim tag und denn is hotel. gaht ganz guet aber d heifahrt nach eme tag rennstrecki fahrt ganz schön ih. usefahre rennstrecki und denn wieder heifahre schaffsch vermuetli nöd.
drum düend mer eigentli es büssli miete und de töff verlade. denn entweder am morge use und abig wieder hei oder am abig vorher use und denn det is hotel oder campiere.

was d drossle abelangt isch das glaubs nüd so e sach. bi de 600er gixxe chan mer die recht schnell ufmache und denn wieder drossle. sprich fahrsch offe uf der rennstrecki und machsch nachher wieder zue. wenn en unfall passiert machsch sie au wieder zue und was wennds denn mache???
Zudem uf der rennstrecki ja d Strasseverchehrsordnig nüd gilted und du somit nüd ad drossle bunde bisch

also das mit em freie training mues mer nüd ganz so äng gseh. es isch ganz guet mögli dete s erscht mal zfahre, well'd der ja en instruktor chasch näh und alles au mit ere fharerbesprechig schön erchlärt bechunsch.

ich persönlich hans sehr guet gfunde zum chli mal rennstrecki schnuppere. da bi de cornutrainings im normalfall vorallem strassefahrer dete sind wo halt ei zwei mal im jahr uf der rennstrecki fahred isch s niveau au nüd so höch wie's zum biespiel teilwies bi anderne verastalter isch. Dete hets au sehr schnelli lüt unterwegs und das isch denn nüd bsunders guet wenn mer sich gegesitig im weg staht. doch es git au immer drü verschiedeni gruppe, so dass nüd langsami und schnelli glichziitig uf der strecki sind

und die 125PS sind au nüd so e sach. Respekt isch guet, aber angscht isch falsch. Well es isch e 600er und vorallem d gixxer isch würkli guetmüetig zum fahre. au entdrosslet. isch nüd so wie binere 1000er, dass sofort extrem viel dampf hesch. en unterschied merksch ersch oberhalb vo 6000U/min zur drosslete und au dete fangt d leischtig schön linear langsam a stiige
ansuschte fragsch mal de maini. er isch au jewils uf der rennstrecki sini r6 offe gfahre, aber uf de strass drosslet